Dàchlhea
| Dàchlhea | ||||||||||
|---|---|---|---|---|---|---|---|---|---|---|
Blaukappnhea (Cyanolyca cucullata) in Costa Rica | ||||||||||
| Systematik | ||||||||||
| ||||||||||
| Wissnschoftlicha Nama | ||||||||||
| Cyanolyca | ||||||||||
| Cabanis, 1851 |
De Dàchlhea (Cyanolyca, Dohlenhäher) san a Gottung vo de Romfegl (Corvidae). De san rechd gloane Oatn vu dera Famij (zwischn 20 und 34 cm Keapagreßn) und olle hams an blaus Gfieda und a schwoaze Maskn im Gsicht. Insgsamt hod de Gottung nein Oatn, fu dene finf in Mittl- und vier in Südamerika lem. S habitat vu die Dàchlhea bsteht aus feichte Bergwöida mid vui Aufsitzerpflonzn. Iba de Lemsweise vu dene Fegl woas ma ned fui, außa dass gean Insektn fressn, dass ned bsonders sozial vaanlogt san und dass eana Eier nua vom Weiwal bebriat wean.
Aafgstellt hod de Gottung da Jean Louis Cabanis im Joa 1851. Dàchlhea hod as wahrscheins gnannt wois a bissl ausschaung wiara Dàchl und Cyanolyca weil des griachisch „blaue Dàchl“ hoaßt. De Dàchlhea ghean zu de Neiwelthea, des is a Gruppn vu Romfegl-Gottunga, de wo nua in Amerika voakemma. Im Vagleich mit de andern Neiwelthea (zum Beispü de Blaurom (Cyanocorax) oda de Buschhea (Aphelocoma)) sans eher uaspringlich. Innerhoib vu dera Gottung gibts zwoa Entwicklungslinien, aane mid kloane Hea aus Mittlamerika und aane mit gresserne Hea, de aus Südamerika kemma. Weil da Mensch imma mea vu erna Lemsraum zasteat, nimmt da Bstand vu einige Oatn ob. Desweng san da Zweaghea (C. nanus) und da Weißgurglhea (C. mirabilis) bedroht.
Zu dera Gottung ghern de foigndn Oatn (de oban finf und de untan via san jeweils am nächstn fawont midanaund):
- Blaugurglhea (C. viridicyanus) – Mittlere Andn
- Tüakishea (C. turcosa) – Neadliche Andn
- Hoisbandhea (C. armillata) – Neadliche Andn
- Prachthea (C. pulchra) – Neadliche Andn
- Blaukappnhea (C. cucullata) – Mittlamerika
- Zweaghea (C. nanus) – südlichs Mexiko
- Weißgurglhea (C. mirabilis) – südlichs Mexiko
- Schwoazgurglhea (C. pumilo) – Mittlamerika
- Suibahea – (C. agentigula) – Costa Rica und Panama
Beleg
[Werkeln | Am Gwëntext werkeln]- Elisa Bonaccorso, A. Townsend Peterson: A Multilocus Phylogeny of New World Jay Genera. In: Molecular Phylogenetics and Evolution 42, 2007. S. 467–476.
- Elisa Bonaccorso: Historical biogeography and speciation in the Neotropical highlands: Molecular Phylogenetics of the Jay Genus Cyanolyuma In: Molecular Phylogenetics and Evolution 50, 2009. S. 618–632.
- Jean Louis Cabanis: Museum Heineanum: Verzeichniss der ornithologischen Sammlung des Oberamtmann Ferdinand Heine, auf Gut St. Burchard vor Halberstadt. I. Theil, die Singvögel enthaltend. R. Frantz, Halberstadt 1850–1851. (Volltext)
- Joseph del Hoyo, Andrew Elliot, David Christie (Hrsg.): Handbook of the Birds of the World. Volume 14: Bush-shrikes To Old World Sparrows. Lynx Edicions, Barcelona 2009. ISBN 978-84-96553-50-7.