Scheitahaufn (Möhspeis)
| Der Artikl is im Dialekt Weanarisch gschriem worn. |
A Scheitahaufn, in Boarisch-Schwobm Ofaschlupfer (a Apfescheiterhaufen, deitsch: Apfelscheiterhaufen, bähmisch: žemlovka), is a bähmisch-östareichische Möhspeis.
Da Scheitahaufn is a siassa Auflauf, eignlich a Essn zum Restlvaweatn, weswegn s a friara weit vabreitet woa. Ea wiad aus oidbochanan Semmen, Eia mid Müüch, Ziwem und Äpfen gmocht. In ana Auflauffuam wean owexlnd Semmen und gleanare Äpfespeigln aufaranaund gschlicht. Schicht auf Schicht, em so, wias bei an hüzan Scheitahaufn hoid is. Dazwischn eine wean no da Zimt, da Zucka und de Ziwem eine gstraad. Oman kummt daun a Ei(dotta) -Müüch-Mischung auffe. Heit nimmd ma stot ana Müüch oft an Schlogobas.
Schau aa
[Werkeln | Am Gwëntext werkeln]Literatua
[Werkeln | Am Gwëntext werkeln]Erhard Spacek, Neue böhmische Küche: ...und Weine aus Böhmen und Mähren. 2005. ISBN 978-3-85002-545-4