Bodwann

Bodwann (1650-1050 v. Chr.) z Kouklia, Zypern

A Bodwann isa dabauda Drog wo ma se neileng und woschn ko. Scho oiwei homse d Laid und Viecha, en Boch oda in an Dimbe bod kod. In da mykenischn Zeid, foa 3000 Jo ummanand, hodma af Zypern ogfangd Bodwanna zbaun. So hom a de Laid bon kinna, de koan Dimbe oda Boch kod hom.

Gschicht

Im Oidadum hods scho a hou ausbaude Bodkuitua gem kod. Owa de hom se aa grod de gäidign Laid dazoin kinna. Bod woan is dahoam in Wanna aus Ton oda in oi effadlichn Bodhaisa. Duad san dano afgmauade Wanna, und Woschzuawa gschdandn gwen. Im Middloita hod ma se haubdsechle in Hoizwoschzuawa bod kod. A wengl schbada san aa scho Hoizwanna afkemma gwen.

Im 17. bis ins 18 Johundad nei, iss mim Bon no goa gwen. D Laid hom no gmoand, das bam Bon d Haut hie wiad und a Grangheid, wiad Pest, Syphillis und Cholera fui leichda in Keapa neidrugga ko. Und weis dano rechd gschdunga hom, homsase eipuadad und pafimiad kod. Easchd im 19. Johundad hand haubdsechle Wissnschafdla, Dogdan und aroi Bolidka wida draafkemma gwen, das s Bon do ned so gfeale gwen is. Dano hodma nem Woschzuawa und Hoizbodwanna, aa oi Wanna aus Kubfa- und Weißblech und fo 1840 oo, oi aus feiavazinkdn Schdoiblech dabaud kod.

Heid wead bod

Scho domois hodma fias hoasse Wossa teiweis oi Bodefa kod. Koinbodefa hodma uma 1880 kennt kod und Gasheizunga diagad unta da Bodwann, umara 1890. Owa da Haubdtei fo da Befäikarung hodse des ned dakaffa kinnt und aa da Eidrid in de effadlichn Bodhaisa, hod ofd an dreifachn Doglon kosd kod.

Bis in de 1920 Jo nai hods dauad, bis da Louis Krauß sei Voiksbodwann baud kod hod und dano hom aa oi andan Laid dahoam Bon kinna.

Owa ned oisamd hom a Bodschdum kod domois, no is de Bodwann ofd ind Kuchl neidrong woan. No hodma am Ufa an groussn Dägl mid Wossa hoass gmochd kod und ind Wann gschitt. Und wai des fia mera Laid zlang dauad häd, hom oisamd im säibign Wossa bod kod. Omoi wida hod ma a Wossa no gschitt kod, wia hoid Laid gwen hand. De wo a Woschkuchl kod hom, homd Wann ofd duad afgschdäid kod, da Woschkessl is fäi gressa gwen, no hodma aa mera hoass wossa kod. Unds ausschittn fo da Bodwann isa leichda gwen, wei duad diagad a Ofluss gwen is.

• 
  Krauss Voiksbodwann
• 
  Kunsdschdiggl

Haizdogs hod boid a jäda a Bodschdum und Bodwann. Ob äiz a gloane, a grousse, a Eggbodwandl oda a Schdrudlbod. De Bodwanna fo domois hand in da heidign Zeid, grod no Kunsdschdiggl.

Im Netz

 Commons: Bodwanna – Sammlung vo Buidl, Videos und Audiodateien

Bodwann