Weißbia
Aus Wikipedia
| Der Artikl is im Dialekt Mingarisch gschrim worn. |
Weißbia is a obagärigs Bia des zum eastn moi um 1520 a Braua aus Niedabayern braut ham soi. In Niedabayern sejba und in da Owerpfòlz hoaßts Weizn und außahoib vo Bayern songs Weizenbier oda Hefebier oda nua Hefe dazua.
Weißbia hod a Stammwiaz vo 11 bis 14 Prozent, dees gibt an Alkoholgehalt vo 5 bis 6 Prozent. In da Stoakbiazeit gibts a wejche mit 20 Prozent Stammwüaze.
Heit z´dog trinkt ma fast nua no Hefeweißbia, des g´filtate Kristoiweißbia gibt´s fast goa nimma. Damit hot sie a dea vo vui ois Unsittn o'gsengne Brauch aufg´heat, a Reiskeandl zwengs am Schaum ins Glasl z´schmeißn.
Leit, de net sovui vatrogn oda no Auddo fohrn miassn, mischn as Weißbia mit Zitronalimo, dann nennt ma`s Russ, oda mit Cola, dann hoast`s Näga oda einfach Colaweißbia.
Mit Weißbiaglasn soit ma um Gotts Wülln unten ostossn.
As dringa von am Weißbia ausm Flaschl is a bsundane Kunst, aba a unvagleichlicha Gnuss. Oa Brauarei hod des ois a Moaktluckn entdeckt und biet a Flaschnweißbia o, des aba weniga Kohlnsaire enthoit.
[dro werkln] Gschicht
Woaznbieer is scho ungefeah 3000 Joah in Babylon und Egyptn gmocht worn. In Eiropa is de Brautechnik mit Woazn im 16. Jh. vo Behmen noch Bayern kemma. Scho 1520 soi a niedabayerischa Brauer Weissbier heagstejt hom.
[dro werkln] Literadua
- W. Back (Hrsg.): Ausgewählte Kapitel der Brauereitechnologie. Hanns Carl, Nürnberg 2006, S.237-254
- Heinrich Letzing: Die Geschichte des Bierbrauwesens der Wittelsbacher: die Gründung des Hofbräuhauses München und die Entstehung des herzoglichen Weißbiermonopoles in der Auseinandersetzung mit den Landständen bis zum Landtag von 1612 sowie die Grundlagen des Bierzwanges; Studien zum Staatshaushalt, zur Verwaltungspraxis, zur Wirtschafts-, Sozial- und Agrargeschichte des alten Bayern, Augsburg 1995
- Heinrich Letzing, Margareta Schneider, Umberta Andrea Simonis: Weißbierlust. Das erste Weißbierbuch der Welt. 125 Jahre Brauerei G. Schneider & Sohn. Mit dem Weißbierlexikon, Augsburg 1998
