Quöntext voh da Seiten Arabisches Oiphabet auhschauh

{{Dialekt-oben|Ostmittlboarisch|Owaöstareichisch}}
[[Datei:Poema de Yusuf.jpg|thumb|250px|Auf Arabisch gschrimne Gedichtln]]
[[Datei:Caligrafia arabe pajaro.jpg|thumb|160px|Arabische Kaligrafie in Vogifoam]]

S''''arabische Alphabet''' ([[arabische Sprache|arabisch]]: {{ar|الأبجدية العربية,|w=al-abdschadiyya al-ʿarabiyya}}) is s'[[Alphabet]] vu da [[Arabische Sprache|arabischn Sproch]] und wiad in untaschialiche Variantn aa fias [[Farsi|Peasische]], [[Uigurische Sprache|Uigurische]], [[Urdu]], [[Paschtu]] und aundare Sprochn heagnumma. D'Variantn vu da arabischn Sproch kimmt mid 28 Buchstom aus, ned midgrechnt san do de Hüifs- und Vokalzeichn und [[Hamza|s'Zeichn fia'n Köihkopfvaschlusslaud]]. Bis auf 6 Ausnauhmen gibts fia an jedn Buchstom via Schreibweisn, je nochdem ob a alloa steht oda noch links, rechts oda beidseitig mid am aundan Zeichn vabundn is. De aundan Buchtstom haum zwoa Schreibweisn: a isoliade und a noch rechts vabundene Foam. De vaschiednan Schreibweisn san zum Teu gaunz ähnlich, zum Teu owa immens untaschiadlich. Gschrim wiad s'Arabische wia aa d'[[Hebräisches Alphabet|Hebräische Schrift]] und aundare vawaundte Systeme [[Laufrichtung|vu rechts noch links]].

S'arabische is noch'm lateinischn s'wöidweid am zweithäifigstn vawendete Alphabet. Außaentwückid hod si si voa ungefäa anahoibtausnd Joa, wia bei de aundan [[Alphabetschrift]]n aa liegt da Uasprung owa nu weida zruck, nämli bei'm Alphabet vu de [[Phönizier|Fönizia]], des um 1500 voa'm Christus entstaundn is. S'arabische Alphabet hängt stoak mi'm [[Islam]] zsaumm: Duach'd Ausbreitung vu dem Glaum is mi'm [[Koran]] aa des Alphabet in da Wöid bekaunnt und oft üwanumma woan. Weu de Moslems glaum, dass da Koran im Hümmi schau featig gschrim gwesn is, hod de Schrift aa an religiösn und sakraln Charakta, weus s'Mittl gwesn is, mid dem si da Gott (da Allah) an de Menschn gwaundt hod. Dass d'Schrift fia de Moslems a eingne Kunstrichtung is, hängt damid zsaumm, dass ma im Islam koane Leid obüidln deaf.

S'arabische Alphabet, wos jo a semitischs Alphabet is, wiad aa in Sprochn heagnumma, de ned [[Semitische Sprachen|semitisch]] san wia zum Beispüi s'[[Turksprachen|tuakische]] Uigurisch und s'[[Indoeuropäische Sprachen|indoeiropäische]] Peasisch. Weu de Sprochn owa zum Teu Laute kennan, de ma im Arabischn ned findt, is s'arabische Alphabet fia de Sprochn obgwaundlt und aupasst woan. Im Lauf vu da Gschicht haum aa mearare Sprochn d'arabische Schrift wieda bleim lossn, weu aundare Alphabete bessa zu dea Sproch passn. S'Kasachische zum Beispüi kennt nei vaschiedene Söibstlaute, s'Arabische ois semitische Sproch kimmt mid drei aus.

== S'arabische Standard-Alphabet ==

S standardmäßige arabische Alphabet, wia mas fia'd arabische Sproch vawendt, bestehd aus de foigadn 28 Buchstom. Greßtnteus kau ma fias Arabische song, dass de Laute und de Schriftzeichn si ziemli eindeutig zuaoadnen lossn; s'arabische Alphabet is fia d'arabische Sproch oiso a ziemlich fonetische Schrift. Des güit owa in easchta Linie nua fia s'Hocharabische, in de zoihreichn arabischn Dialekte gibts haufatsweis untaschiadliche Aussprochvariantn.

De arabischn Buchstom kinan auf mea wia oa Oat soatiad wean. Des heidige System faungt Zeichn, de anaunda ähnlich han, zsaumm, wiad fias alphabetische Soatian zum Beispüi in Telefonbiacha gnumma und hoaßt ''hidschā'ī'' ({{ar|هجائي}}) oda aa {{arF|أبتثي|w=abtathī}} noch de easchtn Buchstom vu dea Reihung. D'öidare und uasprüngliche Oat hoaßt ''[[abdschad]]'' ({{ar|أبجد}}) und soatiad de Buchstom noch eanam Zoihweat, den ma in da Spoitn gaunz rechts siachd. S'Woat ''Abdschad'' setzd si aus de easchtn via Buchstom vu da Abdschad-Soatiarung zsaumm, is oiso mid ''ABC'', ''Alphabet'' und aa ''Abtathi'' zum vagleichn. So wia im [[Latein]]ischn a X fia de Zoih 10 stehd, is im Arabischn am jedn Buchstom a bestimmta Zoihweat zuagoadnet, nochdem si de Zeichn aa oadnen lossn. A jeds arabische Woat stehd oiso aa fia a Zoih, nämli da Summ vu de Weate vu de Buchstom, aus de s'Woat bestehd. De Zuaoadnungen san owa ned einheitlich – es gibt nämli mea wia des Zuaoadnungsschema, des in dea Taböin augfüahd is, des wos owa s'geläifigste is. In Klaumman siachd ma d'Zoihnweate, wias im Maghreb vawendt wean. A dritte Soatiarung, {{arF|معخم|w=muʿdscham}} gnennd, reiht de Buchstom noch eanam Artikulazionsoat (vu [[glottal]] bis [[labial]]):

