Nutza:Luki/Cimburgis vo Masovien
De Cimburgis vo Masovien (Cymbarka, Cimburga, Cymburgis) woa a poinische Prinzessin. Duach de Heirat mid oan habsbuagischn Heazog is ned nua des Uaahnl vo Kini gwest. Vo oan vo iare Urenkal hod ma behaupt, das in sein Reich de Sun nia untagang. Domid woit ma sogn das seine Lända so gross und weidleifig woan, das in de 24. Schtund de Sun af iagad oans seina Landa gschina hod.
Wea woa se
[Werkeln | Am Gwëntext werkeln]Ia Gbuatsjoa is umstrittn. De Oan gem o es wa scho 1380 gwest. Owa vamuatli woas so zwischn 1394 und 1397. Des passat a bessa, den daun warads bei iara Hozoat uma 15 bis 18 Joa oid gwen.
Gboan is se in Warschau, im domolign Heozogtum Masovien. Ia Mudda woa de Alexadra da Lituiana und de woa de Schwesta vom poinischn Kini Wladislaw II Jagiello. Ia Vodda woa da Ziemovit IV Piast, da Heazog vo Masovien. Se hod 1432 in Bruck an da Mur den Ernst den Eisernen ( 1377-1423), den Habsburga Heazog vo Innaöstareich, gheirat. Se is sei zwoate Frau gwest. da Eanst woa da viate Suhn vom Heazog Leopoid III. und sei Muadda woa de Prinzessin Viridis, de a illigitime Tochta vom Bernabos Visconti (Mailaund) woa.
Se und Ia Famüli
[Werkeln | Am Gwëntext werkeln]
Midn Ernst hod de Cimburgis nein Kinda ghobt, in:
- Friedrich III, 1415-1493, Kaisa, HRR.
- Margarete 1416-1486, vaheirat midn Friedrich II Kuafischt vo Saxn.
- Albrecht VI 1418-1463.
- Katharina 1420-1493, vaheirat midn Karl I Markgraf vo Badn.
- Ernst 1420-1432.
Via Kinda homs easchte Joa ned iwalebt:
- Alexandra 1421, Anna 1422, Rudolf 1424 und Leopold 1424.
Iwa ire Tochta Margarete woa se des Ahnl vom Kuafiaschtn und spadan poinischn Kini Friedrich August I (dem Stoakn).
Iwa den ödastn Suhn Friedrich III (V), und ian Enkö Kaisa Maximilian I (den leztn Ritta) und ian Uaenkö Phillip I vo Kastilien und den seine Kinda de Kaisa Karl V und Ferdinand I woa se a Ahnl vo Heascha vo an Wödreich, wo de Sun nia untagaunga is.
Se woa aa s Ahnl vo de schpanischn- und östareichischn Habsburga. Bese Zungan bhaubtn, das de Habsbuaga eana vuaschtehande Untalipn vo ia midgriagt hedn. Wos owa ned gsichat is und aa iwahaubst ned mid ira gschüdatn Scheenheit zaumpasst. Owa se muas oadandli Kroft ghobd hom. Iwaliafad is, das mid iare blossn Fingan Nägl aus da Hoizwaund aussazogn hod. Megli das ia Ur-Ur Enkö, da Friedrich II vo Saxn, dea Schtoake, seine bkauntn Keapakräft iwa se vaebt griagt hed.
Am 28, Septemba 1429 is in Türnitz vaschtuam.
Schaug aa
[Werkeln | Am Gwëntext werkeln]Litaradua
[Werkeln | Am Gwëntext werkeln]- Constantin von Wurzbach: Habsburg, Cimburgis von Masovien. In: Biographisches Lexikon des Kaiserthums Oesterreich. Band 6, Verlag L. C. Zamarski, Wien 1860, S. 158 f.
- Franz von Krones: Ernst der Eiserne. In: Allgemeine Deutsche Biographie (ADB). Band 6, Duncker & Humblot, Leipzig 1877, S. 294–297.
Im Netz
[Werkeln | Am Gwëntext werkeln]
Commons: Cymburgis_of_Masovia – Sammlung vo Buidl, Videos und Audiodateien- http://austria-forum.org/af/Community/Alles_%C3%BCber_%C3%96sterreich/Innsbruck/Zimburgis_in_der_Schwarzmanda-Kirche ( A Büdl vo ira Figua unta de schwoazn Maunda/Innsbruck)
- http://www.aeiou.at/aeiou.encyclop.c/c498039.htm
- http://www.aeiou.at/aeiou.encyclop.e/e758985.htm
- http://www.planet-vienna.com/habsburger/habsburger.htm