Crosby, Stills and Nash

Aus Wikipedia
Crosby, Stills and Nash
Crosby, Stills & Nash ba an Konzeat im Juli 2010 (v.l. Stephen Stills, Graham Nash, David Crosby)
Crosby, Stills & Nash ba an Konzeat im Juli 2010 (v.l. Stephen Stills, Graham Nash, David Crosby)
Crosby, Stills & Nash ba an Konzeat im Juli 2010 (v.l. Stephen Stills, Graham Nash, David Crosby)
Oigmoans
Richtung Folk Rock
Grindung 1968
Auflesung 1971
Neigrindung 1974
Hoamseitn http://www.crosbystillsnash.com/
http://www.csny.com/
Grindungsmitglieda
David Crosby
Gsang, Gitarre
Stephen Stills
Gsang, Gitarre
Graham Nash
Aktuelle Bsetzung
Gsang, Gitarre
David Crosby
Gsang, Gitarre
Stephen Stills
Gsang, Gitarre
Graham Nash
Gsang, Gitarre
Neil Young

Crosby, Stills and Nash (okiazt aa CSN oda CSNY – fia Crosby, Stills, Nash and Young) isa Rockgruppm de moast an Foikrock schbuin, de Midgliada san David Crosby, Stephen Stills, Graham Nash und manchmoi a da Neil Young. De Band guit ois oane da eiflußreichstn Gruppm da Rockgschicht. Measchdimmige Gsangsharmonian und bolitische Texte san era Marknzeichn.[1]

Bandgschicht[Werkeln | Am Gwëntext werkeln]

Crosby, Stills, Nash & Young is a Supergroup, des hoast das de Bandmidgliada scho in andare Bands eafoigreich gwen san. Da David Crosby ba The Byrds, Graham Nash ba The Hollies und da Stephen Stills ba Buffalo Springfield wia a da Neil Young. 1968 hom CSN im Heisl vo da „Mama“ Cass Elliot schbondan midanand gsunga und no homs bschlossn a Band afzmocha. Glei s easchde Oibum Crosby, Stills & Nash, vo 1969 isa groußa Eafoig gwen. Es hod an sexdn Blodz vo de US-LP-Charts gmochd und mid Liadln wia Wooden Ships homs s Lemsgfui vo vui Amerikana in da Zeid voum Vietnamkriag droffa. 1970 sans fia des Oibum no mim Grammy ois besde neie Kinstla auszeichnad woan. Wei da Stephen Stills im Studio fast olle Inschdrumente säim gschbuid hod, hod CSN no Huif fia oi Live- Afdrid brauchd.

Ois Schlogzeiga homs an Dallas Taylor gnumma, ois Bassistn an Greg Reeves, dea Sessionmusika ba Motown gwen is. Ois fiats Schdamm-Midgliad is no da Neil Young dazua kumma. Da zwoate Liveafdrid in dea Bsezung is am Woodstock-Festival gwen. 1970 is s Oibum Déjà Vu kumma, s easchde vo drei afanandfoigandn Oim de an easchdn Blodz in de Charts gmochd hom und CSNY za oane da wäidweid bekanndasdn Band kadabuidiat hom. Da drei bis fiaschdimmige Satzgsang, de Liadlschreiba-Kwaledädn vo olle Midgliada und de zwoa iwaronga Lead-Gitarristn Stephen Stills und Neil Young[2] hom wesndle zan Eafoig da Band beidrong.

Nodäm owei wida undarananda gschdrittn woan is, homsase 1971 drennd. Kuaz dano is s Live-Doppe Oibum 4 Way Street afn Moakt kumma und hod wida an easchdn Blodz gmochd. A jeda hod se etz af sei Solo-Karriea konzendriad. Am eafoigreichsdn is da Stephen Stills mid seim gleinamadn Debüoibum gwen, a 3.Blodz in de Charts. Da Neil Young hod mid After the Gold Rush, an 8.Blodz gmochd. De Oim vo Graham Nash Songs For Beginners, Blodz 15 und da David Crosby mid If I Could Only Remember My Name..., Blodz 12 hom schlächda ogschniddn, owa de zwoa hom ois Duo ab 1972 ois Crosby & Nash (CN) an groußn Eafoig kobt.

Crosby, Stills and Nash, Konzeat im August 1974 (v.l. Stephen Stills, David Crosby, Graham Nash)
CSN, Afdrid im Georg-Melches-Stadion am 17. Juni 1983

1974 hod se de Gruppm fia a intanationale Schdadiontouanee droffa, ma woit ara neis Oibum mocha. Owa weis wida Diffarenzn gem hod, hod era Blattnlabel Atlantic Records s Oibum So Far afn Moakt gschmissn, a Kompilation vo schomoi vaeffadlichda CSNY- Liadl, wos drozdäm an 1.Blodz in de Charts gmochd hod. A de Touanee isa komaziella Eafoig gwen. Dano san wida Solo- Oim voum Young und Stills und zwoa vo CN aussa kumma. 1976 isa da dritte Olaaf fiara neis CSNY-Oibum gscheidad. Se hom scho ogfangd kobt, owa da Crosby und da Nash hom no andare vadrogliche Vabflichdunga eihoitn und afhean miassn. Da Stills und da Young hom kuazahand ois scho Gsungane voum Crosby und Nash gleschd und hom des Oibum Long May You Run ois The Stills-Young Band aussa brochd.

1977 homse da Crosby, Nash und da Stills wida zamdo und s Oibum CSN, Blodz 2 in de US -Charts eigschbuid, 1982 is Daylight Again, gfoigt. Da David Crosby hod no grouße Drongbrobleme griagt und ba CSN- Touaneen hom da Stills und da Nash de Haubdlasd drong miassn.1985 hom CSN und a da Neil Young bam Live Aid-Konzeat z Philadelphia; znexd unabhenge voanand gschbuid und dano s easchde Moi seid 1974 wida midanand.