{| class="prettytable sortable" 
|- style="background-color:#CAE1FF;font-weight:bold;"
|Numma im<br />Hidschāʼī || Naum || class="unsortable" | s'Zeichn<br />isoliad || class="unsortable" | vabundene<br />Foam(en) || Umschrift || class="unsortable" | Transliterazion<br />vu da [[Deutsche Morgenländische Gesellschaft|DMG]] || class="unsortable" | Aussproch || class="unsortable" |Unicode/HTML || class="unsortable" | [[Listn vo de IPA-Zeichn|IPA]] || Zoihweat<br />(Abdschad)
|- style="background-color:#CFFFFF;"
|<span style="visibility:hidden;">0</span>1. || Alif || align="center"|{{ar|ا}}||align="center" style="background-color:#FFEDCF;"|{{ar|ـا}}|| a, ā, i, u || a, ā, i, u || laungs a oda kuazs a, i, u am Wortaufaung || &amp;#x627; || {{IPA-Text|a, aː, ɒ, ɒː, i, ɨ, u}} || 1
|- 
|<span style="visibility:hidden;">0</span>2. || Bā || align="center"|{{ar|ب}} ||align="center"|{{ar|بـبـب}}|| b || b || b || &amp;#x628; || {{IPA-Text|b}} || 2
|- style="background-color:#CFFFFF;"
|<span style="visibility:hidden;">0</span>3. || Tā || align="center"|{{ar|ت}}||align="center"| {{ar|تـتـت}}|| t || t || t || &amp;#x62A; || {{IPA-Text|t}} || 400
|- style="background-color:#CFFFFF;"
|<span style="visibility:hidden;">0</span>4. || Thā || align="center"|{{ar|ث}} ||align="center"|{{ar|ثـثـث}}|| th || ṯ || stimmloses englischs th wia in „think“ || &amp;#x62B; || {{IPA-Text|θ}} || 500
|- 
|<span style="visibility:hidden;">0</span>5. || Dschīm || align="center"|{{ar|ج}}||align="center"| {{ar|جـجـج}}|| dsch || ǧ || stimmhofts dsch || &amp;#x62C; || ʤ, ʒ<sup>1</sup>, ɡ<sup>2</sup> || 3
|- 
|<span style="visibility:hidden;">0</span>6. || Ḥā || align="center"|{{ar|ح}}|| align="center"|{{ar|حـحـح}} || h || ḥ || schoafs, „ghechlts“ h || &amp;#x62D; || {{IPA-Text|ħ, ʜ<sup>3</sup>}} || 8
|- 
|<span style="visibility:hidden;">0</span>7. || Chā ||align="center"| {{ar|خ}} ||align="center"|{{ar|خـخـخ}}|| ch || ḫ || hoats, raus ch wia in „ach“ || &amp;#x62E; || {{IPA-Text|χ, x}} || 600
|- style="background-color:#CFFFFF;"
|<span style="visibility:hidden;">0</span>8. || Dāl || align="center"|{{ar|د}} ||align="center" style="background-color:#FFEDCF;"|{{ar|ـد}} || d || d || d aun de Zendt || &amp;#x62F; || {{IPA-Text|d}} || 4
|- style="background-color:#CFFFFF;"
|<span style="visibility:hidden;">0</span>9. || Dhāl ||align="center"| {{ar|ذ}}||align="center" style="background-color:#FFEDCF;"| {{ar|ـذ}} || dh || ḏ || stimmhofts englischs th wia in „this“ || &amp;#x630; || {{IPA-Text|ð}} || 700
|- style="background-color:#CFFFFF;"
|10. || Rā ||align="center"| {{ar|ر}} ||align="center" style="background-color:#FFEDCF;"|{{ar|ـر}}|| r || r || Zungen-r || &amp;#x631; || {{IPA-Text|r}} || 200
|- style="background-color:#CFFFFF;"
|11. || Zāin || align="center"|{{ar|ز}} ||align="center" style="background-color:#FFEDCF;"|{{ar|ـز}}|| z || z || stimmhofts s || &amp;#x632; || {{IPA-Text|z}} || 7
|- style="background-color:#CFFFFF;"
|12. || Sīn || align="center"|{{ar|س}} ||align="center"|{{ar|سـسـس}} || s || s || schoafes, stimmloses s || &amp;#x633; || {{IPA-Text|s}} || 60 (300)
|- style="background-color:#CFFFFF;"
|13. || Schīn ||align="center"| {{ar|ش}}||align="center"| {{ar|شـشـش}}|| sch || š || deitsches sch || &amp;#x634; || {{IPA-Text|ʃ}} || 300 (1000)
|- style="background-color:#CFFFFF;"
|14. || Sād || align="center"|{{ar|ص}}||align="center"| {{ar|صـصـص}}|| s || ṣ || emfatischs s || &amp;#x635; || {{IPA-Text|sˁ}} || 90 (60)
|- style="background-color:#CFFFFF;"
|15. || Dād || align="center"|{{ar|ض}} ||align="center"|{{ar|ضـضـض}}|| d || ḍ || emfatischs d im Owagaumen || &amp;#x636; || {{IPA-Text|dˁ}} || 800 (90)
|- style="background-color:#CFFFFF;"
|16. || Ṭā || align="center"|{{ar|ط}}|| align="center"|{{ar|طـطـط}}|| t || ṭ || emfatischs t || &amp;#x637;|| {{IPA-Text|tˁ}} || 9
|- style="background-color:#CFFFFF;"
|17. || Zā || align="center"|{{ar|ظ}} ||align="center"|{{ar|ظـظـظ}}|| z || ẓ || woachs, emfatischs th oda s || &amp;#x638; || {{IPA-Text|ðˁ, zˁ<sup>3</sup>}} || 900 (800)
|- 
|18. || ʿAin || align="center"|{{ar|ع}}|| align="center"|{{ar|عـعـع}}|| ʿ || ʿ || kehliga Reiwelaut mid Vokalqualität a, i, u || &amp;#x639; || {{IPA-Text|ʕ, ʢ<sup>3</sup>}} ||70
|- 
|19. || Ghain || align="center"|{{ar|غ}}||align="center"| {{ar|غـغـغ}}|| gh || ġ || Gaumen-r || &amp;#x63A; || {{IPA-Text|ɣ}} || 1000 (900)
|- 
|20. || Fā || align="center"|{{ar|ف}} ||align="center"|{{ar|فـفـف}}|| f || f || f || &amp;#x641;|| {{IPA-Text|f}} || 80
|- 
|21. || Qāf || align="center"|{{ar|ق}} ||align="center"|{{ar|قـقـق}}|| q || q || tiafkehligs, emfatischs k || &amp;#x642; || {{IPA-Text|q}} || 100
|- 
|22. || Kāf || align="center"|{{ar|ك}} ||align="center"|{{ar|كـكـك}}|| k || k || k || &amp;#x643;|| {{IPA-Text|k}} || 20
|- style="background-color:#CFFFFF;"
|23. || Lām || align="center"|{{ar|ل}} ||align="center"|{{ar|لـلـل}} || l || l || l || &amp;#x644; || {{IPA-Text|l, ɫ<sup>4</sup>}} || 30
|- 
|24. || Mīm || align="center"|{{ar|م}} ||align="center"|{{ar|مـمـم}} || m || m || m || &amp;#x645; || {{IPA-Text|m}} || 40
|- style="background-color:#CFFFFF;"
|25. || Nūn || align="center"|{{ar|ن}} ||align="center"|{{ar|نـنـن}}|| n || n || n || &amp;#x646; || {{IPA-Text|n}} || 50
|- 
|26. || Hā || align="center"|{{ar|ه}} ||align="center"|{{ar|هـهـه}}|| h || h || h || &amp;#x647; || {{IPA-Text|h}} || 5
|- 
|27. || Wāw || align="center"|{{ar|و}} ||align="center" style="background-color:#FFEDCF;"|{{ar|ـو‎}}|| w, ū, u || w, ū, u || englischs w oda laungs u || &amp;#x648; || {{IPA-Text|w, u, uː}} || 6
|- 
|28. || Yā || align="center"|{{ar|ي}} ||align="center"|{{ar|يـيـي}}|| y, ī, i || y, ī, i || englischs y oda laungs i || &amp;#x64A;|| {{IPA-Text|j, i, iː, ɨ, ɨː}} || 10
|}
{| class="prettytable float-right"
|+Beleg
|
# in Noadafrika und im Levante
# in Egyptn und im Südjemen
# lokale Variantn
# netta im Woat „Allah“
|}
De Zeichn, vu denens netta zwoa Foamen gibt (a isoliade und ane fias End vum Woat) han in da Spoitn „vabundene Foam(en)“ rod makiad. Kimmt so a Zeichn in da Mitt vu am Woat voa, schreibt ma d'Foam fias End und nimmt vum nextn Buchstom d'Foam fia'n Aufaung vu am Woat ohne dass ma dazwischn an Obstaund wia zwischn zwoa Wöata losst. De tüakis hintalegtn Buchstom han ''Sonnenbuchstom'', bei denen d'Aussproch vum bstimmtn Artikl ({{ar|الـ|w=al-}}) an'dn foigndn Laud aupasst wiad, zum Beispüi sogt ma {{ar|النـ}} ned ''al-n…'' sondan ''an-n…''. Bei de aundan Buchstom, de ''Mondbuchstom'', wiad nix assimiliad; in de aundan Sprochn, de aa s'arabische Alphabet vawendn, brauchd ma de Untascheidung ned, weus anaseits ned amoi in olle Sprochn an Artikl gibt und weu auf da aundan Seitn s'Assimilian vum Artikl a spezifischs Phänomen vum Arabischn is. Dasss je 14 [[Sonnen- und Mondbuchstaben|Sonnen- und Mondbuchstom]] gibt, is fia maunche Araba da Beweis, wia peafekt eana System is.

S'[[Hamza]], s'Zeichn fia'n Köihkopfvaschlusslaud, is fia vüi Leid da easchte Buchastob vum arabischn Alphabet, wiad owa meaheitli ned ois oana vu de „echtn“ Buchstom augseng. S'Hamza hod im Gengsotz zu de 28 Zeichn om aa kan zuagoadnetn Zoihweat. s'Hamza ({{ar|ء}}) hod netta a Grundfoam, de entweda isoliad gschrim wiad oda üwa oda unta an Trägavokal, wobei s'Ya ois Trägavokal seina Punktal valiad: {{ar|إ أ ؤ ئ}}. Wia ma s'Hamza in am bstimmtn Foi zum schreim hod, des leng ziemli kompliziade Rögin fest. In de Umschriftn vawendt ma entweda a Apostroph (') oda wia'd DMG s'Hacksl ʾ. S'IPA-Zeichn is {{IPA-Text|ʔ}}; im Deitschn kennt ma den Laud vu Wöata wia ''beochtn'' (beʔachten). Uasprüngli woa s'Alif s'Zeichn fia den Laud, fia den heid s'Hamza stehd. Mid da Zeid is aus'm Alif owa s'Zeichn fia a laungs ''a'' woan und s'Hamza ois neichs Zeichn fia den Laud aus'm ʿAin entwückid woan.

