Code-Switching

Aus Wikipedia
Der Artikl is im Dialekt Owaöstareichisch gschriem worn.

Code-Switching sogt ma dazua, waun wea bain ren fu oana Schbroch zu da aundan hin- und hea hupft oda a fu oam Dialekt zum aundan. Dea englische Begrif kimt aus da Diglossi-Foaschung, wo s Gredad fu de Leit in zwoa- oda measchbrochige Gsöschoftn untasuacht wiad. Code-Switching kau obsichtli oda unobsichtli gmocht wean, es kau sei das in oam Text hin und hea gschbrunga wiad, oda sogoa in am Soz oda sogoa in oam zaumgseztn Woat. In da Foaschung wiad Code-Switching heit ois gauns noamals Fenomen gseng, waun zwoa oda mea Schbrochn oda a Dialekt zaum keman und fu ana Grupn fu Leit gret und faschdaundn wean.