Aidarkul

Aus Wikipedia
Zur Navigation springen Zur Suche springen

Dialekt-oben|Ostmittelbairisch|Östareichisch

Aidarkul
Aidar-Kul.JPG
D'Küstn vum Aidarkul
Geografische Log Wüstn Kisilkum, Usbekistan
Zuaflüss obgleits Wossa vum Syrdarja
Åflüss koana
Datn
Koordinaten

Koordinaten fehlen! Hilf mit.

Flächn 3.000 km²
Seebreadn 15 km
Volumen 44,3 m³

Bsundaheitn

unobsichtli künstli entstaundna See

Vorlage:Infobox See/Wartung/NACHWEIS-FLÄCHEVorlage:Infobox See/Wartung/NACHWEIS-SEEBREITEVorlage:Infobox See/Wartung/NACHWEIS-VOLUMENVorlage:Infobox See/Wartung/SEELAENGE

Da Aidarkul (usbekisch: Aydar Koʻl) is a duach menschlichs Eiwiakn entstaundena See im usbekischn Teu vu da Kisilkum-Wüstn. Da See hod bei ana Läng vu fost 250 km und ana Broadn vu bis zu 15 km a Owaflächn vu ungefäa 3000 km² und is Teu vu am System vu Brackwossaseen, des unbeobsichtigt entstaundn is, weu si de Sowjets bei am Bewässarungsprojekt vaplant hom. Bis in'd Mittn vum 20. Joahundat woas Tiaflaund vu Arnasay, wo da See liegt, a trockene Soizpfaunn, wo si netta im Friahling ob und zua a kloana See büidt hod.

Satellitnbüidl mi'm Aidarkul in da Mittn
D'Wossaowaflächn

In da easchtn Höiftn vu de 1960a-Joa is da Fluss Syrdarja aufgstaud woan und zeitgleich da Tschardarja-Bewässarungsdaumm baud woan, dea Schleisn hod, mid de ma Üwaschwemmungen kontrollian kau. 1969 is so a greßare Üwaschwemmung kemma und weu de da Daumm nimma dahoidn hod kina, san de Schleisn aufgmocht woan. Desweng hom si im Tiaflaund a poa Seen büit. Des wieda hoaßt, dass da See koan Obfluss hod.

Seit 1969 wiad im Aidarkul rögimäßig Wossa vum Syrdarja zuagleitt, wauns Tschardarja-Reservoir d'Wossamassn nimma dahoidn kau. Mid da Zeid hod si de natialiche Senkn gfüid und am Schluss is da zweitgreßte See vu da Region (noch de Restln vum Aralsee) s'Eagebnis gwen. 2005 san im Aidarkul gschätzte 44,3 km³ Wossa gwesn.

Im Aidarkul san nochhand mearare Fischoatn ausgsetzt woan, zum Beispüi Schü, Braxn, Wöise, Karpfn, Rapfn und Sichling. Zwischn 1994 und 2001 san pro Joa zwischn 760 und 2000 Tonnen Fisch aus'm See ghoid woan. Nem da Fauna, de fia'd Kisilkum noamal is, findt ma am See aa mearare Oatn vu Wossafegi, de vum Aralsee ummakemma san.

Da See liegt a weng obseits vu de Oatschoftn, in da nähan Umgewung vum See lem zua Zeid um de 345 Familien oda 1760 Leid. De ruige Log und de Möglichkeitn zum Fischn, Reitn auf am Kamöi und zum Schlofn in ana Juatn in da Umgewung vum See san de Attrakzionen fia Leid, de duat hi roasn.