A zuasätzlichs Zeichn is s'Ta marbuta, des woss netta am End vu am Woat gibt und wia a Ha mid zwoa Punktal drüwa ausschaud ({{ar|ة}}), wobei de Punktal ned imma gschrim wean. Ausgsprochn wiads entweda goa ned oda ois ''t''.

S'Arabische is wia aa de aundan semitischn Schriftn a Konsonantnschrift. Fia de Vokale ''a'', ''u'' und ''i'' gibts, wauns Laungvokale han, zwoa jeweus a Schriftzeichn. Zwoa davau owa, s'Waw und s'Ya, san netta Hoibvokale, de aa fia an Konsonantn steh kinan (s'Waw fia a ''w'' und fia a laungs ''u'', s'Ya fia a ''j'' und fia a laungs ''i''). Aa s'Alif hod nu aundane Funkzionen aa; vaoanzlt stengan de Laungvokalzeichn aa fia wos aundas wia ma sis dengad: Bei'm Voanaum {{arF|عمرو|w=ʿAmr}} bleibt s'Waw stumm und dient netta zua Untascheidung vu {{arF|عمر|w=ʿUmar}}; bei Ṣalah kau mas launge zweite ''a'' ned netta ois Alif sondan aa mid Waw schreim ({{ar|صلوة}}, {{ar|صلاة}}); s'Alif in {{arF|مائة‎|w=mi'at|b=hundat}} is stumm.

=== Vokale, Vokal- und Hüifszeichn ===

[[Datei:Ashhadu an la ilaha illa llah (alif highlighted).png|thumb|250px|d'[[Schahada]], s'islamische Glaubmsbekenntnis, mid rod außaghomne Alifs (kloa, alloa, mid Hamza drüwa oda drunta, ois Lam-Alif)]]

S'Arabische untascheidt kuaze und launge Vokale. Fia de laungen gibts jeweus an eignen Buchstom (s'Alif, s'Waw und s'Ya), fia de kuazn owa ned. Fia de san Hüifszeichn zua Vokalisazion entwückid woan, de üwa oda unta den Konsonantn gschrim wean, noch dem da kuaze Vokal kimmt. De drei Zeichn san s'Fatḥa, s'Kasra und s'Ḍamma. Wia olle aundan Hüifszeichn aa wean aa de drei ned imma oda eigntli kaum amoi gschrim, hauptsächli findt mas im Koran. A viats Hüifszeichn zum Vokalisian is s'kloane Alif (''alif chandschariyya''), des fia a laungs ''a'' stehd, des im Woat ned duach a „großes“ Alif makiad is. Oa Beispüi fia so a Woat is „[[Allah]]“ ({{ar|اﷲ}}).

Am Woataufaung deaf fia an Vokal nua s'Alif steh, des daun Trägavokal vu am Hamza sei muaß. Soit da easchte Laut a ''a'' oda a ''u'' sei, daun kimmt s'Hamza üwas Alif, fia a ''i'' untas Alif. Ausnauhmen fia de Rögi san Wöata wia da Artikl al- ({{ar|ال}}) und s'Woat fia „Sohn“, ''ibn'' ({{ar|ابن‎}}), – bei de Wöata is im Alif a Wasla drin ({{ar|ٱ}}). Kimmd so a Alif mid Wasla noch am Vokal, wiads ned ausgsprochn ({{ar|ذو الفقار}} ''Dhu [<s>a</s>]l-faqar''), in ned vokalisiate Texte muaß a Wasla owa ned gschrim wean.

Steht am Aufaung vum Woat a launga Vokal oda a Diphthong, schreibt ma noch'm Alif mid Hamza s'passnde Laungvokalzeichn. Damid ma owa ned zwoa Alif hintaranaunda schreim muaß, gibts fias launge ''a'' am Woataufaung a extrigs Zeichn, nämli s'Alif mid [[Madda]] ({{ar|آ}}). Des nimmt ma aa hea, waun mittn im Woat a Hamza üwa am Alif und a laungs ''a'' aufanaundatreffn. Im Gengsotz zu de aundan Vokalzeichn kau ma s'Madda ned oafoch weglossn sondan ma muaßs schreim, weu jo aa a Hamza drin steckt. A laungs ''a'' am End vu am Woat wiad maunchmoi ois ''Alif maqsura'' gschrim, des wia a Ya ohne Punktal ausschaut ({{ar|ى}}). Bei de vokalisiatn Texte schreibt ma fia an laungen Söibstlaud s'Zeichn fia'n dazuagheradn Kuazvokal üwa des Zeichn, dea ma vokalisian wüi, und nochhea in Laungvokal, oiso {{ar|ــَا}}, {{ar|ــَى}}, {{ar|ــِي}} oda {{ar|ــُو}}. Noch dem Schema wean aa de Doppisöibstlaute ''ai'' und ''au'' gschrim, nämli ois Fatha-Ya fias ''ai'' ({{ar|ــَي}}) oda ois Fatha-Waw fias ''au'' ({{ar|ــَو}}).

[[Datei:ArabischeSonderzeichen.png|thumb|300px|de arabischn Sondazeichn: 1: Schadda, 2a: Sukun, 2b: Dschazma, 3: Fatha, 4: Alif chandschariyya, 5: Damma, 6: Dammatan, 7: Hamza, 8: Madda, 9: Wasla]]
De Zeichn Damma, Fatha und Kasra kinan aa doppid steh und hoaßn daun Dammatan ({{ar|ــٌـ}}), Kasratan ({{ar|ــٍـ}}) und Fathatan ({{ar|ــًـ}}). De wean vawendt zua [[Nunation|Nunazion]], da Kennzeichnung vum unbestimmtn Artikl, fia den ma im Arabischn a Nochsüim nimmt, weus ka extra Woat fia eam gibt. Aussprecha tuad ma de Zeichn wia de oafochn, owa mid am ''n'' (Buchstob Nun) noche, wohea aa de Bezeichnung Nunazion kimmt. S'Fathatan gibts netta üwa'm Alif, Alif mid Hamza, mi'm isoliadn Hamza und mi'm Ta marbuta.

Is a Buchstob ned zum Vokalisian, kau ma üwa eam a Sukun ({{ar|ــْـ}}, im Woatinnan) oda Dschazma (im Büidl rechts ois ''2b'' doagstöid, am End vum Woat) schreim. A letzts Hüifszeichn is daun nu de Schadda (aa Taschdid gnennt; {{ar|ــّـ}}), de zoagt, dass a Konsonant vadoppid is. Kimmt zu da Schadda nu a Vokalisazionszeichn, daun kimmt des üwa oda unta d'Schadda, ned üwa oda unta'n Buchstom (a Kasra laundt so oiso üwa'm Buchstom). A Beispüi zum Vaauschaulichn vu da Schadda is aa do wieda s'Woat Allah, wo üwa'm zweitn Lam a Schadda und üwa da Schadda s'kloane Alif steht.

De gaunzn Zusotzzeichn midanaunda wean ois Taschkil ({{ar|تشكيل}}) oda Ḥarakat ({{ar|حركات}}) bezeichnt.

=== Ligatuan ===

[[Datei:Muhammad-mit-ligatur-und-ohne.png|thumb|150px|„[[Muḥammad]]“ ois Ligatua und auf ana Grundlinie vabundn]]
Im da Arabischn Schrift gibts a vapflichtnde [[Ligatur|Ligatua]] und an Haufn weidare Möglichkeitn, wia ma zwoa Buchstom in oam schreibt. De vapflichtnde Ligatua is s'Lam-Alif (isoliad {{ar|ﻻ}}, am End {{ar|ﻼ}}), des ma stod da Zeichnkombinazion {{ar|ﻟﺎ}} schreim muaß.

De aundan Ligatuan kinan zwoa zsaummgfosste Buchstom sei oda a mearare wia a gaunzs Woat (zum Beispüi „Muhammad“ im Büidl rechts). Zwoarakombinazionen waratn beispüisweis {{ar|ﲜ}} fias {{ar|ﺑﺠ}} (Ba-Dschim inizial), {{ar|ﱁ}} fias {{ar|ﻟﺦ}} (Lam-Cha isoliad), {{ar|ﰎ}} fias {{ar|ﺗﻢ}} (Ta-Mim isoliad) und {{ar|ﰲ}} fias {{ar|ﻓﻲ}} (Fa-Ya isoliad). A Dreiakombi warat {{ar|ﶈ}} fia {{ar|ﻟﻤﺤ}} (Lam-Mim-Ḥa inizial). Es san sogoa maunche Wöata im Unicode ois Ligatua kodiad (zum Beispüi s<nowiki>'</nowiki>''llah'' in „Allah“: {{ar|اﷲ}} fia {{ar|اﻟﻠﻪ}}; de Ligatua zoagt d'Vokalisazion, ohne dass mas eigem muaß).

