Beringbruck

De Beringbruck is a Landbruck zwischn Asien und Noadamerika am Sidrand vom heidign Beringmeer gwen, de im Pleistozän duach an niadrign Meeresspiagl drucka gleng is. De heidign Insln vom Alëutn-Bong einschliaßlich de Kommandeurinsln hand a Ibableibsl vo der Bruck. Wega ois gscheid diafe Meeresbereiche, wia de iba 5000 Meda diafn Ausleifa vom Kurilengrom, is de Beringbruck a bei am deitlich niadrigan Meeresspiagl a da Natt vo Kamtschatka nia ganz duachgehend gwen.

Am Noadrand vom Beringmeer hods mid da Beringia a vui breadane und a duachgehade drucka gfoine Landbruck gehm. Olle zwe hand nochm Vitus Bering benennd. Iba beide Bruckan hand in mehrane Wäina de easchtn Menschn noch Noadamerika eigwandat.

Mim Astieg vom Meeresspiagl am End vo da letztn Eiszeid voa eba 10.000 Joa is de Landbruck nochad ibaflutet woan.