Boarisches Hauptstaatsarchiv
| Der Artikl is im Dialekt Obaboarisch gschriem worn. |
Des Boarisches Hauptstaatsarchiv, hochdeitsch Bayerisches Hauptstaatsarchiv is des greßte boarische Staatsarchiv und aufgrund vo da langa staatlichen Existenz vo Bayern aa oans vo de wichtigstn Archive in Eiropa. Ois Zentralarchiv umfassts Akten vom ehemaligen Herzogtum, am Kurfürstntum und am Kinireich wia aa vom heitigen Freistaat Bayern. Es wern de Unterlagen (z. B. Urkundn, Aktn, Kartn und Pläne) vo da Vawoitung vo de fias gesamte Staatsgebiet zuständigen Behörden und Eirichtunga vo Bayern vom Aufkemma vo da Schriftlichkeit in da Vawoitung bis heit aufbewahrt. Vorgängea war des Keniglich Boarische Allgemeine Reichsarchiv, des 1921 in Bayerisches Hauptstaatsarchiv umbenennt worn is.
Bestände
[Werkeln | Am Gwëntext werkeln]De Bestände vom Boarischen Hauptstaatsarchiv in da Schönfeldstraß 5-11 in Minga san zua Zeit üba 3,5 Millionen Archivalieneiheitn mit in ebba 47.000 lafade Meta (lfm). Sie umfassn im oanzeln:
- fia de Zeit vor 1800 283.000 Urkundn (3.500 lfm), 600.000 Aktn und Bände (12.700 lfm) und nach Metern net erfasste Selekten und Sammlunga von25.000 Kartn und Pläne sowia 220.000 Siegelreproduktiona und Woppnbuilda
- fia di Zeit nach 1800 5.300 Urkundn (90 lfm), 1.460.000 Aktn (27.800 lfm), 307.000 Kartn und Pläne, modernes Sammlungsguat (Plakate, Fluagblattl, Fotos, Buidl etc.) im Umfang von 441.000 Eiheitn (1.350 lfm) und Archivalien in Fuimform mit 150.000 Eiheitn.
Des Boarische Hauptstaatsarchiv gliedert si in de finf nachfolgendn Abteilunga
- Abt. I Oidare Bestände bis 1800
- Abt. II Neiane Bestände ab 1800
- Abt. III s Geheime Hausarchiv (Ludwigstr.14)
- Abt. IV s Kriagsarchiv (Leonrodstr. 57)
- Abt. V Nachläss und Sammlunga
Fia de ehemaligen Rentmeisterämta Minga und Burghausen und staatliche Mittel- und Unterbehörden sowia Grichte im Regierungsbeziak Obabayern is des benachbarte Staatsarchiv München zuaständig.
Fia weiterne boarische Staatsarchive schaug aa unta: Staatsarchiv Amberg, Staatsarchiv Augsburg, Staatsarchiv Bamberg, Staatsarchiv Coburg , Staatsarchiv Landshut, Staatsarchiv Nürnberg und Staatsarchiv Würzburg.