=== Ziffan ===

{| class="prettytable float-right" |
|+ ''arqām hindiyya''
|align="center"|0||align="center"|1||align="center"|2||align="center"|3||align="center"|4||align="center"|5||align="center"|6
|align="center"|7||align="center"|8||align="center"|9
|-
|style="font-size:40px" | ٠  
|style="font-size:40px" | ١
|style="font-size:40px" | ٢ 
|style="font-size:40px" | ٣ 
|style="font-size:40px" | ٤ 
|style="font-size:40px" | ٥ 
|style="font-size:40px" | ٦
|style="font-size:40px" | ٧
|style="font-size:40px" | ٨ 
|style="font-size:40px" | ٩ 
|}

Nem am Abdschad-System gibts bei de arabischn Zeichn a zweits System zum Schreim vu ana Zoih: Heid wiad aa im Arabischn meistns s'indische Zoihnsystem heagnumma. Weu de indischn Zoihn üwa d'arabische Wöid noch Eiropa kemma han, haaßns bei uns „arabische Zoihn“; ausschau dan de Zoihn vu Indien, Arabien und Eiropa owa olle teus a weng aundas.

Wia in da westlichn Wöid stehd aa im Zoihnsystem vu da arabischn Schrift da greßte Weat links. De Schreibweis haum de Araba vum indischn [[Devanagari]]-System üwanumma. De Araba söiwa nennan eana Zoihnsystem desweng de „indischn Ziffan“ ({{ar|أرقام هندية‎|w=arqām hindiyya}}). So wia d'Araba aa bei eanare Woata vu rechts noch links schreim, faungans aa bei de Zoihn rechts zum schreim au, oiso bei de kleanstn Ziffan.

In maunche Regionen vu da arabischsproching Wöid, voa oim in Noadafrika, wean mittlaweile stod de indisch-arabischn Ziffan desöiwn vawendt wia in Eiropa.

== Weidare Zeichn ==

Mid de mi'm Hamza 29 Zeichn lossn si zwoa de Laute doastöin, de s'Hocharabische kennt, fia de Laute, des in aundare Sprochn wia im Arabischn gibt, haum si de Leid owa neiche Zeichn eifoin lossn miaßn. Aa im Arabischn braucht ma hia und do zuasätzliche Buchstom, zum Beispüi waun ma a Woat aus ana aundan Sproch umschreim muaß oda weus in am Dialekt aundare Aussprochrögin gibt. Im Großn und Gaunzn san de zuasätzlichn Zeichn olle vum Standard-Alphabet ogleit, indem üwa oda unta an Buchstom zuasätzliche diakritische Makiarungen kemman wia Punktal, Strichal, a Kugal oda a Hamza.

=== im Arabischn söiwa ===

{|class="float-right"
|
<gallery widths="350" heights="55" perrow="1">
Datei:Maghribi Fa.png|S'magribische Fa
Datei:Maghribi Qaf.png|S'magribische Qaf
</gallery>
|}
Im Arabischn gibts a poa Zeichn fia Laute, de s'klassische arabische Alphabet ned kennt. De han olle vu am Buchstom ogleit, dea fia an ähnlichn Laud wia den jeweuling unbekaunntn stehd.

* {{Ar|پ}} – Fia a ''p'' wiad oafoch s'Ba gnumma oda a Ba mid drei stod oam Punktal drunta
* {{Ar|ڤ}} – Fia a stimmhofts ''w'' wia im englischn Vienna (fia Wean) schreibt ma a Fa mid drei Punktal drüwa (stod oam wia beim Fa)
* {{ar|ڠ}} – A Ghain mid drei stod oam Punktal kau ma fia a ''g'' nemma
* {{Ar|چ}} – In [[Egyptn]], wos Dschim ned fias ''dsch'' sondan fia a ''g'' stehd, schriebt ma fia'n ''dsch''-Laud a Dschim mid drei Punktal drunta

Im Magreb wean beim Fa und beim Qaf de Punktal aundas gsetzt wia im Standard-Arabischn. In Egyptn wean beim isoliadn Ya und beim Ya am End vu am Woat de Punktal ned gschrim, weswengs daun wia s'Alif maqsura ausschaud.

=== im Peasischn ===

:''Hauptartikl: [[Persisches Alphabet|Peasisches Alphabet]]''

S'Peasische kennd a bissl mea Buchstom wia s'Arabische, weus im Peasischn (ana [[Indoeuropäische Sprachen|indoeiropäischn]] Sproch) Laute gibt, de wos ma im [[Semitische Sprachen|semitischn]] Arabischn ned kennt. Fia de Laute hod ma aus Zeichn, de im Arabischn fia an ähnlichn Laud stengan, duach zuasätzliche Punktal eigene Buchtom gmocht. Zum Teu san de aa in'd Schreibweis vu aundare Sprochn mid ana arabische Schrift eidrunga, wia zum Beispüi ins Urdu und s'Paschto. Im Gengsotz zu de Zeichn aus'm klassischn arabischn Alphabet haum de peasischn zuasätzlichn Zeichn koan Zoihnweat. D'Reihnfoige vu de Buchstom im Alphabet is grundsätzli wia im Arabischn, netta s'Ha und s'Waw san vadrahd; vu de zusätzlichn Buchstom is s'Pe noch'm Be (Ba), s'Tsche noch'm Dschim, s'Že noch'm Ze und s'Gaf noch'm Kaf eigoadnet, oiso eanara Foam und eanam Uasprung entsprechnd.

{| class="prettytable" 
|- style="background-color:#CAE1FF;font-weight:bold;"
| Naum || s'Zeichn<br />isoliad||vabundene<br />Foam(en) || Umschrift || Aussproch || Unicode/HTML || [[Listn vo de IPA-Zeichn|IPA]]||ogleitt vum arabischn
|- 
| Pe || align="center"|{{ar|پ}} ||align="center"|{{ar|پـپـپ}}|| p || p || &amp;#1662; || {{IPA-Text|p}} || {{ar|ب|w=Ba}}
|- 
| Tsche || align="center"|{{ar|چ}}||align="center"|{{ar|چـچـچ}}|| tsch (DMG: č)|| tsch ||&amp;#1670; || {{IPA-Text|tʃ}}|| {{ar|ج|w=Dschim}}
|-
| Gaf || align="center"|{{ar|گ}}||align="center"|{{ar|گـگـگ}}|| g || g || &amp;#1711; || {{IPA-Text|g}}||{{ar|كـ|w=Kaf}} <small>(noch links vabundene Foam)</small>
|-
| Že || align="center"|{{ar|ژ}} ||align="center" style="background-color:#FFEDCF;"|{{ar|ـژ}}|| ž || stimmhofts sch (''J''ournal) || &amp;#1688; || {{IPA-Text|ʒ}}||{{ar|ز|w=Zay}} <small>(stimmhofts 's'')</small>
|}

De obing Laute wean im Arabischn bei Fremdwöata aus'm Peasischn duach Laute easetzt, de ma im Arabischn aa kennt: s<nowiki>'</nowiki>''p'' duach a ''b'', s<nowiki>'</nowiki>''tsch'' duach a ''dsch'', s<nowiki>'</nowiki>''g'' duach a ''k'' oda ''q'' und s<nowiki>'</nowiki>''ž'' duach a ''z''.

