Bad Luck Sepp

Aus Wikipedia
Wexln zua: Navigation, Suach
Der Artikl is im Dialekt Niedabayerisch gschrim worn.

Da Bad Luck Sepp (übersetzt "Pech ghobt, Sepp") is des bekannteste boarische Meme des se seit Meaz 2014 immer weida in sozialen Netzwerken vobreidt und den Internet-Hype vo Memes noch Bayern ghoid hod.[1] Bekannt isa dafia, dass a imma wieda vom Unglick vofoigt wiad und dauernd in Situation einekimmd de schlecht fia eam endn.

Sprich & Usprung[VE | Weakln]

Typisch boarisch is deshoib, weil af olle Baidl da Text immer in boarischa Sproch steht und meistens a Olehnung an boarische Traditiona und des boarische Lebensgefai is.

Sprich

A Auswoi vo de bekanntasten Sprich:

  • "Is beim Vorglian – muas vom fuardgeh Hoam, weil er so bsuffa is"
  • "Geht aufs Klo... 1:0. - Kimd zruck ... 7:0"
  • "Sogt er mochd se etz selbständig mid na eigenen Metzgarei - Eaeffnungsfeia is am Karfreidog"
  • "Kaffd se a Lederhosn - woschts"

Ursprung

Urspringlich kimmd des Baidl aus Amerika wo's als Bad Luck Brian bekannt is. Als Markenzeichen hoda zuasätzlich no an Gamshuat afgsetzt kriagt. Ende 2014 hod der Erfolg dann Medien außerhoib vom Netz aufmerksam gmochd und somit hodas scho in Zeitunga in Niedabayern und da Obapfoiz einegschafft.[2][3]

Spezl

Außadem hod da Sepp no a boar Spezl kriagt de mid eam entstandn sand und fiar Weisheiten und Gstanzl zuaständig sand. De beliabtesten Sprich vo dene spiagln voa oim den boarischen jugendlichen Lifestyle wieda:

  • "Fangst in Middog a zum Saffa - kannst af d'nocht scho nimma laffa"
  • "Bsuffa bist erst - wennsd am nächst dog nimma vorglian brauchst"
  • "Brunzn ohne Schoas - is wia a Hochzeit ohne Muse"
  • "Wer moind Liab is des schenste Gfui - wor no nia noch 7 hoibe brunzn"
  • "A Koppal is a Schoas - des an Weg zum Osch ned woas"

Beleg[VE | Weakln]

  1. Offizielle Seitn vom Bad Luck Sepp des-daugt-ma.com (abgerufen am 08. April 2015)
  2. Zeitungsartikel aus da Mittelbayerischen mittelbayerische.de (obgruafa am 08. Aprui 2015)
  3. Artikel aus der Passauer Neuen Presse pnp.de (obgruafa am 08. Aprui 2015)