Wild Bill Hickok

Aus Wikipedia
Wexln zua: Navigation, Suach
Wild Bill Hickok
Da Hickok is mit oana Hond vo Assn und Ochtan daschossn woan. Seitdem hoasst des Bladdl Dead Man’s Hand.

James Butler Hickok (* 27. Mai 1837 z Troy Grove, Illinois; † 2. August 1876 z Deadwood, Sid-Dakota), bessa bekonnt ois Wild Bill Hickock, woa a berihmta Westernhäid.

Da Hickok is ois Postkutschnfoara in an Wuidn Westn kema. Nacha is a Marshal in Kansas und Nebraska gwen. Im amerikanisch Biagakriag hoda fia de Noadstootn (Union Army) kämpft. Nochn Kriag is a ois Revolverhäid und Schoafschitz, ois Pfodfinda (Scout) und professionella Spuia berihmt woan. Ea woa in mearan Schiassarein ('shootouts) beteiligt. Ums Lebm kema is da Hickok owa beim Pokerspuin in Deadwood (domois Dakota Territory), mit oana Hond vo Assn und Ochtan is a vo hintn daschossn woan. Seitdem hoasst des Bladdl Dead Man’s Hand.

Gschichtn und Legendn[VE | Weakln]

  • En Saloon No. 10 z Deadwood, wo da Bill daschossn woan is, gibts heit no imma. Fia Touristn gibts do de Wild Bill Show.
  • Es is nia aufkleat woan, warum sei Meada, da Jack McCall, eam daschossn hod. Mitn laufandn Pokerspui hods nix z doa ghobt, des is gsichat, es muass um a "oide Rechnung" gonga sei.
  • Ma sogt, dass da Wild Bill normalaweis imma mitn Ruckn zua Wond im Saloon gsessn si. A oanzigs Moi hod a a Ausnohm gmocht und des hod eam es Lebm kost.
  • Da Bill hod imma gonz longe Hoor ghobt. Ea hod dazua imma gsogt, dass a des mocht, um de Indiana z provozian, dass eam sei Skalp raubm woin.

Literadua[VE | Weakln]

Fuim[VE | Weakln]

Fuim, de wo de Gschichtn und Legendn vom Wild Bill wiedagem:

  • 1923: Wild Bill Hickok
  • 1995: Wild Bill, Regie: Walter Hill (mit Jeff Bridges ois Wild Bill)
  • 2004: Deadwood, Fernsehserie

Im Netz[VE | Weakln]

 Commons: Wild Bill Hickok – Oibum mit Buidl, Videos und Audiodateien