Bavaria

Aus Wikipedia
Zur Navigation springen Zur Suche springen
Der Artikl is im Dialekt Mingarisch gschriem worn.

Koordinaten: 48° 7′ 50,4″ N, 11° 32′ 45,6″ O

s'Gesicht vo da Bavaria
Bavaria mit da Ruhmeshoin
Bavaria af'm Dianatempel im Münchner Hofgortn
Rudolf Epp: d'Bavaria und d'Theräsienwiesn (um 1900)

Bavaria is da lateinsche Nam fia Bayern und d'weibliche Symbolg'stoit und Schutzpatronin vom Bayern.

In da buidandn Kunst is d'Bronzestatue vo da Bavaria in Minga (München) d'bekanntaste und d'monumentalste Abbuidung vo da Bavaria. Si is im Aftrog vom Kini Ludwig I. vom 1843-1850 errichtet worn und stähd ba da Ruhmeshoin obahoib vom da Theräsienwiesn.

S'seit da Antikn d'eascht Kolossalstatue, d'ganz aus gossana Bronze g'mocht is. S'wor a technische Moastaleistung.

Im Kopf vom da Statue is a Plottform mit zwoa Sitzbänkn, d'iwa ana Wendltreppn im Innan vo dera Figur bestiegn wern kenna. Aus via Sichtlukn hod ma vo duat an guadn Iwablick iwa d'Theräsienwiesn un d'Stodviadl vom da Umgebung.

Allegorien vom Bayern[Weakln | Am Quelltext weakln]

D'Bavaria wiad heit oft mid da Statue ba da Ruhmeshoin gleichg'setzt. In Wiaklichkeit is s'owa a Allegorie fia d'boarische Hoamaterdn (Tellus Bavarica) s'seit vuin Joahhundatn gibt: ois Woppm, ois Buida, ois Reliefs und ois Statuen. A guads Beispui dafia is d'Statue af da Kuppn vum Dianatempe im Hofgortn in Minga. Urspringlich wor s'a bronzane Diana-Statue (griachische Gettin) vom Hubert Gerhard. 1623 is d'Statue vum Hans Krumppner zua Bavaria umg'stoit worn; vor oim duach d'Beigobm Soizfassl, Hirschfej, Reisn (Reuse), Ährngoab (Ährengarbe) und Kurapfe. Af'm Tempe stähd a Kopie, s'Original is im Kaisersaal in da Münchner Residenz ausg'stejd.

Literadua[Weakln | Am Quelltext weakln]

  • Frank Otten: Die Bavaria. in: Hans-Ernst Mettig, Volker Plagemann: Denkmäler im 19. Jahrhundert. Studien zur Kunst des 19. Jahrhunderts. Bd 20. Prestel, München 1972, S.107-112. ISBN 3-7913-0349-X ISSN 0081-7325
  • Paul Ernst Rattelmüller: Die Bavaria. Geschichte eines Symbols. Hugendubel, München 1977, ISBN 3-88034-018-8
  • Helmut Scharf: Nationaldenkmal und nationale Frage in Deutschland am Beispiel der Denkmäler Ludwig I. von Bayern und deren Rezeption. Dissertation Uni Frankfurt 1978. Giessen 1985.
  • Christian Gruber, Christoph Hölz: Erz-Zeit. Ferdinand von Miller – Zum 150. Geburtstag der Bavaria. HypoVereinsbank, München 1999, ISBN 3-930184-21-4
  • Manfred F. Fischer, Sabine Heym: Ruhmeshalle und Bavaria. Amtlicher Führer. Bayerische Verwaltung der staatlichen Schlösser, Gärten und Seen, München 1997, ISBN 3-9805654-3-2
  • Ulrike Kretschmar: Der kleine Finger der Bavaria. Entstehungsgeschichte der Bavaria von Ludwig von Schwanthaler anläßlich der Auflage „Der kleine Finger der Bavaria“ (Bronze-Reproduktion). Offenbach am Main 1990, ISBN 3-921785-53-7

Im Netz[Weakln | Am Quelltext weakln]

 Commons: Bavaria (personification) – Oibum mit Buidl, Videos und Audiodateien
 Commons: Bavaria statue – Oibum mit Buidl, Videos und Audiodateien