Uni
Aus Wikipedia
| Der Artikl is im Dialekt Ståd-Såizburgarisch gschrim worn. |
A Universität oda kurz Uni is a wissnschåftliche Büidungseîrichtung mid dem Züi, daß's Wissn produzierd (Forschung), afbewåhrd und weidagibt (Lehr). Da Zuagång zur Uni is meistns af dé beschränkt, de wås vorher an Åbschluss vo ana hechan Schui griagt håm. Unis gibt's in Europa seid'n Hochmittlåita, d'erschte wår d'Uni Bologna im Jåhr 1088, d'erschte im heiding boarischn Språchraum wår d'Uni Wean im Jåhr 1365. Åwa erscht im 20. Jåhrhundat is de Zåi vo de Studentn stårk ãgstieng, bsondas nåch'n Zweitn Wöidgriag. Heidzdågs siacht ma's åis an großn wirdschåftlichn Ståndortvorteu, wånn wo d'Unis und s'Hochschuisystem insgesåmt guad funkzioniern.
