Piratenpartei Deutschland
| Piratenpartei Deutschland | |
 |
|
| Parteivorsitzenda/e | Sebastian Nerz |
 |
|
| Generalsekretär | Wilm Schumacher |
| Stellvertretender Vorsitzender | Bernd Schlömer |
| Bundesgschäftsfiararin | Marina Weisband |
| Bundesschatzmeister | Rene Brosig |
| Hauptgeschäftsführer | |
| Grindung | 10. September 2006 |
| Grindungsort | Berlin |
| Hauptsitz | Pflugstr. 9a, 10115 Berlin |
| Foarb(m) | Orange |
| Bundestagsmandate | keine |
| Mitgliadazoi | 11.720 (Stand: 31. Dezember 2010)[1] |
| Mindestoita | 16 Jahre (Stand: 5. Oktober 2008)[2] |
| Duachschnittsoita | 29 Jahre (Stand: 27. August 2009)[3] |
| Internationale Vabindunga | Pirate Parties International (PPI)[4] |
| Hoamseitn | piratenpartei.de |
De Piratenpartei Deutschland (PIRATEN) is a deitsche Kloapartei. Se is im Septemba 2006 grindd worn.
Inhoitsvazeichnis |
[drå werkln] Inhoitlichs Profil
D'Piratenpartei vasteht si in Olehnung an d'Schwedische Piratenpartei ois Partei vo da Informationsgsoischaft. De Zui san: De Ferdarung vo freim Wissn und freia Kuidua, Schutz vorm Ibawachungsstoot und da Gläsane Staat stott da Gläsane Biaga.
As Grundsatzprogramm stoid fest, dass aus Sicht vo da Piratenpartei Deitschland durch de Digitale Revolution in olle Lebnsbereiche d'Würde und d'Freiheit vo de Menschn ziemlich gefährdet werd. Und des geht so schnoi, dass des d'gsoischaftliche Meinungsbildung und d'staatliche Gesetzgebung genauso übafoadat wie den oanzoina Menschn.
D'Piratenpartei ordnet si ned im Politischen Spektrum(links/rechts) ei, weil de Forderunga fia olle Leid "ausm g'samtn politischn Spektrum unterstütznswert" is und a Positionierung in dem Spektrum grod schod'n dad beim "gemeinsama Streben noch Wahrung der Privatsphäre und Freiheit für Wissn und Kuidua".[5]
[drå werkln] Gschicht
Noch de easchtn Erfoige vo da schwedischen Piratenpartei und da Grindung in Esterreich ham si im Internetz a boor Intressierte zamagfundn und a Satzung und a Parteiprogramm ausgarbat. D'offizielle Grindunsversammlung hod am 10. September 2006 mit 53 Teinehma in da Berlina c-base stottgfundn. Am 18. Aprui 2009 hod si d'Jugendorganisation vo da deitschn Piratenpartei, de Jungen Piraten(JuPis), in Wiesbaden grindd. Seitm 28. Juni 2009 hod d'Partei in olle 16 Bundeslända Landesverbände.
[drå werkln] Nama
Da Nama „Piratenpartei Deutschland“ is nochm Vorbuid vo da schwedischen Piratpartiet entstandn. De wiederum is aus de Kroas vom Piratbyrån entstandn. Ea is a ironische Antwort auf an Vorwuaf vo da Musi- und Fuimindustrie, dass de Nutzer vo Internetz-Tauschbersen „Raupkopiera“ und „Piraten“ san. De Partei is ned fias illegale Kopian, sondan setzt si dafia ei, s Recht auf Privatkopie zu dahoitn und weida auszubaun und a pauschale Kriminalisiarung vo Tauschbersennutza z vahindan. Dar offizielle Kurznama vo der Partei is „PIRATEN“. Mangmoi werd a de Okiazung PPD hergnomma, de is owa ned offiziell.
[drå werkln] Wahlen
Am 27. Januar 2008 is d'deitsche Piratenpartei bei da Landtagswahl in Hessen o'tretn und war so de zwoate Piratenpartei auf da Woid, de bei ana Wahl o'tretn is. Sie hod 6.962 (0,3 %) vo de gültigen Stimmen erreicht.
