Thermoblast

Aus Wikipedia
Wexln zua: Navigation, Suach

Thermoblastn (vo thermos=warm und plasso=buidn) hoasst ma aa Plastomeare. Es san Kunststoffe de wo si bei a bstimmtn Temparatua vafoama lassn. Se lassn si wieda aufschmuizn und aa vaarbatn, und andas ois Duromer und Elastomer kon mas desweng aa schwoaßn.

Aufbau[VE | Weakln]

Aufbaut san de meisdn Thermoblastn aus Koinwassastoffkettn. De wean üba schwache pysiklische Kräft zammghoidn, es gibt koane kemischn Vabindunga zwischn de Kettn. Je nachada dass de zamm san desto gressa san de Kreft.

Oadnungszuastend[VE | Weakln]

Ma undscheid zwoa Oadnungszuastend in Theamoblastn. De kinnan aloa oda awa newarand in oam Kunststoff voakema.

Vo amoaph red ma wann de Molekui ungoadnet beiananda lieng. Des kon ma si voastoin wia a Seia voi mid kochde Spaghetti, es gibt koa Oadnung. Kunststoff de wo rein amorph san hom a boor bsundane Eignschftn:

  • Glosklar
  • Hom koan Schmoizpunkt, ma red vo a Glostemparatua
  • Dean voa ollam in da Weam unda Krafteiwiakung kriacha

Beischbui fia nua amoaphe Kunststoff san: Plexiglos, Polystyroi, PVC


Kristallin is a Zuastand dens aloa in am Kunststoff ned gem duad, desweng sogt ma teilkristallin.

Es gibt in soiche Kunststoff kristalline und amoaphe Bereiche. Da Kristallinitädsgrod kon dabei sehr undaschiedli sei. Dea hengt unda andam ob vo:

  • Dem Matrioi seiba
  • Da Gschicht, oiso wia mas vaarbat und nochbhandln duad
  • Ob Zuasätz drin san de wo a Wachstum vo de Kristlle föadad oda aa ned zualasst.

De Kristalle kennan je noch Matrioi ganz vaschiedane Foamen hom. Oafach kon ma si de aa wieda voastion wia Spaghetti. Desmoi awa wanns nu ned kochd und im Backl san: schee eng zamm und olle in oana Richdung.

Bsundane Eignschaftn vo teilkristalline Kunststoff:

  • Muichig-driab
  • Es gibt a Glostemparatua (bei dea de amoaphn Bereiche woach wean) und dazua a hechane Schmoiztemparatua
  • San fesda und kriacha weniga wia amorphe Kunststoff
  • Hom hechane Gebrauchstemparatuan

Beischbui fia teilkristalline Kunststoff san: PE, PP, PET

Wieda heanema[VE | Weakln]

A modeans Woat dafia is aa Recycling. Noch da Theorie kannt ma Theamoblastn oiwa wieda aufschmuizn. Awa wei bei da Weam de Moleküle scho obbaut wean und dabei in kiazane Stickal dabrecha geht des mid echte Materialien bloß a boor moi. Jedsmoi wann mas wieda aufschmuizt und vaarbat vaändan si damit de Eignschaftn vo dem Material.

Fia manche Sachan kon ma soiche Materialien mit schlechtane Eignschaftn aba scho no heanemma.

Wega dem hocha Brennwert vo Kunststoffe steht am End vom Lemn vo am Kunststoffteil am bessan de theamische Vaweatung, ma vahoazts. Da Brennwert liegt je noch Kunststoff so ungfea wia bei a Braunkoin. Wann mas hoaß gnua vabrennt und a guade Filteranlog hod na iss aa a recht saubane Sach. Wann ma si de Grundbaustoana vo am theamoblastischn Kunststoff oschaugt is des oft nix andas wia a Koinstoff und a Wassastoff. Wann mas voiständig vabrennt und mit Sauastoff umsetzt bleibt bloß a Koindioxyd und a Wassa üwa.