Soaffa

Aus Wikipedia
Wexln zua: Navigation, Suach
Handgmochte Soaffa

A Soaffa oda Soaf (dt. Seife, engl. soap) is a Soiz vo ana Fettsaire.

Im Oidog wead a Sof zun woschn vom Keapa vawendt (sog. Feinsoaffa). Ois Woschmittel weans neama gnuzt, wei do unawinschte Koichsoaffa buidd wean.

Soaffa san gnau gnumma Natrium- oda Kalium-Soiz vo Fettsairen.[1][2] De Fettsairesoiz vo andan Metoin wean Metoisoaffa gnennt[1][3] und wean in da Industrie eingsetzt.

De Feinsoaffa (Toilettnsoaffa) bestengan aus Natriumsoizn vo Fettasairen (Keansoaffa).[2]

Gschicht vo da Soaffa[VE | Weakln]

De easchtn Soaffarezeptuan hod ma scho ba de Sumera gfundn. Es wead oba ognumma, dass do de Soaffa ois Hei- und ned ois Reinigungsmittl vawendd worn is. Oscheinend hom eascht de Rema de Reinigungswiakung vo da Soaffa entdeckt.

Heastejung vo da Soaffa[VE | Weakln]

Soaffaheastejung aus Schoffett

Soaffa wean aus Fettn vo Viechan und Pflanzna gmocht. Dazua wead de Fettn mit ana Laug kocht. Dees Vafoarn nennt ma Soaffasiadn. De Fettn wead daduach in Glycerin und Fettsairen (Alkalisoiz) zalegt. Dees Alkalisoiz is nacha de Soaffa. Friaa hom de Soaffasiada de Fettn in offanan Kessln kocht, heit wead dees in gschlossanan technischn Ologn gmocht.

Soaffa zua Wandbeschichtung[VE | Weakln]

In Marokko is a hochweatige Putz- und Moitechnik mit Soaffa entstandn, de wo Tadelakt hoasst und inzwischn wäidweit bekannt is. Bei dea Technik wead da Effekt gnutzt, dass Natrium- und Kaliumsoaffa mit Koich wossaunlesliche Koichsoaffa buidn. Dazua wead im Prinzip a Wand zeascht koicht (mit Koichputz oda Koichfoarb vasegn, in Marokko is a ganz spezieja Koich) und nacha mit ana Soaffa eingriebm. Je noch Soaffa entstengan do sogor Obaflechn mit Dufteffekt. De natialiche Poimsoaffa, wo in Marokko oft vawendd wead, riacht zan Beispui noch Veichal.

Soaffaopan[VE | Weakln]

Soaffaopan (engl. soap opera, aa „soap“) san Endlosserien im Feanseng und Radio vo mindara Qualitet. Da Nama kimpt dohea, wei de Sendunga uaspringle nua gmocht woan san, um Weabung bessa einblendn z kena und am Ofang vui Weabung fia Soaffa dabei wor.

Beleg[VE | Weakln]

  1. 1,0 1,1 Hans-Dieter Jakubke, Ruth Karcher (Hrsg.): Lexikon der Chemie, Spektrum Akademischer Verlag, Heidelberg, 2001.
  2. 2,0 2,1 Der Brockhaus in Text und Bild, F. A. Brockhaus, Mannheim, 2000.
  3. Jürgen Falbe, Manfred Regitz (Hrsg.): CD Römpp Chemie Lexikon, Thieme, Stuttgart, 1995.

Im Netz[VE | Weakln]

 Commons: Soaffa – Sammlung vo Buidl, Videos und Audiodateien
Normdatn: GND: 4126815-5