Ceratopsidae

Der Artikl is im Dialekt Hausrukfiatlarisch gschriem worn.

Ceratopsidae

Lebendrekonschdrukzion fu am Triceratops

Zeidraum

Obere Kreide

80 bis 65 Mio. Jor

Fundort

westl. Nordamerika

Systematik

	Vogelbeckensaurier (Ornithischia)
	Cerapoda
	Marginocephalia
	Ceratopsia
	Neoceratopsia
	Ceratopsidae

Wissnschoftlicha Nama

Ceratopsidae

Marsh, 1890

D'Ceratopsidae han a Grupm fu Dinosauria de Heandl oft auf da Nosn oda üwa de Augn ghobt haum und a Schüdl im Gnak. Da bekauntasde Fadreta fu deara Grupm is da Triceratops, oiso dea mid drai Heandl.

D'Ceratopsidae han auf ole fia Haxn gaunga und haum Grẽazaig gfressn. Se woan zwischn 4 und 8 Meta laung und haum a boa Dausnd Kilo auf d'Wog brocht. Ma glaubt heit, dass si se mid eanare Heandl ned geng iagendwöche Raubsauria fataidigt haum, sondan das da Zwek fu de Heandl mea fian Mochtkaumbf untaranaunda woa, oiso wauns drum gaunga is wea si foatblaunzn deaf und wea a gressas Revia hod und so. Zu da Foatbflaunzung söwa woas ma eigentli recht weng, ma moand dass Oa glegt haum, owa auf da aundan Sait hod ma koane aindeiting archeologischn Fund gmocht, de des bewaisn dadn.

Eanare Beknboana schaun so aus wia de fu de Fegi und desweng gheans zu da Grupn fu de Fogibeknsauria (Ornithischia). Eanare Rivaln unta de Dinosauria woa de Grupm fu de Tyrannosauridae. Se haum neta am End fu da Kreide-Zeid glebt und zwoa doatn wo heit s'westliche Noadamearika is. Auf aundane Kontinent hods de ned gem. Foa umara 66 Milionen Joa haums wia olle aundan Dinosauria (aussa de Fögen) in Löffi ogem und han ausgschdoam. Gfundn hod ma blos nu eanare faschdoanatn Boana und ois wos ma iwa se woas, woas ma fu da Analüsn fu de Fossilien.

Untagrupm[Werkeln | Am Gwëntext werkeln]

D'Ceratopsidae söwa dailn si wida auf in zwoa Untagrupm, nemli de Centrosaurinae und de Chasmosaurinae. De Centrosaurinae haum moasdns a lengas Nosnheandl ghobt, dafia kiazare oda goa koane Heandl iwa de Aung und a a kleanas Gnakschüdl. Noch da aktueln wissnschoftlichn Leamainung (Dodson et al., 2004, S. 494) daild ma de gaunze Grupm wia foigt ai:

Ceratopsidae
- Centrosaurinae
  - Achelousaurus
  - Albertaceratops
  - Avaceratops
  - Brachyceratops ?
  - Centrosaurus
  - Einiosaurus
  - Monoclonius ?
  - Pachyrhinosaurus
  - Styracosaurus
- Chasmosaurinae
  - Agujaceratops
  - Anchiceratops
  - Arrhinoceratops
  - Chasmosaurus
  - Diceratus (früher Diceratops)
  - Eotriceratops
  - Pentaceratops
  - Torosaurus
  - Triceratops
- Nomina dubia
  - Agathaumas
  - Ceratops
  - Dysganus
  - Notoceratops
  - Polyonax
  - Ugrosaurus