1988 hod de Band wida a Oibum mim Neil Young eigschbuid, American Dream, Blodz 16 da LP-Charts und no lengan Duaschdschdreckn vo olle fia Bandmidgliada, wida a Eafoig. 1990 is Live It Up (CSN) und 1994 After the Storm (CSN), gfoigt, de ned so eafoigreich gwen san.1999 is s Oibum Looking Forward kumma, des in Deitschland eafoigreich gwen is. 2004 isa neis Doppeoibum vo Crosby & Nash und a Konzeat vo 1982 af DVD easchiena.

Crosby, Stills, Nash and Young, Konzeat da „Freedom of Speech“-Tour, 2006 (v.l. Graham Nash, Stephen Stills, Neil Young und David Crosby)

1997 sans ind Rock and Roll Hall of Fame kumma.[3] Seid 2010 san olle Midgliada zwoamoi in da Hall of Fame drin. Da Stills is no mid Buffalo Springfield 1997, Crosby mid de Byrds 1991, Nash mid de Hollies 2010, da Young Solo 1995 und mid Buffalo Springfield 1997, owa ea ned mid CSN. Mid da Grindung da Vocal Group Hall of Fame 1998 'san CSN - wida one Young - a do drin.[4] Olle fiare san ano Midgliada da Songwriters Hall of Fame.

CSN(Y) san bekannt fia ere bolidischn Texde (z. B. Wooden Ships, Ohio, Find The Cost of Freedom, War Games) und eran Brotest gegan Vietnamkriag, wos wesntle za ira Pobularitäd in de 60a und 70a Joa beidrong hod.1989, wia d Maua gfoin is, san da Crosby, Stills und Nash schbondan no Berlin gflong und hom am 20. Novemba am Brandnbuaga Toa a Konzeat gem.[5] 2006 sans af Freedom of Speech-Tour ganga, um gengan Irakkriag z brotestian.

Diskografia[Werkeln | Am Gwëntext werkeln]

Studiooim[Werkeln | Am Gwëntext werkeln]

  • 1969: Crosby, Stills & Nash
  • 1970: Déjà Vu (CSNY)
  • 1977: CSN
  • 1982: Daylight Again
  • 1988: American Dream (CSNY)
  • 1990: Live It Up
  • 1994: After The Storm
  • 1999: Looking Forward (CSNY)
  • 2009: Demos

Live-Oim[Werkeln | Am Gwëntext werkeln]

  • 1971: 4 Way Street (CSNY, Aufnahmen der Tour von 1970)
  • 1983: Allies (überwiegend Aufnahmen der Tourneen von 1977 und 1982, zwei Studio-Aufnahmen)
  • 2007: Live in L.A. (Aufnahmen eines Konzerts von 1982)
  • 2008: Déjà Vu/Live (CSNY, Aufnahmen der "Freedom of Speech"-Tour 2006)
  • 2012: CSN 2012 (CD + DVD, Aufnahmen eines Konzerts im April 2012)

Kompilationen[Werkeln | Am Gwëntext werkeln]

  • 1974: So Far (CSNY)
  • 1980: Replay
  • 1991: CSN (4-CD-Box Set mit zahlreichen unveröffentlichten Aufnahmen)
  • 1998: Carry On (2-CD-Kompilation des CSN-Box Sets)
  • 2005: The Greatest Hits

Singles[Werkeln | Am Gwëntext werkeln]

  • Marrakesh Express (1969, CSN, US-Charts # 28)
  • Suite: Judy Blue Eyes (1969, CSN, US-Charts # 21)
  • Woodstock (1970, CSNY, US-Charts # 11)
  • Teach Your Children (1970, CSNY, US-Charts # 16)
  • Ohio (1970, CSNY, US-Charts # 14)
  • Our House (1970, CSNY, US-Charts # 30)
  • Just a Song Before I Go (1977, CSN, US-Charts # 7)
  • Fair Game (1977, CSN, US-Charts # 43)
  • Wasted on the Way (1982, CSN, US-Charts # 9)
  • Southern Cross (1982, CSN, US-Charts # 18)
  • Too Much Love to Hide (1982, CSN, US-Charts # 69)
  • War Games (1983, CSN, US-Charts # 43)
  • American Dream (1988, CSNY)
  • Night Time for the Generals (1988, CSNY)
  • Got it made (1989, CSNY, US-Charts # 69)
  • This Old House (1989, CSNY)
  • That Girl (1989, CSNY)
  • Chippin' away (1990, CSN, Vorgestellt im RBB - damals B1/SFB - zur Öffnung der Mauer in Berlin)
  • Live It Up (1990, CSN)
  • No Tears Left (1999, CSNY)

Beleg[Werkeln | Am Gwëntext werkeln]

  1. Vgl. Frank und Ingrid Laufenberg: Frank Laufenbergs Hit-Lexikon des Rock und Pop; Berlin: Ullstein, 2007; S. 488.
  2. Beide wurden unter die "100 besten Gitarristen aller Zeiten gewählt", Stills auf Platz 28, Young auf 83. Archivierte Kopie (Memento des Originals [1] vom 7. Mäerz 2010 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.rollingstone.com
  3. Rock and Roll Hall of Fame (Memento des Originals [2] vom 17. Jénner 2010 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.rockhall.com Crosby, Stills and Nash in der Rock and Roll Hall of Fame.
  4. Porträt der Gruppe auf der Homepage www.vghf.org
  5. Was heißt hier modern?, Spiegel-Interview mit David Crosby, Stephen Stills und Neil Young 1999 auf www.spiegelonline.de [3]

Im Netz[Werkeln | Am Gwëntext werkeln]