Augschburg

Aus Wikipedia

Augschburg
Basisdaten
Bundesland:	Bayern
Regierungsbezirk:	Schwobm
Landkreis:	Kroasfreie Stodt
Geografische Lage:	Koordinaten: 48° 22' N, 10° 54' O 48° 22' N, 10° 54' O
Höhe:	446-561 m ü. NN
Flächn:	146,93 km²
Einwohnera:	263.804 (1. Januar 2006)
Bevölkerungsdichtn:	1795 Einwohner je km²
Bostleitzoin:	86150-86199 (alt: 8900)
Vorwoi:	0821
Autonumma:	A
Gmoaschlüssl:	09 7 61 000
Stådgliederung:	41 Stadtbezirk 17 Planungsreim
Adress vo da Stådverwaltung:	Maximilianstraße 4 86150 Augsburg
Intanet:	www.augsburg.de
Politik
Obabuagamoaschda:	Kurt Gribl
Regierende Parteien:	SPD, Greane, FBU, Freie Wähler, ödp
Buidl

Augschburg (standarddeitsch: Augsburg) is d Hauptstod vom boarischen Regiarungsbezirk Schwobm. Se is mid meah ois 264.000 Einwohna nach Minga und Niamberg de drittgreßte Stod in Bayern.

Da Nam gehd af de remische Provinzhaptstodt Augusta Vindelicorum zruck, de 15 v. Chr. untam remischn Kaisa Augustus ois Castra grindt won is. Damit gheat de "Fuggerstodt" zu dena äitastn Städt vo Deitschland.

Inhoitsvazeichnis 1 Geografie 2 Gschicht 3 Sengaswiadigkeitn 4 Buidung 5 Medien 6 Wirtschaft 7 Fuaßboi 8 Biacha iwa Augschburg 9 Weblinks

[dro werkln] Geografie

Augschburg liegt am Lech und da Wertach. Im Südn liegt s Lechfejd, a nocheiszeitliche Schottaebene zwischn de zwoa Fliass. Do hod si zum Teil a Urlandschoft erhoidn, de zu den oartenreichstn in Mittleiropa zejd.

Dea Naturpark Augsburg – Westliche Wälder (aa Stauden gnennt), a groß Woidgebiet grenzt unmittlboa an Augschburg. Oba aa s Stodgebiet hod vui Greanflächn. Dafia hod de Stod an Eiropäischn Preis Greanste und lebenswertaste Stodt erhoidn. Augschburg is aa da greßte kommunale Woidbesitza in Bayern und dea drittgreßte in Deitschland.

[dro werkln] Gschicht

Augschburg is 15 v. Chr. vo de Röma ois Augusta Vindelicorum gründt worn. Damit is nach Trier de zwoatäiteste Stod in Deitschland. Allerdings hods scho friah a por kejltische und germanische Siedlunga gem. In Haunstettn hod ma Urnengräba aus da Bronzezeit gfundn. Wei do da Lech mit da Wertach zammafliasst wor des recht guad fia Siedlunga geignet, zwengan Wossa und zwengan Bodn.

Im Mittloita wor Augschburg oane vo de reichstn Städt in Eiropa, wo a de Fugga und de Welsa erane Ladn ghabt ham.

[dro werkln] Sengaswiadigkeitn

Am meistn bsuacht wead de Fuggarei, a mittloitaliche Armensiedlung. Da Dom Unsa Lieba Frau und de Basilika St. Ulrich und Afra san wichtige Kiachan. In da Näh vom Rathaus san a por sengasweate Brunna. Oft bsuacht wern aa d'e Maximilianstraßn und aa de Annastraßn.

[dro werkln] Buidung

Seit 1970 hod Augschburg a Universität und seit 1971 aa a Fachhochschui.

[dro werkln] Medien

De greßte Tageszeitung is de Augschburger Allgemeine. Nem an Haufa kloanare Zeitunga wia z.B. de Stadtzoitung hods no an eignan TV-Senda, der wo ATV hoasst.

[dro werkln] Wirtschaft

In Augschburg hods net nur mehrane große Brau<rein (wia zum Beispui de Brauerei Riegele), sondan a mehrane DAX-Firma wia Siemens oder MAN, d'KUKA oder d'EADS.

[dro werkln] Fuaßboi

In Augschburg gibts an bekanntn Fuaßboiverein, an FC Augschburg. Da Verein hod frira im Rosenaustadion gspuit. Seid 2009 werd in der neia "impuls Arena" gspuit.

[dro werkln] Biacha iwa Augschburg

• Günther Grünsteudel (Hrsg.): Augsburger Stadtlexikon. 2., völlig neu bearb. und erheblich erw. Aufl. Augschburg 1998, ISBN 3-922769-28-4
• Bernd Roeck: Geschichte Augsburgs. Beck, Minga 2005, ISBN 3-406-53197-0
• Wolfgang Zorn: Augsburg - Geschichte einer europäischen Stadt. Von den Anfängen bis zur Gegenwart. Augschburg 2001, ISBN 3-89639-319-7

[dro werkln] Weblinks

• Augschburger Stadtlexikon
• Augschburg fia Touristn
• Gmoadatn vo Augschburg im Standort-Informations-System Bayern
• Geographische und klimatische Datn zu Augschburg
• Augschburg: Wappengeschichte vom Haus der Bayerischen Geschichte.
• Augsburg-Wiki
• Koatn vo Augschburg