Nordgermanische Sprochn
| Der Artikl is im Dialekt Obaboarisch gschrim worn. |
De nordgermanischn Sprochn, aa skandinavische Sprochn umfossn de Sprochn Dänisch, Färöisch, Isländisch, Norwegisch und Schwedisch. Se san a Untagruppm vo de germanischn Sprochn. Rund 20 Millionen Menschn redn a nordgermanische Sproch ois Muaddasproch. As Oidnoridsche bzw. Oidisländische, wo duach de Edda iwaliefad is, guit ois Urtypus vo de nordgermanischen Sprochn. De äitaste iwaliefate nordgermanische Sproch is owa as Urnordische.
As Nordgermanische hod se um de Zeitnwende (Christi Geburt) vom Westgermanischn obgspoitn und untateit si obm 9. Jh. in Westnordisch und Ostnordisch (Oidnordisch).
Historische Eiteilunga [dro werkln]
Voam Joa 1100 hods a oanzige oidnordische Sproch (dǫnsk tunga) gebm, de wo nua oanzlne Dialektuntaschiede afgwiesn hod. So untascheid ma fia de Zeit zwischn Westnordisch und Ostnordisch: [1]
- Westnordisch
- Oidtisländisch
- Oidnorwegisch
- Ostnordisch
- Oiddänisch
- Oidschwedisch
Danoch is da Obstand zum Dänischn gwochsn, sodass man von ca. 1100 bis ca. 1300 a ondare Eiteilung zgrund legt: [1]
- Sidnordisch
- Oiddänisch
- Nordnordisch
- Oidisländisch
- Oidnorwegisch
- Oidschwedisch
Im Spodmittloida hom se de Sprochn untaschiedlicha entwicklt. Isländisch und Färöisch hom weitgehend de oidn Sprostrukturn behoidn, während se im Norwegischn und Schwedisch stork vaoafoch woan san. Ob ca. 1500 ko ma a ondare Eiteilung vo de nordgermanischen Sprochn onehma: [1]
- die inselskandinavischen Sprochen
- die festlandskandinavischn Sprochn
De Eiteilunga ensprecha ned am genetischen Stammbaam im Sinn vo da Stammbaamtheorie. Se beschreim ledigli de Ähnlichkeitn zwischen Sprochn vo oana bestimmtn Periode.
Beleg [dro werkln]
- ↑ 1,0 1,1 1,2 Odd Einar Haugen, Grunnbok in norrønt språk, 2. utgåve, Gyldendal, Oslo 1995, ISBN 82-417-0506-9
Drucksocha [dro werkln]
- Kurt Braunmüller: Die skandinavischen Sprachen im Überblick. Tübingen und Basel: A. Francke Verlag, 2007, ISBN 978-3-8252-1635-1.
