Buach:Boarische Gstanzl: Hintagrund

Hintagrund

As Wort "Gstanzl" kimmt woascheinli ausm Italienischn, wo stanza oafoch Strophn hoasst.

Gstanzln gibts vor oim in Estreich und Bayern. Ois Schnodahipfe aa im alemannischn Sprochram. Zu de weida Vawandtn vom Gstanzl ghean aa de Limericks.

An Hauffa boarischa Liada san Gstanzlliada, de wo aus mearan Gstanzln zammagsetzt san. Oft wean de Strophn mit an Jodla obgschlossn.

A Beispui dafia is as Liad vom Boarischn Hiasl (Matthias Klostermayr). A kloana Auszug vo via Strophn:

I bin da Boarisch Hiasl
koa Kugl geht mar ei
drum fiacht i aa koan Jaga
und soits da Deifi sei

Im Woid drauss is mei Hoamat
Im Woid drauss is mei Lebm
Do schiass i Reh und Hirschal
Und Wuidschwein aa danebm.

Wos soi i mi aa fiachtn
mei Kugl trifft jo guat
und wann de Stroafn kemma
dees sogt ma zeascht mei Gmuat

Und wanns mi aa umringa
de dumma Eslkepf
segns mi, in boarisch Hiasl
so laffas glei, de Trepf.