Wild Bill Hickok

James Butler Hickok (* 27. Mai 1837 z Troy Grove, Illinois; † 2. August 1876 z Deadwood, Siid-Dakota), bessa bekonnt ois Wild Bill Hickock, woa a berihmta Westernhejd.

Da Hickok is ois Postkutschnfoara in an Wuidn Westn kema. Nacha is a Marshal in Kansas und Nebraska gwen. Im amerikanisch Biagakriag hoda fia de Noadstootn (Union Army) kämpft. Nochn Kriag is a ois Revolverhejd und Schoafschitz, ois Pfodfinda (Scout) und professionella Spuia berihmt woan. Ea woa in mearan Schiassarein ('shootouts) beteiligt. Ums Lebm kema is da Hickok owa beim Pokerspuin in Deadwood (domois Dakota Territory), mit oana Hond vo Assn und Ochtan is a vo hintn daschossn woan. Seitdem hoasst des Bladdl Dead Man’s Hand.

Gschichtn und Legendn

En Saloon No. 10 z Deadwood, wo da Bill daschossn woan is, gibts heit no imma. Fia Touristn gibts do de Wild Bill Show.
Es is nia aufkleat woan, warum sei Meada, da Jack McCall, eam daschossn hod. Mitn laufandn Pokerspui hods nix z doa ghobt, des is gsichat, es muass um a "oide Rechnung" gonga sei.
Ma sogt, dass da Wild Bill normalaweis imma mitn Ruckn zua Wond im Saloon gsessn si. A oanzigs Moi hod a a Ausnohm gmocht und des hod eam es Lebm kost.
Da Bill hod imma gonz longe Hoar ghobt. Ea hod dazua imma gsogt, dass a des mocht, um de Indiana z provozian, dass eam sei Skalp raubm woin.

Literatua

Dietmar Kügler: Sie starben in den Stiefeln. Motorbuch Verlag, Stuttgart 1976, ISBN 3-87943-415-8.
Bill O’Neal: Gunfighter. Eine Enzyklopädie aller Revolvermänner des Wilden Westens. Augschburg 1997, ISBN 3-8289-0415-7

Fuim

Fuim, de wo de Gschichtn und Legendn vom Wild Bill wiedagem:

1923: Wild Bill Hickok
1995: Wild Bill, Regie: Walter Hill (mit Jeff Bridges ois Wild Bill)
2004: Deadwood, Fernsehserie

Im Netz

Profile by Don Collier
Wild Bill Hickok collection at Nebraska State Historical Society
Today at High Noon: The First Showdown - Blog post on Hickok's first showdown.

Commons: Wild Bill Hickok – Oibum mit Buidl, Videos und Audiodateien