{| class="prettytable float-right" |
|+de Farsi-Ziffan
| align="center"|0 ||align="center"|1 ||align="center"|2  ||align="center"|3 ||align="center"|4 ||align="center"|5 ||align="center"|6 ||align="center"|7 ||align="center"|8 ||align="center"|9
|-
|style="font-size:40px" | ۰  
|style="font-size:40px" | ۱
|style="font-size:40px" | ۲ 
|style="font-size:40px" | ۳ 
|style="font-size:40px" | ۴ 
|style="font-size:40px" | ۵ 
|style="font-size:40px" | ۶
|style="font-size:40px" | ۷
|style="font-size:40px" | ۸ 
|style="font-size:40px" | ۹ 
|}

Zwoa Buchstom vum arabischn Alphabet wean im Peasischn, wauns isoliad oda am End vu am Woat stengan, aundas gschrim wia im Arabischn: s'Ya und s'Kaf. S'Ya schreibt ma im Peasischn wia aa in Egyptn am End vu am Woat oda isoliad ohne Punktal, woduachs mid am Alif maqsura vawexlt wean kau, weu des gleich ausschaud. S'Kaf schreibt ma im Peasischn ähnli wia eana Gaf, nämli {{ar|ک}} ({{ar|کـکـک}}). Gwisse Buchstom bezeichnan im Peasischn ned den söibn Laud wia im Arabischn, weus den Laud vum Arabischn im Peasischn ned gibt. Des trifft auf s<nowiki>'</nowiki>''Tha'' (im Peasischn ''ßa'', [s]), s<nowiki>'</nowiki>''Ḥā'' (''He'', [h]), s<nowiki>'</nowiki>''Dhal'' (''Sal'', [z]), s<nowiki>'</nowiki>''Sad'' (''ßat'', [s]), s<nowiki>'</nowiki>''Dad'' (''Sat'', [z]), s<nowiki>'</nowiki>''Ṭa'' (Ta, [t]), s<nowiki>'</nowiki>''Za'' (''Sa'', [z]) und s<nowiki>'</nowiki>''Ain'' (''Ein'', [ʔ]) zua. Da Buachstom stengan oiso im Peasischn olle fia an Laud, dea im Laud vum arabischn Original nohe kimmt, dea owa eigntli oiwei schau an eingnen Buchtom hädat. Findn tuad ma de gaunzn Zeichn hauptsächli in Fremdwöata, denen eana Schreibweis ma aus'm Arabischn si oogschaud hod.

Im Gengsotz zum Arabischn kau in peasische Wöata de Duachkoppelung aa amoi untabrochn sei, waun a Voa- oda Nochsüim zu am Woat kimmd oda bei zsaummgsetzte Wöata. Dafia gibts a Unicode-Zeichn, in ''Ned-Vabinda ohne Breadn'' (&amp;zwnj;), auf peasisch {{arF|فاصلهٔ صفر|w=Fāṣeleh-ye ṣefr}}, mid dem ma d'automatische Duachkoppelung untabindn kau (richtig mid ''Fāseleh-ye sefr'': {{ar|می‌خواهم}}; foisch duachkoppid: {{ar|میخواهم}}; foisch mid Leazeichn: {{ar|می خواهم}}).

In de [[Persische Sprache|peasischsproching]] Gengdn ([[Iran]], [[Pakistan]], [[Afghanistan|Afganistan]], Teile vu [[Indien]]) wean außadem teuweis aundas ausschauade Ziffan vawendt, de „Farsi-Ziffan“. D'Peasische Schreibweis woa d'Grundlog fia de Alphabete vu de weida östlich gsprochenen Sprochn, de a arabischs Alphabet augnumma hom.

=== restliche Sprochn ===

:''Hauptartikl: [[Liste arabischer Schriftzeichen|Listn vu arabische Schriftzeichn]]''

Im Paschtunischn, des si an da peasischn Scheibweis orientiad, kennt ma mearare Zeichn mid am klan Ringal (hoaßt ''Pandak'') drunta, des kennzeichnt, dass da jeweulige Konsonantn retroflex auszsprecha is ({{ar|ڼ ړ ډ ټ}}); s'Gaf ({{ar|ګ}}) hod aa a Ringal und is de paschtunische Variantn vum peasischn Gaf, des ma owa in da Praxis aa findt. S'Hamza kau im Paschto aa ois diakritischs Zeichn aa üwa Konsonantn steh (''Dze'': {{ar|ځ}}, [dz]; {{ar|ۀ}}, des is eingli a Ligatua), Zeichn mid zuasätzliche diakritische Punkte han s<nowiki>'</nowiki>''Tse'' ({{ar|څ}}), s<nowiki>'</nowiki>''Xe'' ({{ar|ښ}}, [ʂ]) und s<nowiki>'</nowiki>''Ge'' bzw. ''Zhe'' ({{ar|ږ}}, je noch Region [g] oda [ʐ]). Beim ''Ye'' wiad a nockads ({{ar|ی}}, [j, e, aj, i]), a ''fe'li ye'' mid Hamza ({{ar|ئ}}, [ə]), a 'schadsina ye'' mid am Strichal ({{ar|ۍ}}, [əy]; nua am End vu am Woat), a ''pasta ye'' mid oam oda zwoa Punktal untaranaund ({{ar|ﯦﯥ}}, [e]) und a 'sachta ye'' mid zwoa Punktal nemanaund untaschiedn ({{ar|ي}}, [i]). Stod'm ''pasta ye'' wiad in Pakistan aa s'aus'm Urdu kemmade ''bari ye'' vawendt. S'Paschto kennt außadem mi'm Zwarakay ({{ar|ــٙـ}}, a woogrechta Strich, auszsprecha ois a kuazs [ə]) a viats Vokalhüifszeichn, aa waun im Paschtunischn de Vokalhüifszeichn nu söitna gsetzt wean wia im Arabischn. Im [[Kurdische Sprache|Kuadischn]] gibts aa Lam mid am kloan V ({{ar|ڵ}}), des fia a bsundare L-Variantn stehd und im [[Ormuri]] a Re mid Hamza, des fia den Laud stehd, fia den ma im [[Tschechische Sprache|Tschechischn]] a "r" mid Hatschek schreibt.

S'Urdu baut emso auf da peasischn Variantn vum arabischn Alphabet auf und hod zuasätzli auf da oan Seitn neiche Zeichn wia s<nowiki>'</nowiki>''bari ye'' ({{ar|ے}}), des fia'n Laud {{IPA-Text|ɛː}} oda {{IPA-Text|eː}} stehd, und bekaunnte Zeichn mid zuasätzliche diakritische Makiarungen. A drüwa gstöids {{ar|ط}} kennzeichnt de dentaln Konsonantn: s'{{ar|ڑ}} [ɽ], s'{{ar|ٹ}} [ʈ] und s'{{ar|ڈ}} [ɖ]. Beim ''h'' gibts a weng a eings System: S<nowiki>'</nowiki>''do cashmi he'' ({{ar|ھ}}; de iniziale Foam aus'm Arabischn is do aa d'isoliade und d'mediale aa d'finale; d'isoliade aus'm Arabischn is s<nowiki>'</nowiki>''tschoti he'', a eigena Buchstob) stehd fias Auhauchn vu am Laud, fias normale ''h'' gibts entweda s<nowiki>'</nowiki>''bari ḥe'' ({{ar|ح}}) oda s<nowiki>'</nowiki>''tschoti he'' ({{ar|ہ ,ﮩ ,ﮨ}}). S'[[Sindhi]], des wias Urdu aa a [[Indoarische Sprachen|indoarische Sproch is]], loand si ned wia de aundan vawaundtn Spochn an'd Schreibweis vum Urdu au. Im Sindhi, des üwa 50 Zeichn kennd, san fia de retroflexn Laute Buchstom mid zuasätzliche Punktal voahaundn, emso fia aughauchde. Im [[Kaschmirische Sprache|Kaschmirischn]] wean im Gengotz zu de aundan indoarischn Sprochn olle Vokale (aa de kuazn oiso) gschrim. Dafia hod ma a [[Hamza#Kaschmirisch|wöinföamigs Hamza]] eafundn und a Ringal unta da Grundlinie eigfüahd, damid olle üwa 15 Vokalvariantn eindeitig am Buchstom mid Diakritika zuagoadnet san. Dass in de aundan indoarischn Sprochn mid arabischa Schrift de Kuazvokale ned gschrim wean, passd ned sondalich guad zu de Eignheitn vu da Sprochfamilie.

Im [[Jawi]], im arabisch-basiatn Alphabet vum Malaysischn, kennt ma a ''Nga'' ({{ar|ڠ}}), a ''Va'' ({{ar|ۏ}}) und a ''Nya'' ({{ar|ڽ}}). S<nowiki>'</nowiki>''Gaf'' schreibt ma aundas wia im Peasischn, nämli {{ar|ڬ}}; emso iss beim Pa ({{ar|ڤ}}). Im Xiao'erjing-Alphabet findn si a ''Ci'' ({{ar|ڞ}}, [tsʰ]) und s'ois ''q'' transskribiate {{ar|ٿ}} [tɕʰ].

