Quöntext voh da Seiten Der Flüchtling auhschauh

{{Dialekt-oben|Ostmittlboarisch|Weanarisch}}
<!-- Achtung: olle Schreibweis'n entsprech'n in Theatazedl und denan Origenäulschrift'n!-->
{{Infobox Drama
|T = Der Flüchtling
|OT = 
|Gattung = Volksstück mit Gesang
|OS = Deutsch
|Autor = Bearbeiter: Vinzenz Chiavacci, Ludwig Ganghofer
|LitVorl = [[Der alte Mann mit der jungen Frau]] vom [[Johann Nestroy]]
|Mus = 
|EJahr = [[1890]]
|UA = 24. Oktober 1890
|UAort = Deutsches Volkstheater in [[Wean]]
|OrtZeit = 
|Pers =
kein Theaterzettel überliefert, siehe Nestroys Originalstück
}}

'''Der Flüchtling''' is a Beoawatung vom [[Johann Nestroy]] sein Stückl '''''[[Der alte Mann mit der jungen Frau]]''''' von 1849, des wås vom Dichta net zua'r Auffüahrung freigeb'n wua'n is. De Beoawata woa'n da [[Vinzenz Chiavacci]] und da [[Ludwig Ganghofer]], de easchte Auffüahrung håt aum 24.&nbsp;Oktoba [[1890]] im Deutschen Volkstheater in [[Wean]] ståttg'fund'n.

== Inhoit ==
Zum Untaschied vom Nestroy sein Origenäu spüit des Stückl net im nachrevoluteonäa'n<ref>schaug bei [https://de.wikipedia.org/wiki/Wiener_Oktoberaufstand_1848 Wiener Oktoberaufstand 1848]</ref> Wean von 1850, sundan zua Zeit von da französesch'n Invaseaun<ref>schaug bei [https://de.wikipedia.org/wiki/Fünfter_Koalitionskrieg#Hauptkriegsschauplatz Fünfter_Koalitionskrieg#Hauptkriegsschauplatz]</ref> im Joahr 1809. De Peasaunan bleib'n dabei im groß'n und gaunz'n desöib'n, aa de zwaa neb'nanaunda g'schriebanan Haundlungan, de nua lose mitanaunda vabund'n san, wea'n ois wia beim Nestroy doag'stoit.

De Therese, de Gattin vom Gutsbesitza Anton Frankner, wiad von an französesch'n Offezia bedrängt. Da Anton, dea wo de Sittsaumkeit von seina Frau kräftich vateidicht, muass deshoib flücht'n, wiad g'faunga g'numma, kaunn owa no amoi auskumma. In Anton sei Besitz wiad enteign't, sei Frau und sei Muada wea'n davaug'jauckt. Da reiche Theodor Kern kümmat si um de zwaa hüiflos'n Frau'n und stöit de Therese ois Dienarin füa sei Gattin au, damit megliche Vafoiga täuscht wea'n. Aa den davaug'rennt'n Anton vasteckt a mit da Hüif' vom Wiat'n Holler auf ana Oim.

De Ehe vom Kern mit seina vüi jünga'n Gattin Regine is net gaunz ohne Problem': De Regine liabt zwoa'r iah'n Gatt'n, lasst si owa'r aus Laungweui und auf's Auråt'n von iahra dumman und stoiz'n Muada, da Frau Strunk, auf a G'spusi mit'n Baraun Rehfeld ei. Da Diena Gabriel varråt in Kern de G'schicht und trotz an offanan G'spräch mit seina Frau bleibt da Kern misstrauisch.

