1. FC Bassau
| Der Artikl is im Dialekt Bassauerisch gschriem worn. |
| 1. FC Bassau 1. FC Passau  | ||
| ||
| Basisdaten | ||
|---|---|---|
| Name | 1. Fußball-Club Passau 1911 e. V. | |
| Gründung | Feba 1911 | |
| Farben | rot-weiß | |
| Website | www.fc-passau.de/ | |
| Erste Fußballmannschaft | ||
| Spielstätte | Dreiflüssestadion | |
| Plätze | 20.000 | |
| Liga | Landesliga Bayern Mitte | |
| Saison 2017/18 | 1. Platz (Bezirksliga Niederbayern Ost) | |
| ||
Da 1. FC Bassau (1. FC Passau) is a Fuaßboivarein aus Bassau, wo in da Landesliga Bayern Mitte spejd. Im Joa 1911 hod se d'Fuaßboiabteilung vom TV Bassau obgspoitn und se FC Passau gnennt. Glei nochm Endt vo da Zwangspausn, wo's wegam Easchtn Wejdkriag eiglegt hammd, hammd sa se oba dera wieda agliedat. 1920 han easchte Schuiamannschoftn afgstejd woan und 1924 is da Varein wiada sejbstständig woan. 1951 hod d'Umbenennung in 1. FC Bassau gfoigt. Da Varein hod mehrane Joa in da Bayernliga gspejd, wo damois d'dritthächste Spejglass im deitschn Fuaßboi woa. Noch da Saison 2005/2006 is d'Mannschoft aus da Obaliga in d'Landesliga obgstieng, wo se da 1. FC Bassau oba aa ned hoitn hod kinna und in d'Bezirksobaliga Niedabayern weidagreicht woan is.
D'Hoamspej vom Varein wean im Dreiflüssestadion ausgdrong.
Mannschoftn[Werkeln | Am Gwëntext werkeln]
Nem da 1. und 2. Mannschoft untahoit da Varein nu 12 Jugndmannschoftn vo da A- bis zua F-Jugnd und außadem nu 5 Diandlmannschoftn vo da B- bis zua F-Jugnd. Da Diandlfuaßboi wiad bsundas gfärdat.
Weidane Spoatoatn[Werkeln | Am Gwëntext werkeln]
Da 1. FC Bassau vafiagt nem seina Fuaßboiabteilung nu iaba a Leichtathletikmannschoft und a Bongschiass-Abteilung.
Im Netz[Werkeln | Am Gwëntext werkeln]
- offizielle Vereinshomepage
- offizielle Homepage der Bogenschuss-Abteilung
- offizielle Homepage der Leichtathletik-Abteilung
Koordinaten: 48° 33′ 53,1″ N, 13° 25′ 22,8″ O