Butz

Aus Wikipedia
Wexln zua: Navigation, Suach
Der Artikl is im Dialekt Obaboarisch (Oiing) gschrim worn.

An Butz, Putz oda Buz kennt ma im ganzn siddeitschn Sprochraum (Siddeitschland, Eschdareich, Sidtirol, Schweiz[1]) vor oim aus Sogn odar aa aus Gschichtn fia Kinda. Haitzdog san de Gschichtn und Sogn und domid aa da Nama oft scho in Vagessnheit grodn. Vui Leit kennan grod no des luschtige Kindaliadl iwan Bi-ba Butzemann. Bsunders vui Sogn gibts awa a haint no im Pinzgauer Raum [2]. Da Buz werd in de Gschichtn ois a kloans koboitartigs Mandal, ois Poitageist odar a ois groaße schiache Schreckgstoit bschrim. Hinta am Butz soi a Soi stecka de no ned dalest is und de Leit daschreckt und tratzt. Oft hod ma de Gschichtn aa Kinda vazoit um eana a bissal Angst z'macha, daß' auf'd Nocht friara hoamkemman. Z.B. hot ma de Kinda gsogt, daß bis zum Gebetlaitn dahoam sei miassn weis sischt vom Betlaitbuz midgnumma wern und wanns da Betlaitbuz ned mdgnumma hod, na kimmt bei da Nocht da Dunklbuz und daats gwiiß mdnehma. As Wort Buz is scho recht oid und kennt ma aa im Mittlhoachdeitschn ois Butze [3].

Sognbeispui ausm Pinzgau[VE | Weakln]

Beleg[VE | Weakln]

  1. Schweizerischen Idiotikon, Bd. 4, Sp. 2003ff.
  2. Butz im Pinzgau
  3. Mittlhoachdeitsch Wertabuach: Butze