Bei'm Treff'n von da Therese und vom Anton auf da Oim, des wås da Kern arrauntschiat håt, suagt de Gräfin Steinheim, in Rehberg sei Schwesta, dafüa, dass si de Regine und iah Bruada duat'n aa begegnan. De Regine weist in Rehfeld seine Aunäharungsvasuach entschied'n z'ruck, da Kern kummt dazwisch'n und stöit den Vafüahra zua Red', owa dea zeigt se in dera Situateaun ois unhamlicha Feigling. De Therese håt des G'spusi scho laung bereut, owa wia's siacht, wia da Kern freindli mit da Therese umgeht – se håt jå ka Auhnung von dera Vasteckarei von de Flüchtling' – wiad's eifasüchtich. Owa gråd drum wiad da Kern von iahra Zuaneigung zu eahm iwazeicht. Auf de Oat wea'n olle zwaa Haundlungan zum Guat'n draht: Da Kern und de Regine find'n wieda z'saumm und da Auszug von de Franzos'n aus Wean måcht's meglich, dass da Anton wiedarum zu seina Therese z'ruckkumma kaunn, de wo inzwisch'n Muada von sein Buam wuad'n is.

== Weaksg'schicht' ==
Da Vinzenz Chiavacci (1847–1916) und da Ludwig Ganghofer (1855–1920) woa'n de (Wieda-)Entdecka vom Nestroy sein valua'n glaubt'n Stückl ''Der alte Mann mit der jungen Frau'' und se hau'm beschloss'n, dass as auf de Bühne bringan wea'n. A kräftiche Üwaoawatung is eahna notwendich vuakumma, weu de Zensua des Origenäu aa 1890 no imma net akzeptiat hättat. Außadem woit'n's des Weak in Richtung von an Voiksstückl mit G'saung „vabessan“ – wås eahna ziemli misslungan is – damit's daduach bessare Einauhman måch'n kennan. Mit de Eab'n vom Nestroy, de vom uasprünglich'n Stückl eb'nfois kan finanzeö'n Eafoig meah'r eawoat'n hau'm diaf'n, weu de Reg'lschutzfrist<ref>de Reg'lschutzfrist is im Uahebarecht de übliche Schutzdaua von an Werk' nåch'n Tod vom Schöpfa</ref> woa'r ohg'rennt, hau'm's an Vatråg mit ana Gewinnbeteulichung ohg'schloss'n.<ref name="LG">Vatråg und Briaf in da Handschriftensammlung der Wienbibliothek im Rathaus, Signatur I.N.&nbsp;138.746</ref>. Je a Dritt'l von de Einnauman soittat aun de Eabn, aun an Chiavacci und aun an Ganghofer geh'n, owa trotz dera eideutich'n Regelung hat's bei da Aufteulung beinåh an Zivüprozess geb'n.

Da Zensuabericht füa des Weak mit ana ausfüahlich'n Inhoitsaugåb' is aum 3.&nbsp;März 1890 von da k.k. (kaisalich und keniglich'n) Polizeidirekteaun Wean aun's k.k.&nbsp;Niedaöstareichische Ståtthoiterei-Präsidium ois zuaständiche Behöard'n g'schickt wua'n und håt nua weniche klane Streichungan ausg'lest.<ref>Niederösterreichisches Landesarchiv, Signatur: Deutsches Volkstheater 1890 523/14; 36, 36a; Zensurakt 1561&nbsp;H, 1890.</ref> Aum 16.&nbsp;März is daunn da eb'nfois posetive Ealåss von da Ståtthoiterei eafoigt.

Damit da Publekumseafoig sicha g'stöit wiad, is de Beoawatung net mit'n Vameak ''„nach Nestroy“'', sundan ''„von Nestroy“'' präsentieat wua'n. Trotzdem is des Stückl scho nåch 13&nbsp;Vuastöllungan ohg'setzt wua'n, und a zweite (net sicha belegte) Inszeniarung in [[Linz]] woa'r aa ka Eafoig. Da Ganghofer håt aun ane von de Eabinnan, de Frau Stefanie Nestroy-Bene, aum 28.&nbsp;Dezemba 1891 g'schrieb'n:<ref name="LG" />
:''„Die Erwartungen, welche wir auf ein Geschäft mit dem Theater setzten, haben sich leider nicht erfüllt. ‚Der Flüchtling‘ wurde in Deutschland nirgends zur Aufführung angenommen. […] und so scheint es leider unabänderlich, daß mein Verleger einen sehr, sehr schweren Schaden erleiden muß – über 15.000&nbsp;Mark.“''<ref>Helmensdorfer: ''Johann Nestroy, Stücke 27/I.'' S.&nbsp;152–154. (füa's gaunze Kapit'l ''Weaksg'schicht''')</ref>

