Reindl
A Reindl oda Rein is a flochs rechteckads oda runds Kochgschia mit zwoa Hengln[1]. A Reindl is a Mittlding zwischn Pfandl und Hafal, es is weniga hoch ois wia broad.
A Reindl braucht ma zan Brodn und Bocha, beispuisweis fian Schweinsbrodn, fian Ganslbrodn, fian Opfestrudl oda fiad Rohrnudln. De Karntna Mejspeis Reindling hod ian Nama vom Reindl, wo s drin aussabocha wead.
Im broadan Sinn wead Reindl oba aa ois Synonym fia Pfandl und Hafal vawendd[2], im engan Sinn is damit nua s rechteckade[3] Kochgschirr gmoant. Da Schmeller schreibt iba de Rein: "die alte bezeichnung lebt noch mundartlich, vorwiegend in Oberdeutschland, wo sie von einem flachen küchentiegel von blech oder thon oder von einer flachen milchschüssel gebraucht wird."[4]
An Reindlhoarschnitt nennt ma a Frisua, wen de Hoar gleichlang ohne Façon gschnittn san (wias friaa de Angela Merkel ghobt hod). Beispuisotz: "Homs da bein Hoarschneida a Reindl aufgsetzt?"
Galerie
[Werkeln | Am Gwëntext werkeln]-
A emailliats Eisenreindl -
A rechteckads Reindl -
A Reindling (Karntna Mejspeis) -
A Reindlfrisua (Angela Merkel)
Schau aa
[Werkeln | Am Gwëntext werkeln]- Pfannaflicka (Rastlbinda, Kesslflicka), wos hinniche Metoigschia wieda gflickt hod.
Beleg
[Werkeln | Am Gwëntext werkeln]- ↑ Ludwig Zehetner: Bairisches Deutsch, Kreuzlingen/Minga/Regensburg, 2005, ISBN 3980702871
- ↑ Dt.-österr. Küchenlexikon
- ↑ Jungmair/Etz: Wörterbuch der oberösterreichischen Volksmundart
- ↑ SCHM. 2, 112, zitiert nach dem Deutschen Wörterbuch von Jacob und Wilhelm Grimm (Memento des Originals [1] vom 1. August 2014 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis..
