Blochan

A Blochanwogn (Planwagen)

A Blochan, aa Blochad oda Ploo (dt. Plane, engl. blanket, cover) is a Obdeckung mid ana Randvasteakung zan Festmocha.

Uaspringle worn de Blochan aus an grobn Leinduach, es gibt etzad aa Blochan aus Plastik. A jede grässane Folie ko heint Blochan gnennt wean.

Owendung

Blochan san wedafest, hoidn lang, san flexibe vawendbor und kina leicht wieda zammaglegt und glogad wean. Se kostn a vui wenga ois wia beispuisweis a festa Aufbau af an Wogn.

Se wean zua Befestigung sowia ois Sicht-, Regn-, und Sunnaschutz vawendt. Gnuzt weans ois Wognafbau, ois Doch ba Cabrios, ois Regnschutz af Baustejn, ois Wind- und Wedaschutz af Schinakln, fia Zejdt und Tipis, ois Markisn oda Sunnaschiam af Terrassn. Se wean aa ois Weabeblochan vawendt und so weida.

Es gibt ogsogde Designa, de wo damid Doschna mocha.

Galerie

• 
  A LKW mid Blochan
• 
  A riesige Weabeblochan
• 
  A Blochandoschn
• 
  A blochane Konzeatmuschl
• 
  A blochans Sunnasegl

Im Netz

• Die Blochan überm Blochanwoong (Mittelbayerische)