Zdob şi Zdub
Aus Wikipedia
| Der Artikl is im Dialekt Owaöstareichisch gschrim worn. |
| Zdob şi Zdub | |
|---|---|
 Live-Auftritt vu Zdob şi Zdub |
|
| da Start: | 1994 |
| Genre: | Crossover/Rock/Hiphop/Folk |
| Webseitn: | zdob-si-zdub.com |
| Mitglieda | |
| G'sang: | Roman Iagupov |
| E-Gitar: | Igor Buzurniuc |
| E-Båss, Tuba: | Mihai Gîncu |
| Trommin: | Anatol Pugaci |
| Trompetn: | Valeriu Mazîlu |
| Posaun, Flötn: | Victor Dandeş |
Zdob şi Zdub (in da kirillischn Schreibweis: Здоб ши Здуб) is a moldawische Musikgruppn, de wås Hardcore-Punk, Hiphop und tradizjonelle Musi aus eanara Hoamat, oiso voa oim Zigeinamusi, midanãnda kombinian. De Gruppn gibt's seit'm 1994a-Joa.
Wia Moldawien 2005 s'erste Måi beim Eurovision Song Contest midgmåcht håd, woan Zdob şi Zdub de eastn Vatreta vu eanam Lãnd und hãm glei an sextn Plåtz eigsunga. Eana Liadl hod Bunica bate doba ghoaßn ("d'Oma schlågt de Trommi").
[dro werkln] Gschicht
Wia's ãugfãnga håm, hãm's nu weniga de tradizjonelln Elemente eibaud ghobt und aa nu auf Russisch gsunga. Um 1998 umanãnd hãm's dãun vastäakt mi'm Crossover ãugfãnga, und seitdem singan's fåst netta nu auf Rumänisch.
Seitdem is de Gruppn vü ummanãndagroast und håd dabei aa schãu in Deitschlãnd und Hollãnd Auftritte ghåbt, und natiali in eanara Heimat, in Rumänien, da Ukraine und in Russlãnd. Außadem san's schãu ois Aufwäamband fia d'Red Hot Chili Peppers und Rage Against The Machine auftretn; fia eana easte Best-Of-CD ("Ethnomecanica"), hãm's mi'm Hubert von Goisern a neiche Veasion vu Koa Hiatamadl aufgnumma.
[dro werkln] Diskografie
- "Hardcore Moldovenesc" (Moldawischa Hardcore)
- "Tabăra Noastră" (Unsa Låga)
- "Zdubii bateţi tare"
- "Remix"
- "Agroromantica"
- "450 De Oi" (450 Lammpin)
- "Ethnomecanica"
