Brenna tuat's guat

Aus Wikipedia
Zur Navigation springen Zur Suche springen

Brenna tuats guat is a Liad vom Hubert von Goisern aus'm Joar 2011 und is den Genres Neie Voiksmusi und am Rock zuazordna. Es is aufm Oibum EntwederUndOder vaeffentlicht woan und is sei easchta Numma-Oas-Hit in Östarreich. Außadem iss a sei easchta Hit in da deitschn Hitparadn mit Plotz 37.

Entstehung und Hintagrund[VE | Weakln]

Da Refrain vom Liad is wia aus oam Guuß entstondn, di Strophn san spaada dazuakemma. Da Hubert von Goisern vaorweitet in seim Liad laut da Franknpost sei Meinung zua Gia und Göd im Oigemoana. Ea kritisiad aa di Gschehniss in da Finanzwöd voa'm Hintagrund da Krisn ob 2007. An Toal vom Text widmet ea a am Bioethanoi, dea zu zehn Prozent aus Woaz bsteht und 2012 in Östarreich eigfiat wean soid. Ea weist drauf hii, dass da Woazn vabrennt wead, und dawein sea vüü Menschn vahungan. A weitas Thema in dem Liad san di Korruptionsskandai in da Politik.

„A jeder woaß, dass des Göd nit auf da Wiesen wochst und essen ko mas a nit, ober brenna tats guat […] wonn ma long so weiter hoazn, brennt da Huat.“

Hubert von Goisern: Brenna tuat’s guat

Iwasetzungsvasuach ins Hoachdeitsche im Webmagazin Hinter den Schlagzeilen vom Konstantin Wecker: “Jeder weiß, dass Geld nicht auf der Wiese wächst. Und essen kann man es auch nicht, aber es brennt gut. […] Wenn wir noch lange so weiterheizen, brennt der Hut.”[1]

As Liad woo z'nagst nua ois digitala Download vafigbor und is seit'm 11. Novemba 2011 ois CD-Single z'kriang. Am 14. Novemba 2011 is as Musikvideo easchtmois zoagg woan.

Rezeption[VE | Weakln]

In vüün Kritikn zum Oibum is as Liad bsunnas heavoakhoom woan. Da Josef Gasteiger vo laut.de hod as Liad ois "mitreißendn Poika-Rock" bezeichnet.[2] Da Stefan Franzen vo da Badischn Zeitung attestiad am "Mundart-Rap"-Song "punkige Qualitätn".[3] Di Kati Hofacker vo Monsters and Critics uatoalt: "Brenna tuats guat biatet an brondhoaßn Mix aus Rap, Rock und Oipnglian - im Woatsinn' - und klingt schwar noch Hit".[4]

In da drittn Plotziaringswochn (14. Oktoba 2011) hod as Liad easchtmois Plotz 1 in di östarreichischn Charts arreicht und hod si do finf Wochn hoitn kinna. Noch'm Liad wead di Tour vo 2012 vom Hubert von Goisern bekonnt.

Im Novemba 2011 is "Brenna tuats guat" ois easchte Single vom Hubert von Goisern in di deitschn Charts eigstiing und hod Plotz 37 arreicht. A poor deitsche Radiosenda spüün des Liad jedoch nid, weils a Gsööschoftskritik is.

Im Netz[VE | Weakln]

Beleg[VE | Weakln]

  1. Hubert von Goisern: Brenna tuats guat (Video) @ Hinter den Schlagzeilen, 28. Oktober 2011
  2. Review zu EntwederUndOder: Tom Waits in Lederhosen; laut.de, 2. September 2011
  3. Review zu EntwederUndOder: Ska mit Kuhglocke; Badische Zeitung, 23. August 2011
  4. Kati Hofacker: Hubert von Goisern: Entwederundoder -Auf dem Gipfel auf monstersandcritics.de vom 29. August 2011