Reimmichls Volkskalender
Seit 1925 erscheint pan Tyrolia-Verlåg ålle Jåhr in Puachfórm dr Reimmichl-Kaléndr, wia’r in Vólksmunt hoaßt. Es håndlt sich eingglich um an Jåhrpuach. Der Grindr Sebastian Rieger (Reimmichl) håt als Grindungszwéck ångébm: „... den Tiroler Geist im Volk zu pflegen, dass er nicht matt und flau wird, dass er in aller Ewigkeit nicht auszieht ...“
Af dr Titlseit sein ålm die Drei Kinig drauf. Af die erstn Seitn sein die Kalendrplattlen, drnåch kémmen Gschichtn, Gedichtlen unt Pildr. Normalrweis isch aa a Gschicht van Sebastian Rieger selbr drpei. Drhintr isch a Rickplick afn léschtn Jåhr unt weitre Informaziónen, Werbung.
Óbwóhl Tiról 1919 politisch toalt gwurtn isch, håt’s pis 1945 ålle Jåhr oan Kaléndr gém; seit 1946 gip’s fir Sidtiról unt Nórdtiról an extrane Ausgåb. Die Sidtirólr Ausgåb erscheint in Athesia -Verlåg. Die sel van Jåhr 2012 isch z. B. 320 Seitn dick, drvón måcht dr Reimmichl-Roman a påår Dutznt Seitn aus.
Piachr[Werkeln | Am Gwëntext werkeln]
- Hans Brugger: Der Pfarrer von Tirol. Reimmichl und seine Geschichten, Innsbruck 1972