{| class="prettytable float-right" 
|+Zeichn fia Vokale in de Tuaksprochn
|-style="border-bottom:2px solid gray; font-weight:bold;" align="center"
| align="left" style="background-color:#CAE1FF;" | Söibstlaud
|a||ä||e||i||ı||o||ö||u||ü
|-align="center"
| align="left" style="background-color:#CAE1FF;" | im Kasachischn
|{{ar|ا}}
|{{ar|ٵ}}
|{{ar|ه}}
|{{ar|ٸ}}
|{{ar|ى}}
|{{ar|و}}
|{{ar|ٶ}}
|{{ar|وُ}}
|{{ar|ٷ}}
|-align="center"
| align="left" style="background-color:#CAE1FF;" | im Kiagisischn
|{{ar|ا}}
| –
|{{ar|ه}}
|{{ar|ي}}
|{{ar|ى}}
|{{ar|و}}
|{{ar|ۅ}}
|{{ar|ۉ}}
|{{ar|ﯗ}}
|-align="center"
| align="left" style="background-color:#CAE1FF;" |im Uigurischn
|{{ar|ا}}
|{{ar|ه}}
|{{ar|ې}}
|{{ar|ى}}
| –
|{{ar|و}}
|{{ar|ۆ}}
|{{ar|ۇ}}
|{{ar|ۈ}}
|}

Im ehemoling osmanisch-tüakischn Alphabet und in de Alphabete fia'd Tuaksprochn gibts a ''Ñef'' [ŋ], des ma {{ar|ڭ}} schreibt. Im osmanischn tüakisch und im Asabeidschanischn hods ned fia olle Vokale a Zeichn gem, de Schriftvariantn fia de zentralasiatischn Tuaksprochn hom si fia de vüin Vokale z'höifn gwusst, indems Hamzas und/oda Vokal-Hüifszeichn eisetzn. Drei Beispüile siachd ma in da Taböin rechts, s'Uigurische valaungt bei am Vokal am Woataufaung, dass davoa a Ya mid Hamza gschrim wiad (zum Beispüi {{ar|ئا}}). Im Uigurischn und Kiagisischn gibts außadem a Waw mid drei Punktal ({{ar|ۋ}}) fias ''v'', fia dess im Kasachischn a Waw mid Hakal gibt ({{ar|ۆ}}), des im Uigurischn wieda fia'n Vokal ''ö'' stehd. S'Ha aus'm original-arabischn Alphabet stehd in de meistn zentralasiatischn Tuaksprochn fia zwoa Laute: D'isoliade und d'finale Foam stengan fia an Vokal (fia wöichan siachd ma in da Taböin), dea ned noch links weidavabundn wiad. D'initiale und mediale Foam {{ar|ھ}} stehd fias ''h'', wobei d'initiale Foam aa isoliad und d'mediale aa final gnumma wiad.

Im [[Hausa]] hod ma si aa neiche Vokalhüifszeichn ausdenkd; weus owa ka oigemein güitige Schreibweis gibt, findt ma aa bei maunche Laute untaschiadliche Schreibvariantn. Maunche Variantn brauchn kane neichn Zeichn, aundare vawendn de Zeichn {{ar|ٻ}} fias ''{{IPA|ɓ}}'' und {{ar|ڟ}} fias ''ts'', des im Arabischn ned gibt Im Bosnischn san a ''dsch'' und a ''n'', noch dem a ''j'' gsprochn wiad, mid am klan [[Lambda]] drüwa makiad woan, a ''l'' hingeng mid am klan V. Beim ''tsch'' woas umgekeahd: Do hod ma in Laud daun mid am Lambda makiad, waun nochhea ka ''j'' kimmd. Zwoa Zeichn aus'm weißrussisch-arabischn Alphabet san im [[Unicode]] ned voahaundn: Des san a Dal und a Sad, jeweus mid drei Punktal drunta.

== Gschicht ==

:''Hauptartikl: [[Geschichte der Arabischen Schrift|Gschicht vu da Arabischn Schrift]]''

{|class="prettytable float-right"
|+Staummbaum und Vawaundtschoft
|style="font-size:75%"|
* Protosemitisch
** [[Phönizisches Alphabet|Fönizisch]]
*** Aramäisch
**** Brahmi → Tibetisch, Khmer
**** [[Hebräisches Alphabet|Hebräisch]]
**** Sürisch
***** Nabatäisch
****** <tt>'''Arabisch'''</tt>
***** Sogdisch → Mongolisch
*** [[Griechisches Alphabet|Griechisch]]
**** Etruskisch → [[Lateinisches Alphabet|Lateinisch]]
**** [[Kyrillisches Alphabet|Kirillisch]]
<center>''(Auswoih)''</center>
|}

Da Uasprung vum arabischn Alphabet losst si im Fönizischn Alphabet findn, des a Abstrahiarung vum Protosemitischn Alphabet woa, 22 Buchstom kennd hod und aus dem quasi olle Alphabetschriftn entstaundn san, des heid gibt. A wichtiga weidara Schritt hi zum arabischn Alphabet woa d'Schrift vum Aramäischn.

S'arabische Alphabet hod si aus'm [[Nabatäisches Alphabet|Nabatäischn Alphabet]] außa entwückid, des wos zum Vaschriftlichn vum nabatäischn [[Aramäische Sprache|Aramäisch]] gnumma woan is. De öidestn bekaunntn Texte im arabischn Alphabet san ausm spädn viatn Joahundat und san im heidign Süd-[[Jordanien]] (50&nbsp;km östli vu da Hofnstod Akaba) gfundn woan. De öideste datiade Vawendung is a dreisprochige Inschrift vum Joa 512 aus Zebed in [[Syrien|Sürien]]. Aus da voaislamischn Zeid kennd ma owa netta a Haundvoi Inschriftn, wos aa an dea Soch liegt, dass de Araba de Schrift eascht kuaz voa'm Mohammed seim Lem augnumma hom.

[[Datei:Basmala kufi.svg|thumb|left|''Kufi''-Schrift ohne Punktal: ''Bismillāhi r-raḥmāni r-raḥīmi'']]
{| class=wikitable left
|+ De 18 ''rasm'' in isoliada Stellung und eanare Laudweate
|- align=center
! ''rasm''
| {{ar|ا}} || {{ar|ٮ}} * || {{ar|ح}} || {{ar|د}} || {{ar|ر}} || {{ar|س}} || {{ar|ﺹ}} || {{ar|ط}} || {{ar|ع}} || {{ar|ڡ}} ** || {{ar|ٯ}} ** || {{ar|ﮎ}} || {{ar|ل}} || {{ar|م}} || {{ar|ں}} * || {{ar|ه}} || {{ar|و}} || {{ar|ﯼ}} *
|- align=center
! [[IPA]]
| {{IPA-Text|ʔ}} || {{IPA-Text|b, t, θ}} || {{IPA-Text|ħ, x, dʒ}} || {{IPA-Text|d, ð}} || {{IPA-Text|r, z}} || {{IPA-Text|s, ʃ}} || {{IPA-Text|sˁ, dˁ}} || {{IPA-Text|tˁ, zˁ}} || {{IPA-Text|ʔˁ, ɣ}} || {{IPA-Text|f}} || {{IPA-Text|q}} || {{IPA-Text|k}} || {{IPA-Text|l, lˁ}} || {{IPA-Text|m}} || {{IPA-Text|n}} || {{IPA-Text|h}} || {{IPA-Text|w, uː}} || {{IPA-Text|j, iː}} 
|- align=center
|colspan="19"|* bzw. ** → schaun am Woataufaung und in da Mittn gleich aus
|}

Zu dera Zeid is s'Arabische nu ohne diakritische Punktal gschrim woan. Des hoaßt, dasss fia de 28 Laute netta (je noch Log im Woat) 15 bis 18 vaschiedene Zeichn gem hod, weu s'Aramäische weniga Laute ghobt hod und a poa im Aramäischn uasprüngli untaschiadliche Zeichn mid da Zeid gleich ausschauad woan han. De Zeichn ohne Punktal nennan si ''Rasm'' ({{ar|رسم}}), de dazuaghearade ziemli geometrisch ausschauade Schriftfoam nennd si [[Kufi]]. Damid ma de Laute wieda untascheidn hod kina han de Punktal eigfüahd woan, de owa a launge Zeid ned vapflichnd gwesn san. S'öideste Dokument mit de Punktal ({{ar|إعجام|w=Iʿdschām|b=an Söibstlaud mid diakritische Punktal makiarad}}) is auf'n Aprüi 643 datiad und kimmt aus [[Egyptn]].

