A-bewerteta Schoidruckpegl

Bewertungskuavn A, B, C, D, de blaue is de A-Bewertung

Ums Frequenzverhalten vom Gher nochzbüdn, hod ma bewertete Schoidruckpegl eigfiaht. Diafe Töne unta 100 Hz hea ma weniga laut, mittlare Töne am laudastn und gaunz hoche Töne iwa 5000 Hz wieda weniga laut. So kriagt ma an Korrekturweat ausse, dea wos vom Schoidruckpegl ohzogn bzw. dazuazööt wiad. De Einheit vo an beweatetn Schoidruckpegl is dahea Dezibel. [L_pA,B,C,D] = dB.

De Kuavn mit da gleichn Lautstärkn san stoak vaoafocht wuan, auf de A-Bewertung (L_N ≈ 40 phon), B-Bewertung (L_N ≈ 70 phon), C-Bewertung (L_N ≈ 100 phon) und D-Bewertung (bei gaunz hochn Schoidrückn). In da Praxis vawendt ma nua de A-Bewertung. De aundan Kurvn spüün nua a undag'uadnate Ruin, zan Beispü im Fluagzeigbau.

De A-Bewertung bewertet analog zan menschlichn Ghea de diafn und aa a bissl de gaunz hochn Frequenzn gringa. Da A-bewertete Schoidruckpegl wiad aa iblichaweis bei da Aungab vo da Lautstärkn vo an Geraisch vawendt, z. B. Gehgeraisch 20 - 30 dB, normäus Redn 60 - 70 dB, Diskomusi 90 - 100 dB, des fiaht scho zu bleibanden Schädn im Oawaschl.

$L_{pA}=\sum L_{i}+\Delta L_{A,i}$

mit:

• L_pA (schlampad aa nua L_A gschriam) ... A-bewerteta Schoidruckpegl [dB]
• L_i ... Schoidruckpegl im i-ten Terz- und Oktavbandl [dB]
• ΔL_A,i ... Korrekturweat fia's i-te Terz- und Oktavbandl [dB] (des is es G im Diagraum)

Da Nochtäu vum A-bewertetn Schoidruckpegl bei da Aungob vo da Lautstärkn is, dass a si ned vadoppelt bei da Vadopplung vo da Lautstärkn, sondan um ca. 10 dB hecha wiad. Außadem wird unsa Lautstärknempfindn iwan gaunzn Dynamikbereich vom Ghear ned ohbüdt.

Schau aa

• Akustik