Bofesn

Aus Wikipedia
Der Artikl is im Dialekt Reichahollarisch gschriem worn.
Bofesn

Bofesn, aa gschriemm ois Bavesn, Pofesn und ähnli, is a boarisch-östreichische Variantn vo Arme Ritter. Dafia wern zwoa oidbachane Scheim Weißbroud in Muich eigwoakt, in da Mittn mit Powidl gfuit, komplett in zuckadm, vaquirltn Oa gwendt und nachad in hoassm Schmoiz schwimmad aussabacha.

Bofesn san friara tradizionej an Liachtmess bacha worn, wann de Deanstbotn eanane Herrschaftn wechsln ham derfn. Weils so guad schmeckan, gebts es heitzdog aa aussahoib vo da tradizionelln Haptsaison. Weils bei da Füllung aa no andane Variantn gebt, oiso Marmelad, oba aa Pikants, hoasst ma de Bofesn mid Powidl aa Zwetschgnbofesn.

Woatuasprung[Werkeln | Am Gwëntext werkeln]

Des Wort Bofesn kannt entweda vum italienischn Pavese fia Schuid kemma, wos ma vo da Form her erklärn kannt. A andane megliche Herkumft waar de Zuppa pavese, wos a Fleischbriah mit Brodscheimm is, de wo aus da italienischn Stod Pavia kimmt.

Beleg[Werkeln | Am Gwëntext werkeln]