[[Datei:Kufic script.jpg|thumb|300px|Schrift aus'm neintn Joahundat mid rode Punktal]]
Mid da Zeid is aa d'Umstellung vu da Abdschad-Reihung zum Hidscha'i-System kemma. Im Abdschad-System han de neichn Buchstom hint augreihd woan, im Hidscha'i hans wieda weida viri greihd woan – nämli zu dem Buchstom, vu dem si si netta duach d'Punktal-Zoih untaschein. Außadem han de easchtn Vokal-Hüifszeichn und s'Hamza eafundn woan: In da zweitn Höiftn vum siebtn Joahundat is zum Vokalisian a zweits System mid Punktal eigfüahd woan, wobei Vokalpunktal rod sei hom miaßn, damid mas ned mid de diakritischn vawexld. Des System – a Punktal üwa am Buchstom fia a ''a'', ans drunta fia a ''i'', ans auf da Linie fia a ''u'', jeweus zwoa fia'd ''Nunazion'' – hod si aungeblich da Umajadn-Heascha Haddschadsch ibn Yusuf ausdenkd.

Des neiche System woa owa a ned optimal, weu ma de gaunzn Punktal leicht vawexln kau und zwoa Foam brauchd. Desweng is ma um de hundat Joa späda zum heiding System üwagaunga, des da [[Chalil ibn Ahmad al-Farahidi]] 786 featig gstöid hod.

S<nowiki>'</nowiki>''Ta marbuta'' und s<nowiki>'</nowiki>''Alif maqsura'' san entstaundn, weu si a Untaschied zwischn dm klassischn Arabisch und im Arabisch vum Koran entwückid hod. S'Ta marbuta is a Zwischnding zwischn dm klassischn ''t'' und am dialektaln ''h'' am Woatend, s'Alif maqsura is brauchd woan, damid mas vu am noamaln Alif im Auslaud untascheidn kau, wias nu kane Diakritika ned gem hod: S'Alif maqsura imma fia an laungen Vokal im Auslaud, a noamals Alif kunnt aundare Funkzionen aa hom. S'kloane Alif ois Zeichn fia a ned ausgschrimnes laungs ''a'' is entstaundn, weu d'Schreibweis vum Woat ''Allah'' aus da Zeid staummd, in dea s'Alif nu ned fia a ''a'' sondan fia'n Glottissschlog gstaundn is. Ma hod de Schreibweis ned aupassd owa a Zeichn brauchd, damid ma de Woat richig vokalisiad; damid ma wieda a Zeichn fia'n den Knacklaud hod, is s'Hamza eadochd woan.

== D'arabische Schrift ois Kunst ==

:''Hauptartikl: [[Arabische Kalligrafie]]''
[[Datei:Arabtyp.png|thumb|left|Vaschiedene arabische Kalligrafiestile]]
[[Datei:Shahada.svg|thumb|D'''Schahada'' in Moscheefoam]]
D'Schreibkunst is de tradizionelle Oat vu [[Bildende Kunst|büidnda Kunst]] in da [[Islamische Kunst|islamischn Kunst]]. Entwückid hod si d'arabische Kalligrafie aus'm Zusaummenhaung, dass ma im Islam kane Leid obüidln deaf und dass d'Schrift ois des Medium, mid dem si da Gott an de Menschn gwendt hod, an heiling Karakta hod. Innahoib vu da arabischn Kalligrafie haum si mid da Zeid mearare Stile (''Chatt'') außaentwückid, de mid da Zeid modean woan san oda aa wieda aus da Mode kemma san.

D'öidestn Stile woan d'eckige ''Kufi''-Schrift und d'kuasive ''Naschi''-Schrift (auszsprecha ois Nas-chi). Aus de Richtungen außa haum si daun noch und noch aundare Stile entwückid, de ''Thuluth'', ''Taliq'', ''Nastaliq'', ''Riq'a'', ''Diwani'' . Gschrim wean kalligrafische Texte tradizionöi mid am ''Qalam'', ana Oat Roahfeda. Arabische Kalligrafien san oft aa Kalligramme (''Figuangedichtln'') – ma schreibt oiso so, dass nochhand iagnda Foam außakimmd wia de vu am Vogi oda ana Moschee.
{{Commonscat|Arabic calligraphy|Arabische Kalligrafie}}

== Vabreitung vum Arabischn Alphabet ==

[[Datei:Arabic alphabet world distribution.png|thumb|350px|Wos arabische Alphabet heagnumma wiad (dunkigrea: oanzigs offiziöis Alphabet; höigrea: oans vu mearare)]]
Wia schau beschrim stehd d'Ausbroatung vum arabischn Alphabet mid da Ausbroatung vum Islam in am Zsaummenhaung. D'Schreibweis und s'Buchstomrepatoa is so guads gehd imma an de jeweulige Sproch aupasst woan, woduach aus'm ''Abdschad''-Alphabet teuweis a ''Abugida''-System mid arabische Zeichn woan is. Fia de auf'm arabischn Alphabet aufbauadn Zeichnsätz fia westafrikanische Sprochn gibts an eingnen Begriff, ''ʿAdschami''. Mearare Sprochn, de friaha amoi arabisch gschrim woan san, wean heid [[Lateinisches Alphabet|lateinisch]] oda [[Kyrillisches Alphabet|kirillisch]] gschrim.

=== Heidige Vawendung ===

Nem am Arabischn, des alloa in üwa zwoa Dutznd Lända in Noad[[afrika]], [[Arabien]] und im [[Naher Osten|Nohen Ostn]] Aumtssproch is, san de wichtigstn Sprochn mid am arabisch-basiatn Alphabet s'Peasische, s'Paschtunische, s'Urdu, s'Kaschmirische, s'Sindhi und s'Uigurische, oiso lauta Sprochn, de ma in [[Asien]] redt. De wichtigstn Lända außahoib vum arabischn Sprochraum, de arabisch-gschrimne Sprochn haum san da [[Iran]], [[Afghanistan|Afganistan]], [[Pakistan]], [[Indien]] und [[China|Kina]], wobei s'Arabische ned imma d'oanzige Schreibweis vu de Lända is.

Sprochn, de heid mid arabische Zeichn gschrim wean, han:

;Noha Ostn und Zentralasien

* S'[[Azeri|Asabeidschanische]] im Iran
* S'[[Balutschi]] im Iran und in Pakistan
* S'[[Kasachische Sprache|Kasachische]] in Pakistan, im Iran, in Kina und in Afganistan
* S'[[Kirgisische Sprache|Kiagisische]] in Sinkiang
* S'[[Kurdische Sprache|Kuadische]] im Noad[[irak]] (in da Tüakei und in Sürien wiad s'lateinische Alphabet gnumma)
* S'[[Paschtunische Sprache|Paschtunische]]
* S'[[Farsi|Peasische]] im Iran; ois ''Dari'' in Afganistan, s'Tadschikische in Sinkiang (in Tadschikistan schreibt ma kiriliisch)
* S'[[Turkmenische Sprache|Tuakmenische]] im Noadirak
* S'[[Uigurische Sprache|Uigurische]] seid 1983 wieda
* S'[[Usbekische Sprache|Usbekische]] in Afganistan

[[Datei:Xiao-Er-Jin.jpg|thumb|300px|S'Kinesische gschrim mid arabische Zeichn]]

;Süd-, Südost- und Ostasien

* S'[[Arwi]] vu arabische Tamiln in [[Sri Lanka]] und Südindien
* S'[[Dhivehi]] (Maledivische) vawendt de [[Thaana]]-Schrift, de stoak arabisch beeinflusst is 
* S'[[Kaschmirische Sprache|Kaschmirische]] in Pakistan und Indien (zum Teu)
* S'[[Chinesische Sprache|Kinesische]] schreim maunche Hui im [[Xiao'erjing]]-Alphabet
* S'[[Malayalam]] aus Südindien
* S'[[Malayische Sprache|Malayische]] in da Jawi-Schrift is in [[Brunei]] kooffiziell; in Malaysia, Indonesien, Südthailaund, Singapua und auf de Filippinen fia religiöse Texte
* S'[[Punjabi language|Pandschabi]] (zum Teu) in Pakistan
* S'[[Sindhi]] in Pakistan
* S'[[Urdu]] (Pakistan und Indien)

[[Datei:MuhammadAwzal-Al Hawd-Leiden MS Or 23.354.jpg|thumb|Arabisch gschrimnes Manuskript auf Taschelhit (a Beabasproch)]]

