Bixnmocha

Aus Wikipedia

A Bixnmocha oda Bixenmacher[1] is oana, wo ois Kind a Deandl griagt hod. Streng gnumma sans nur de, wo bis do hi nur Deandl griagt hom, owa aa bei oa wo a aitas Kind a Bua is wead scho aa amoi Bixmocherei auf da Stroß ausgschriebn.

Zmoast wead des mit oana weißn Foarb aufd Stross gschriebn und/oda a Schuidl aufgestejt und dann wean no olle Blechbixn, wos grod gfunden hom, voas Haus hi gstejt, damit olle glei wissen, dass da a Bix kema is.

Stamma duad des aus da oidn Zeit, wo de Bauan Mannsbuida dringad zam Orwadn braucht hom und de Deandl blos zam Kocha und Woschn guad gnua worn. Do wor so a Bix a Valust und nocha hom de Nochbarn fia den oarma Hund mit da Blechbixn a Gejd gsammet.

Beleg[Werkeln | Am Gwëntext werkeln]

  1. Archivierte Kopie. Archiviert vom Original [1] am 19. Juli 2013; abgerufen am 21. Dezember 2013.