Oortsche Woikn

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.
Oortsche Woikn (Schema)
Oortsche Woikn, Kuipergiatl und Umlaffboh vo Sedna im Vagleich

De Oortsche Woikn is a vamutete sphearische Woikn vo Kometn und kloan Himmeskeapan, wos Sunsystem in am Obstond vo rund oam Lichtjoar vo da Sun umgibt.[1] De Woikn is damit rund a Viatl vom Obstand vo Proxima Centauri, am nextn Stean, vo da Sun entfeant. Da Kuipergiatl beispuisweis hod wenga ois oa Tausendstl vom Obstond vo da Oortschn Woikn zua Sun. Se is woarscheinlich de aissaste Grenz vom Sunsystem, wo duach de Gravitation definiat is.[2]

Aufbau[VE | Weakln]

Es wead vamutet, dass de Oortsche Woikn aus zwoa Regiona besteht: a sphearische aissare Region und a scheibmfeamige innare Region. De Objekte in da Woikn bestengan vor oim aus Stoana, Staub und Eis (Wossa, Ammoniak-, Methan-Eis). Es wead ognumma, dass de Objekte vo da Oortschn Woikn friaha vui näha ba da Sun woan, owa in da Ofongszeit vom Sunsystem duach de Gasplanetn weit ausse gschleidat woan san.[1]

De Entdecka vom wei aussn umlaffandn Zweagplanetn Sedna – mit am Aphel ba ungefea 926 AE – hom vorgschlogn an Himmeskeapa zua Oortschn Woin zan zäin, wos owa bis etz ned oigmoa akzeptiat wead.

Kometn[VE | Weakln]

Duach an Einfluss vo de Gravitationsfäida vo de benochbortn Steane sowia vo de galaktischn Gezeitn wean de Umlaffbohna vo de Keapa vo da Oortschn Woikn gsteat und oaniga vo dena wean is innara vom Sunsystem katapultiat. Do weans nacha ois longperiodische Kometn, mit oana Periodn vo mearan tausend Joarn woargnumma. Kuazperiodische Kometn kema dagegn ausm Kuipergiatl.

Schaug aa[VE | Weakln]

Beleg[VE | Weakln]

  1. 1,0 1,1 Alessandro Morbidelli (2008-02-03). "Origin and dynamical evolution of comets and their reservoirs" (PDF). arxiv. http://arxiv.org/abs/astro-ph/0512256. Retrieved on 2007-05-26. 
  2. "NASA Solar System Exploration". "Oort Cloud". http://solarsystem.nasa.gov/planets/profile.cfm?Object=OortCloud&Display=OverviewLong. Retrieved on 2008-12-02. 

Netzvaweis[VE | Weakln]

 Commons: Oortsche Woikn – Sammlung vo Buidl, Videos und Audiodateien