;Afrika

* S'[[Beja]] im Noadost[[sudan]]
* S'[[Fula]] in [[Guinea|Ginea]]
* S'[[Hausa]] fia voa oim religiöse Zwecke
* S'[[Komorische Sprache|Komorische]] auf de [[Komoren|Komoan]] (nem am Lateinischn, offiziöi is goa koa Alphabet) 
* S'[[Mandinka]] (Vawendung ned öffizöi)
* S'[[Tamazight]] und aundare [[Berbersprachen|Beabasprochn]] im Magreb nem am ''Tifinagh''-Alphabet
* S'[[Wolof]]

=== Wo ma friaha amoi s'arabische Alphabet gnumma hod ===

Dass aundare Sprochn auf amoi d'arabische Schrift vawendt hom, is oft damid zsaummghängt, dass de jeweulige Sproch voahea goa ned vaschriftlicht gwen is. D'arabische Schrift is do oft d'easchte Schrift gwen, mid dea de Leid Kontakt ghobt hom. Aa d'Religion (da Islam) hod oft an großn Einfluss drauf ghobt, dass ma si quasi fias Arabische entschiedn hod, weu d'Sakralsproch (s'Arabische) jo aa mid dea Schrift goaweit hod.

Im 20. Joahundat is s'Arabische am [[Balkan]], in Afrika südli vu da [[Sahara]] und in Südostasien vum lateinischn Alphabet noch und noch vadrängt woan, in da [[Sowjetunion]] vum kirillischn Alphabet. D'[[Türkei|Tiakei]] is 1928 zum lateinischn Alphabet üwagaunga und nochdem d'Sowjetunion ausanaundabrocha is, haum aa mearare aundare Tuaksprochn s'kirillische Alphabet bleim lossn, damids lateinisch schreim kinan. Im Tadschikischn, des jo mea oda weniga de söiwe Sproch is wia s'Peasische, ealebt d'arabische Schreibweis duach engare Kontakte zum Iran an Aufschwung.

;Afrika

* S'[[Afrikaans]] vu de Kap-Malayen (heid Lateinisch)
* S'[[Harari]] in [[Äthiopien]] (heid s'''Ge'ez''-Alphabet)
* S'[[Kisuaheli]] (heid Lateinisch)
* S'[[Malagasy]] vu Madagaskar (heid Lateinisch)
* S'[[Nubische Sprachen|Nubische]]
* S'[[Somalische Sprache|Somali]] (heid Lateinisch)
* S'[[Songhay]] bei Timbuktu (heid Lateinisch)
* S'[[Yoruba]]

De im Obschnitt zua heiding Vawendung augfüahdn westafrikanischn Sprochn haum fia'd Literatua und im Büidungswesn s'Lateinische eigfüahd.

;Eiropa

* S'[[Albanische Sprache|Albanische]] (heid Lateinisch)
* S'[[Azeri|Asabeidschanische]] (heid in am lateinisch basiadn Alphabet)
* S'[[Bosnische Sprache|Bosnische]] (heid Lateinisch)
* S'[[Mozarabische Sprache|Mozarabische]] im maurisch regiadn Spanien
* S'[[Polnische Sprache|Poinische]] vu de [[Tataren|Tatarn]]
* S'[[Weißrussische Sprache|Weißrussische]] vu de Tatarn

;Noha Ostn und Zentralasien

* S'[[Baschkirische Sprache|Baschkirische]] vu 1917 bis 1928 (heid Kirillisch)
* S'[[Dunganische Sprache|Dunganische]] bei de Hui in Kina
* S'[[Karakalpakische Sprache|Karakalpakische]] vu 1924 bis '27
* S'[[Kasachische Sprache|Kasachische]] in [[Kasachstan]] bis zu de 1930a-Joa (heid Kirillisch)
* S'[[Kirgische Sprache|Kiagisische]] in [[Kirgisistan|Kiagisien]] bis zu de 1930a-Joa (heid Kirillisch)
* S'[[Kurdische Sprache|Kuadische]] in da Tüakei und in [[Syrien|Sürien]] bis 1932
* S'[[Tatarische Sprache|Tatarische]] vor 1928 (heid Kirillisch und Lateinisch)
* S'[[Tschagateische Sprache|Tschagateische]]
* S'[[Tschetschenische Sprache|Tschetschenische]] vu 1917 bis 1928
* S'[[Türkische Sprache|Tüakische]] im [[Osmanisches Reich|Osmanischn Reich]] bis 1928
* S'[[Turkmenische Sprache|Tuakmenische]] in [[Turkmenistan|Tuakmeistan]] (heid Lateinisch)
* S'[[Usbekische Sprache|Usbekische]] in [[Usbekistan]] (heid Lateinisch)

;Südostasien

* S'[[Maguindanao]] auf de [[Philippinen|Filippinen]]
* S'[[Malayische Sprache|Malaische]] in [[Malaysia]] und [[Indonesien]]
* S'[[Tausug]] auf de Filippinen

== D'Arabische Schrift und d'Technik ==

[[Datei:Machine a ecrire arabe.png|thumb|300px|Arabische Schreibmaschin]]
Da easchte druckde arabischn Texd is a christlichs Gebetsbiachl fia Araba vum Joa 1514, des owa kaum lesboa woa; wiakli aufkemma is de Technik owa eascht vüi späda. Duach d'Eifüahrung vu da Schreibmaschin und vum Buachdruck im 19. Joahundat haum maunche Buchstom eana Foam a weng vaändan miaßn. Bis zu dea Zeid haum maunche Buchstom valaungt, dass da nexde a weng tiafa stehd – weu ma des drucktechnisch ned lösn hod kina, hod ma de Buchstom ob dem Moment a weng aundas schreim miaßn.

Mid arabische Tastatuan kau ma oiwei aa lateinische Zeichn eigem, es san imma lateinische und arabische Zeichn auf de Tastn augem. Es san sowoi französisch-basiade (Maghreb) wia aa englischbasiade (Arabien) Lateinlayouts üblich. Wia und wöiche arabischn Zeichn auf da Tastatua san und wo sunstige Zeichn stengan, hängt voa oim vu da Sproch und vu da Region, fia de de Tastatua gmocht is, oo.

Im [[Unicode]] gibts fia de arabischn Zeichn an eingnen Obschnitt (U+0600 bis U+06FF) und drei zuasätzliche Bereiche fia bsundare Zeichn, Ligatuan und so Zeig (U+0750 bis U+077F, U+FB50 bis U+FDFF und U+FE70 bis U+FEFF). Da Basissotz funkzioniad so, dass a Zeichn automatisch de passnde Foam kriagt (vabundn oda isoliad), insgesaumt findn si in de vaschiednan Sätz de gaunzn anzlnen Foamen extra, dazua olle möglichn ned-vapflichtndn Ligatuan, Extrazeichn fia de aundan Sprochn, de d'arabische Schrift nemman, de Hüifszeichn, Sondazeichn wia s'۞ (''rub al-hizb'') und mea. Wean de arabischn Zeichn in'd foische Richtung (oiso vu links noch rechts) gschrim, is des meistns a Zeichn deifa, dass ma ned d'neichaste [[Software|Softwäa]] installiad hod.

[[Datei:KB Arabic.svg|thumb|center|400px|Arabischs [[Tastatua]]-Layout]]

== Literatua ==

* Carl Brockelmann: ''Arabische Grammatik''. Leipzig 1960
* Yusuf Üretmek: ''Die Säulen des Arabischen. Lehrbuch des klassischen Hocharabisch''. 2. Auflog. Bealin 2007, ISBN 978-3-9809252-3-5

== Im Netz ==
* [https://web.archive.org/web/20080509190647/http://www.uga.edu/islam/arabic_windows.html Linksaummlung Arabisch fia Windows] 
* [https://web.archive.org/web/20080509114846/http://www.informatik.uni-stuttgart.de/ifi/bs/research/arab.html ArabTeX] Arabischa Schriftsotz fia [[TeX]]
* [http://www.arabic-keyboard.org Arabische Tastatua] – Im Netz ohne arabische Tastatua Arabisch schreim
* [https://web.archive.org/web/20081006093028/http://www.omniglot.com/writing/languages.htm#arabic Deteus zu arabischbasiade Alphabete]
* [http://www.arabic-keyboard.eu arabic keyboard] - arabic keyboard editor
{{Commonscat|Arabic writing|Arabische Schrift}}

[[Kategorie:Alphabet]]