Carmen ad deum

Im Glosda Teganse is des Carmen ad deum um s'Joa 920 gschrim woan

S´Carmen ad deum (Lodainisch fia: Gedicht/Liad aun'dn Heagod) is a kristlichs Gedichtl, wos umara um s'Joa 920 noch Grisdus im Glosda fu Teganse aufgschrim woan is. Es is in Raimfoam und zwoaschbrochig Lodain und Oid-Boarisch, woduachs a wichdige Beleg is, mid deara iara Hüf de Schbrochwissnschoft de gauns oide Foam fu da boarische Schbroch entzifan kina hod.

S'Manuskript

Fum Inhoit hea is des Carmen ad deum a Lobliad auf'n kristlichn Heagod in da Foam fu ana Oat magischn Beschwöarung. Duach des Motiv fu am bschuzendn Schüd, schdöd si dea, dea wos des Gedichtl bet untan Schuz fum Heagod und hoft drauf, das a eam hüft.

Schbrochlich is da Text auf da oan Seitn in am zimlich klassischn Lodain gschrim, mid einige grichische Weata drin. Da boarische Tei is auf da aundan Sait a weng hoiprig und maunche Foascha song sogoa, das im domolign Schreiwa a boa Iwasezungsfela bassiad san. Woaschainli woas eam owa wichdiga, das si da Text raimt und umara in söbn Sin eagibt ois wia im lodainische Oaginal und ned das a des umbedingt oans zu oans wöatlich iwasezn woit.

Da Baesecke Georg hod de Famutung aufgschdöd, das des Gedichtl filaicht uaschbringli fu am anglsegsischn Text schdaumt, den de schotischn Mönch bai da Missioniarung midbrocht haum. Es gibt nemli Enlichkaidn mid Gedichtl de im Umkrais fum Heiling Aldhelm aus Englaund entschdaundn san. De oidenglischn Gedichtl han owa söwa wida schdoak fu friane iarische Text beainflust, wiaso da gauns friaste Uaschbrung a in Ialaund sei kau. Auf Grund fum schbrochlichn Befund hod da Baesecke in seim Buach fu 1948 a de Famutung aufgschdöd, das da Text zwischn 796 und 802 auf da Insl Reichenau im Bonse ins Alemanische iwasezt woan sei kant und eascht schbeda daun ins Boarische. Ea moand sogoa, das zeascht in Fraising a easchde Iwasezung gmocht woan sei muas, de daun de Foalog fia des iwalifate Manuskript aus Teganse woa. Des is owa Schbekulazion.

Des Manuskript fu dem Tegansea Gedichtl ligt heit in da Mingara Schdodsbibliodek und is Tei fum Codex Clm 19410. Des Manuskript fum Carmen ad deum is doat auf de Seitn 39 bis 41 zan findn. Da Titl "Carmen ad deum" is übrigens a neizaitliche Eafindung fu de Geamanistn. Aundane Beleg nenan des Liad a "Sancte sator" noch da easchdn Zailn.

Oaginaldext

Carmen ad deum lodainischa Tei

Carmen ad deum oidboarischa Tei

Sancte sator suffragator legum lator largus dator iure pollens es qui potens nunc in ethra firma petra a quo creta cuncta freta quae aplaustra uerrunt flostra quando celox currit uelox cuius numen creuit lumen simul solum supra celum prece posco prout nosco caeliarche christe parce et piacla dira iacla trude tetra tua cetra quae capesso et facesso in hoc sexu carnis nexu christi umbo meo lumbo sit ut atro cedat latro pater parma procul arma arce hostis uti costis immo corde sine sorde tunc de-inceps trux et anceps catapulta cedat multa alma tutrix atque nutrix fulci manus me ut sanus corde reo prout queo christo theo qui est leo dicam deo grates geo sicque ab eo me beo.

uuiho fater helfari eono sprehho milter kepo pi rehte uuahsanti du pist der mahtigo nu in himile fester stein fana demo kemahhot sint alle uuagi de fana skeffe forrent plomun denne cheol laufit sniumo des maht kascof leoht saman erda opa himile petono pittiu soso ih chan himiles nolle christ porge frido vel spare enti meintati ungahiure scozila skurgi de suuarzun mit dinu skiltu dei fornimu enti gatom in desemo heite fleisc kapuntan christes rantbouc minera lancha si datz der suarzo kilide murdreo fater skilt rumo uuaffan nolle fiantes pruuhhan rippeo noh mer hercin ano unsupari denne frammort ungahiuri enti zuifoli allaz sper snidit managiu uuihu skirmari enti fotareidi stiuri hant daz mih heilan sculdigemo herzin soso ih mac christe cote der ist leo ih quidu cote dancha toon so fana imo mih fana imo

Beleg

• Marburger Repertorium - Handschriftencensus: München, Staatsbibl., Clm 19410
• Baesecke, Georg: Das lateinisch-althochdeutsche Reimgebet (Carmen ad Deum) und das Rätsel vom Vogel federlos. Probleme der Wissenschaft in Vergangenheit und Gegenwart, Band 1. Mit drei Bildtafeln. Berlin, Wiss. Editionsgesellschaft mbH 1948. 81 S.
• Sonderegger, Stefan: Althochdeutsche Sprache und Literatur - eine Einführung in das älteste Deutsch, Darstellung und Grammatik; Berlin: de Gruyter, 1987, 287 S., ISBN 3-11-009675-7
• Hellgardt, von Ernst: Das Lateinisch-Althochdeutsche Reimgebet 'Sancte Sator' (Sog. 'Carmen AD Deum') Theodor Von Tarsus / Canterbury Zugeschrieben; Zeitschrift fuer deutsches Altertum und Literatur, Volume 137, Number 1, january 2008 , pp. 1–27(27)