Da Hamburger Landesverband is zua Biagaschoftswoi 2008 zuaglossn worn und hod 0,2 % vo de Stimmen dareicht. In Niedersachsen und Bayern hods zweng Untastitzauntaschriften gem.
Außerdem is d'Piratenpartei zua Woi zum 18. Hessischen Landtag zuaglassn worn. Sie hod 13.796 Stimma dareicht, des worn 0,5 %.
Ba da Wahl zan Europaparlament 2009 ham de PIRATEN mit 229.464 Stimma ba 26.333.444 gültig obgemne Stimmen 0,9 % erreicht.
Im Juli 2009 hod d'Piratenpartei vom Bundeswahlausschuss de Zulassung für d'Bundestagswahl am 27. September 2009 griagt.
Ba da Landtagswoi in Saxn 2009 hod de Partei 1,9 % vo de Stimma dareicht. Ba da Kommunalwoi in Nordrhein-Westfalen 2009 hods jeweis an Sitz im Stodrod vo Aachen und Münster dareicht.
Ba d´Bundestagswoihna am 27.September 2009 hom d´Piraten 2,0% griagd, desat entspricht 847.870 Stimma.
[drå werkln] Bundestagsmandat durch Übertritt
Am 20. Juli 2009 is da Abgeordnete Jörg Tauss vo da SPD in d'Piratenpartei übagetretn. Er is bis zur Bundestagswoih 2009 ois fraktionsloser Abgordneta im Bundestag g'sessn.
[drå werkln] Mitglieda
Seit Juni 2009 hod d'Piratenpartei – a bedingt durch de gressane Bekanntheit noch da Europawoi und ois Foige vo da Debattn um d'Zugangserschwerung zu Netzseitn mit kinderpornographischm Inhoit – an starken Mitgliederzuawox. Daduach hod de Partei noch oagna Ogobm im August 2009 iwa 7000 Mitglieda ghobt und is damit noch de Greana de siembtgresste Partei in Deitschland.
De meistn Mitlgieda san in Bayern dahoam. (Stand:10/2009)
[drå werkln] Affean um a interns Dokument vom boarischn Justizministerium
Im Jänna 2009 hod d'Piratenpartei a Dokument vaeffentlicht, des vorgeblich ausm boarischn Jusitzministerium kimmt. Auf am Schreiben san de Preis fia a Spionageprogramm vo am privaten Deanstleista bekannt gebm und werd auf Unklarheitn ba da Kostniwanohm higwiesn. De Echtheit vo dem Dokument is zwar ozweifelt worn, owa im Septemba 2008 hods a Hausduachsuchung ban Pressesprecha vo da Piratenpartei gem, de wo mit da Valetzung vom Deanstgheimnis und Behindarung vo de Ermittlungsbeheadn begrindd worn is.
[drå werkln] Im Netz
| Commons: Piratenpartei Deutschland – Buidl, Videos und/oda Audiodatein |
[drå werkln] Beleg
- ↑ Mitglieder. In: PiratenWiki. Piratenpartei Deutschland. Obgruafn am 19. November 2010.
- ↑ Bundesparteitag: Satzung: §2 – Mitgliedschaft. In: Piratenwiki. Piratenpartei Deutschland. Obgruafn am 12. Juli 2009.
- ↑ Andreas Popp: Die PIRATEN in Zahlen – Regional- und Altersstruktur der Piratenpartei Deutschland. In: Piratenwiki. Piratenpartei Deutschland. 11. Juni 2009, S. 1, obgruafn am 21. Juni 2009. (PDF)
- ↑ 22 Pirate Parties from all over the world officially founded the Pirate Parties International. Pirate Parties International. 2010-04-21, obgruafn am 2010-05-31. (en)
- ↑ Präambel vom Parteiprogramm. In: wiki.piratenpartei.de. Piratenpartei Deutschland. Obgruafn am 08. September 2009.
