Schnoatbrax

Aus Wikipedia
Wexln zua: Navigation, Suach
Modeana Schnoatbrax mit Rucknzehnd und äitara Schnoatbrax vo ebba 1960
A Wendehogn

Da Schnoatbrax (stddt. Sapie), aa Sope oda Sappl, is a Meazweckweakzeig fia de Hoizorbat im Woid. Mit am Schoatbrax ko a gfäita Baamstomm und a Bloch leichta bewegt, draat und ghom wean. A Sope wor friara fia an Hoizknecht unvazichtboa und is heit no a wichtigs Weakzeig. Fia Hoizscheidln vawendt ma an Hondsope.

De Bedeitung vom Schnoatbrax wead daduach deitle, dass a im Woppm vo obboarischn Gmoandn voakimmt: Siagsdorf, Reiter Winke, Ramsau und Ruahpading hom an Schnoatbrax in eanan Gmoawoppm.

Aufbau[VE | Weakln]

Da Schnoatbrax is im Prinzip wiar a Hogg afbaut. Ea besteht aus am Metoitei, s "Haus" mit am Loch, und am kreftign Stui, wo vorn broada wead. Da Stui wead duachs Haus duachezogn. Oiso kos de Klinga niamois vorn aussehaun. De bestn Sopestui san aus Hoslnusshoiz, wo ma owa guad pflegn muass. Oft wead deswegn a Oachana oda a Eschana Stui heagnumma.

De Greifspitzn vom Sope wead je noch Vawendungszweck gformt. Davo hengt ob, ob da Schnoatbrax diaf ins Hoiz eidringt oda mea an da Obaflechn bleibt.

Variantn[VE | Weakln]

S Griasbeil und da Wendehogn san vaschiedane Variantn vom Schnoatbrax.

Schaug aa[VE | Weakln]

Im Netz[VE | Weakln]