Wes Borland
Da Wes Borland, eigentli Wesley Louden Borland (* 7. Feba 1975 in Richmond - Virginia, USA) is a US-amerikanischa Musika.
Da Wes is åis Gittarist bei da Nu Metal Band Limp Bizkit bekãnt woan. Auf da Stage zoagt a se imma gscheid exzentrisch und kimmt genarell neta in vaschiedane Gwandln und mid schwoaze Kontaktlinsn aufd'Bühne.
Inhoitsvazeichnis |
De Ãfänge [dro werkln]
Nåch da Scheidung vo seina lãngjährign Freindin Heather McMillan is da Borland mittlaweile mid da Anna Carlise vaheirat. Da Borland is gemeinsãm min Fred Durst s'Aushängeschüd vo Limp Bizkit und hod a diagnostiziads ADHS. De Symptome vo dera Krãnkheit hod a mid Medikamentn z'kontrollian vasuacht, owa ea hods ogstöd, wei a se duach de Wirkung eigschränkt gfüd hod und "frei" sei woit. deren Symptome er mit Hilfe von Medikamenten zu kontrollieren versuchte. Ea håd vo do weg a sofoat aufghead zun Rauchn.
S' easte måi musikalisch untawegs wår da Borland auf da Highschool mid da Band Goatslayer, dés übrigens soga heid nu ois Némprojektband Big Dumb Face gibd. 1994 is a a dãn Mitbegründa vo da Bänd Limp Bizkit gwén, mid dera in de foigndn Jåhre mehrare gréßane Erfoige ghåbt hod. Nåch drei vaöffntlichte Åibm hod da Wes üwaråschnd am 12.Oktowa 2001 LB valossn. Laut eigane Aussåge hod a se ois Gittarrist mid Limp Bizkit eanan Nu Metal nimma woi gfühd und woit a wengal mea Experimentian.
Wieda bei Limp Bizkit (2004-2006) [dro werkln]
Im August 2004 is da Wes Borland wiedarum plötzlich und uneawårtet zu Limp Bizkit zruckkema und hod doat de Stö vom Mike Smith (Ex-Snot) eignumma, dea zeast üwagãngsweise a Jåhr fia Limp Bizkit gspüd hod. Nu voa da Pressemitteilung üwa de neialiche Entwicklung san auf da offizielln Webseitn Büda vo da Urbesetzung beim Probn einegstöd woan. De Fans hamse Erwårtungsfroh gengüwa dera Mitteilung zoagt, wei da Wes doch an großn kreativ Ãnteil ghåbt hod und sei aussagwénlicha Gittarnstü an Sound vo LB stårk midbestimmd håd.
Im Jåhr 2005 håd da Borland de Band Black Light Burns gründt. Wegn persönliche Diffarenzen min Fred Durst und sein neichn Projekt is a déswegn a zweits moi bei Limp Bizkit ausgstiegn.
Da Gitarrn- und Keyboardheastöla Yamaha håd an Wes 2006 sei eigane Signature Semiacoustic-Gitarr, d'Yamaha CV820WB, nåch seine Wünsche aufn Leib gschneidat.
Marilyn Manson und a dritts moi bei Limp Bizkit (2009-) [dro werkln]
2008 hod da Marilyn Manson auf ana Pressekonferenz bekånt gém, dass da Borland Wes åb sofoat bei seina Konzeate d'Gitarr in seina Band spüün wiad.
Im Feba 2009 ham da Fred Durst und da Wes Borland bekãnt gém, dass Limp Bizkit wieda in Originalbesetzung aufspün wean. Da Borland wiad oiso a dritts moi bei Limp Bizkit spün[1].
Wås sunst nu is [dro werkln]
Da Borland årweit a ois klassischa Måler. Da Wes wår zum gréßtn Tei fias Artwork vo de Limp-Bizkit-Åibm zuaständig und verkauft seine Werke inzwischn a online. [2].
Einzelnåchweise [dro werkln]
| Personendaten | |
|---|---|
| NAMA | Borland, Wes |
| KURZBESCHREIBUNG | Gitarrist |
| GEBURTSDATUM | 7. Feba 1975 |
| GEBURTSORT | Richmond (Virginia) |
