Passendale (Dorf)
Passendale (a: Passchendaele) is Dorf aus da Gmeinde vu Zonnebeke in da belgischn Provinz vu Westflandan.
Dea Oat ligt åf hoibn Weg zwischn Üpan und Roeselare. Ea woa im Eastn Wöitkriag heftig umkämpft, hot sich noch da 1. Üpanschlocht oba in deitschm Besitz befundn, und noch da 3. Üpanschlocht (a: 3. Flandernschlacht) im Johre 1917 woas unta kanadischa und britischa Besåtzung, oba a des is wia die voaherign Schlochtn nua mit groaße Valuste eiheagongen. Wei die Schlocht mit da Aobarung vum Dorf söiba endet, wean Passendale, Paschendale, und Passchendaele ois Synonyme fia die eigntlichn Bezeichnungen vawendet (1. Üpanschlocht, 2. Üpanschlocht, 3. Üpanschlocht / 3. Flandernschlacht). Im Valauf da Schlocht san Passendale und Umgebung mit Zonnebeke, hauptsächlich duach Artilleriefeua vollkommn vawüstet woan. Übrigns is in da Umgebung vu Üpan und vu Passendale es easte Moi Senfgas eigsetzt woan, weshoib ma im französischn Senfgas heit nu ois Yperit bezeichnt
Heite gibts in da gsomtn Umgebung vu Passendale, an Haufn Gdenkstättn fia die Gfållnen aus de 3 groaßn Schlochtn.
Außadem behåndlt da Song vo da britischn Heavy-Metal Band Iron Maiden die Leidn in de Schlocht und awähnt wean die Schlochtn a vu da schwedischn Band Sabaton in iam Song The Price of Mile
Im Netz [dro werkln]
- Offizielle Homepage vo Zonnebeke (Kuazinfos in die Sprochn deitsch, französisch und englisch
- Passendale - Dateia und Kortn
