Patent

Aus Wikipedia

A Patent schitzt a technische Eafindung.

Wenn ma a Patent kriagn will, fir a Eafindung, so muas de Eafindung nai sei, auf a erfinderischen Tätigkeit beruhn und gwerblich åwendbar sei. Obwoi ned so direkt gsogt, kann ma nur auf technische Eafindungen a Patent kriang.

Wissenschaftliche Entdeckungen, Theorien und mathematische Modelle, ästhetische Formschöpfunga, Pläne, Regln und Verfahrn via gedankliche Tätigkeiten, Spuia oda geschäftliche Tätigkeitn und Programme via EDV-Anlagn und die Wiedagåb vo Informationen wean in dem Sinne ned åis Erfindungen agseng. Drotzdem kann ma dafia a Patent griang, wenn koa Schutz via soiche Sachan ais soichas begehrt wiad, sondern wanns a konkrets technischs Problem lösn.

Außadem kann ma auf chirurgische und therapeutische Behandlunga und Diagnoseverfahrn koa Patent griang, wei ma sogt, dass des ned gwerblich åwendbare Sachan sand.

Um a Patent z'kriagn, muss man de Eafindung bai am nationalen Patentamt oder baim Europäischn Patentamt åmeldn. Fia de Åmeldung braucht ma an Antrag, a Beschreibung vo da Eafindung, Patentansprüch, wo drinn städ, wos gschützt wean soi, und eventuell Zeichnunga. Natürlich muas ma a Gebührn zoin.

Dann wiad de Patentanmeldung vo am Prüfa ogschaut, ob ålle Voraussetzungan do sand, dass a Patent erteilt wean kå. Fois des ned so is, kann ma des Patent nå eventuell åpassn, so dass da Prüfa eivastandn is. Des erteilte Patent wead veröffentlicht, so dass jeda nachschaugn koo, wos schå eafundn woan is und ned ohne de Zustimmung vom Patentinhaber heagnumma wean deaf.

Gschützt is a Patent bis zu 20 Joa lång, wenn ma jeds Joa Verlängerungsgebührn zoid hod.

Wenn oana des Patent via sich heanemma mächt, so muas ea an den Patentinhaber Lizenzgebührn zoin, de zum aushandln san.

Wenn jemand ned damit einverstandn is, dass a bestimmte Sach patentiert is, weil ea zum Beispüi des heanemma mächt, oba koane Lizenzgebührn zoin mog, so kann ea innahoib oana bestimmtn Frist gegn des Patent Einspruch erhebn. Wenn de Frist scha voabei is, muas ea a Nichtigkeitsklage erhebn, damit des Patent vernichtet wiad.

[dro werkln] Weblinks

• Patentportal - Ibersicht ibern gewerblichn Rechtschutz