Buskerud

Wappen	Karte
	Buskerud in Norwegen
Basisdaten
Land:	Norwegn
Vawoitungszentrum:	Drammen
Fläch:	14.910,96 km²
Eihwohna:	272.228 (1. Jenna 2014)
Dichtn:	18,3 Einwohner/km²
Gmoana:	21
ISO 3166-2	NO-06
Netzseitn:	Buskerud
Fylkesstein:	Drammensgranit
Politik
Fylkesordfører:	Tor Ottar Karlsen
Fylkesmann:	Fylkesfrau: Kirsti Kolle Grøndahl

Buskerud is a Provinz (Fylke) in Norwegn. Se hod a Gsomtfläch vo 14.911 km² (Londfläch 13.797 km²) und grenzt an de Provinzn Akershus, Oslo, Oppland, Sogn og Fjordane, Hordaland, Telemark und Vestfold. Des Vawoitungszentrum da Provinz is Drammen.

Woppn

Des Woppn vo Buskerud is im Aprü 1966 eastejt worn und zoagt an kobaltblaun Bärn auf am süwaforbena Hintagrund. In dem Fylke hom friaha grouße Bärnpopulationa glebt, doch seit de siebziga Joarn san de Bärn vaschwundn. Des Kobaltblau symbolisiat de Kobaltgwinnung und des Blauforbnwerk Modum. Da süwofarbene Hintagrund repräsentiat de Süwaminen in Kongsberg.

Geografie

Des Fylke eastreckt se vom Hemsedalsfjell und da Hardangervidda im Noadwestn bis zum Hurumland am Oslofjord im Sidostn. Grouße, paralleje Täla mid Fliss duachziang des Fylke; vo Sidwestn vom Numedal midm Numedalslågen, des Sigdal midm Simon, des Hallingdal midm Hallingdalselv undm Snarumselv, und des Ådal mid da Begna sowia dem Ådalselv, der in an Randselv mindt, midm Hønefoss undm Storelv, der in an Tyrifjord fliaßt, oan vo de greßtn Binnenseen vom Lond.

De Natua vom Fylke variiat seah stoak: ausdehnte Tiaflända wexln mid Gebiagsgengdn und groußn Wäjdan. 7 % vom Fylke lieng untahoib 150 m.ü.M., 41 % lieng auf 900 m.ü.M. und hächa. Da Küstnstreifn im Sidostn liegt am Drammens- undm Oslofjord. Oanige Gebiagszüge eareichn 1000 m.ü.M.

Tei vom 1981 grindtn Hardangervidda-Nationalparks lieng im Fylke Buskerud, in de Kommunen Hol und Nore og Uvdal.

Traditionej werd des Fylke in via Londschoftn untateit. Es san dies: Eiker, Ringerike, Numedal und Hallingdal.

Gschicht

Im Gebiet vom ehemolign Eiker bfindn se de Siedlunga Nedre Eiker und Øvre Eiker, wo Zivilisationsnochweise ausm 8. Joartausnd v. Kr. gfundn worn san.

Gmoana

(Eihwohna am 1. Jenna 2014)

1 Drammen (66.214) 2 Flesberg (2.683) 3 Flå (1.033) 4 Gol (4.631) 5 Hemsedal (2.295) 6 Hol (4.452) 7 Hole (6.595) 8 Hurum (9.330) 9 Kongsberg (26.406) 10 Krødsherad (2.265) 11 Lier (25.175) 12 Modum (13.581) 13 Nedre Eiker (23.811) 14 Nes (3.445) 15 Nore og Uvdal (2.557) 16 Ringerike (29.624) 17 Rollag (1.369) 18 Røyken (20.621) 19 Sigdal (3.509) 20 Øvre Eiker (17.919) 21 Ål (4.713)

Im Netz

 Commons: Buskerud – Sammlung vo Buidl, Videos und Audiodateien

60.299.19