Arlo Guthrie

Aus Wikipedia
Arlo Guthrie (2005)

Arlo Guthrie (* 10. Juli 1947 in Coney Island, Brooklyn, New York) is a US-amerikanischa Foik-Musika, Sänga und Komponist.

Lem[Werkeln | Am Gwëntext werkeln]

Der Arlo isa Bua vo da Foik-Legend Woody Guthrie (1912–1967) und da Marjorie Mazia Guthrie (1917–1983). Da Arlo Guthrie hod scho mid 13 Joa afgschbuid und mochd musekoisch do weida, wo sei Voda afhean hod miassn. Nem seim Voda is foa oim da Pete Seeger oana seina Leamoasta gwen. Aussadäm homna da Leadbelly, Cisco Houston, Ramblin’ Jack Elliott, Sonny Terry und de Weavers, beeiflusst.

Sei Karriea hod 1967 afn Newport Folk Festival mim Alice’s Restaurant Massacree ogfangt. Dea achdzea Minutn odauande Schbrechgsang dazejd de Gschicht voum Arlo, wiara de zwoa Hippies Alice und Ray bsuacht, wega an weggschmissna Müi vauatait wiad und dano vom Weadeanst freigschdejd wiad. Wei se des am Thanksgiving Day ogschbuid hod, wiad des Liadl no heid vo oi Radiosenda an däm Dog gschbuid. 1969 is des Liadl voum Arthur Penn mim Arlo in da Hauptroi ois Alice’s Restaurant vafuimd woan.

Mid 20 Joa is da Arlo scho in Iwasää afdren und 1969 hoda bam Woodstock-Fesdiwej gschbuid. Mim Liadl City of New Orleans voum Steve Goodman vo 1972 is da Arlo aa z Deitschland bekannt gwen. Aa 40 Joa dano wiad des Liadl mid da Zei Good Morning America z Eiropa reglmasse gschbuid.[1]

1991 hod se da Arlo de Trinity Church ausm Fuim Alice’s Restaurant kafft und duat aa intakuituarejs Guthrie Center eigricht. 1992 isa fias Oibum Woody’s 20 Grow Big Songs, desa mid seina Schwesda Nora und seim Bruada Joady afgnumma hod, fian Grammy Award nominiad woan.[2] A zwoate Nominiarung hoda fias besde Museoibum fia Kinda This Land Is Your Land 1997 griagt. Da Arlo Guthrie ko an haffa Inschdrumente schbuin, is ois Schauschbuia afdren und hod fia sei Kindabiachl Mooses Come Walking Preise ogrammmd.[3] Da Arlo is fast jäds Joa af Tournee, az Deitschland.

Diskografia[Werkeln | Am Gwëntext werkeln]

  • Alice’s Restaurant (1967)
  • Arlo (1968)
  • Running Down the Road (1969)
  • Washington County (1970)
  • Hobo's Lullaby (1972)
  • Last of the Brooklyn Cowboys (1973)
  • Arlo Guthrie (1974)
  • Together in Concert (mit Pete Seeger) (1975)
  • Amigo (1976)
  • The Best of Arlo Guthrie (1977)
  • One Night (1978)
  • Outlasting the Blues (1979)
  • Power of Love (1981)
  • Precious Friend (1982)
  • Someday (1986)
  • All over the World (1991)
  • Son of the Wind (1992)
  • Woody’s 20 Grow Big Songs (1992)
  • 2 Songs (1992)
  • More Together Again (1994)
  • Mystic Journey (1996)
  • This Land Is Your Land: An All American Children’s Folk Classic (1997)
  • Alice's Restaurant – The Massacree Revisited (1997)
  • Bouncing Around the Room on Sharin’ in the Groove (2001)
  • BanjoMan – a Tribute to Derroll Adams (2002)
  • Live in Sydney (2005)
  • Together (limitierte Sonder-CD, nur bei den Konzerten der Deutschland-Tournee 2006) (mit Hans-Eckardt Wenzel, 2006)
  • In Times Like These (2007)
  • Arlo Guthrie mit den Thüringer Symphonikern Saalfeld-Rudolstadt: Live-Mitschnitt des Sonderkonzerts beim TFF.Rudolstadt 2010, veröffentlicht als zweite CD des Festival-Samplers 2010

Im Netz[Werkeln | Am Gwëntext werkeln]

 Commons: Arlo Guthrie – Sammlung vo Buidl, Videos und Audiodateien

Beleg[Werkeln | Am Gwëntext werkeln]

  1. folker.de Bericht und Interview, abgerufen am 28. Oktober 2007
  2. woodyguthrie.org, abgerufen am 28. Oktober 2007
  3. arlo.net, Biography, abgerufen am 29. Oktober 2007
→ Dea Artikl basiad auf ara frein Ibasetzung vom säim Artike in da Wikipedia af deitsch in da Version vom 29.Januar 2014.