== Zeidungskritik ==
Aum Aufaung san maunche Kritika z'weg'n dera (åbsichtlich?) unkloa'n Mitteulung davaun ausgaunga, dass es si beim ''Flüchtling'' um des Origenäu vom Nestroy haund'ln miassat, haum owa boid bemeakt, wia's wiaklich woa.<ref>Helmensdorfer: ''Johann Nestroy, Stücke 27/I.'' S.&nbsp;156–177. (füa's gaunze Kapit'l ''Zeidungskritik'')</ref>

Auum 25.&nbsp;Oktoba 1890 is a Besprechung duach'n Alexander Landesberg in da ''Wiener Sonn- und Montags-Zeitung'' (Nr.&nbsp;294, S.&nbsp;1&nbsp;f.) easchienan, dea wo füa seine zwaa Redakteaunskolleg'n Chiavacci und Ganghofer kräftich Reklam' g'måcht håt. Gaunz geg'n de Wiaklichkeit håt a von ''„einem schier unglaublichen großen Erfolge“'' (Zitat) g'schrieb'n und håt aussadem in da ausfüahlich'n Entstehungsg'schicht' unscheniat Dichtung und Woahheit z'saummg'mischt.

Des ''Illustrirte Wiener Extrablatt'' vom 25.&nbsp;Oktoba (Nr.&nbsp;294, S.&nbsp;5) håt si ois origenölle Idee a vom vastuabanan Nestroy peasönlich aus'n Jenseits vafåsste Kritik eifoi'n låss'n (in Nestroy sei Leichnaum woa'r aum 22.&nbsp;Septemba 1890 vom Ortsfriedhof [[Währing]] in sei heitich's Eahr'ngrab auf'n Weana Zenträufriedhof üwastöit wua'nn):
:''„Die Exhumierung steckt mir noch in allen Gliedern. […] Warum ich so viel von meiner Ausgrabung rede? Weil ich gestern wieder exhumiert worden bin, und zwar geistig exhumiert.“''
Es is daunn a hamuavolle Rezenseaun üwa's Stückl kumma, då drin wiad z'wengan groß'n Publekumsaudraung vameakt, dass da Nestroy off'nboa bei seine Weana no net gaunz vagess'n is und aa de Auffüahrung und de Doastölla wea'n g'lobt.

De ''Deutsche Rundschau'' håt aum 26.&nbsp;Oktoba (Nr.&nbsp;50, S.&nbsp;7) eha kritisch g'schrieb'n:
:''„Die Herren Bearbeiter haben den ursprünglichen Nestroy etwas mitgenommen, indem sie seinem Zeuge einige ‚[[Gstanzl|G'stanzeln]]‘ und [[Wiener Couplet|Couplets]] anflickten.“''

Des ''Fremdenblatt'' hå schware Bedenk'n dageg'n aug'möidt, es [[Alt-Wiener Volkstheater]] mit dem Stückl neu ins Leb'n ruaf'n z' woi'n, weu do des modeanare eigentli vüi bessa warat.
:''„Die schablonenhaften Figuren einer längst abgestorbenen und überwundenen Theaterzeit treten wieder vor uns, man belächelt, aber belacht sie nicht, und das Derbste an Scherz und Spaß muss aushelfen, um die zweifelhafte Wirkung zu verstärken.“''

De humoristisch-satirische Zeidung ''Der junge Kikeriki'' håt aum 2.&nbsp;Novemba (X.&nbsp;Jg., Nr.&nbsp;662, S.&nbsp;4) g'schrieb'n:
:''„Diesmal haben sich gar zwei lebende Dichter, Ganghofer und Chiavacci, über einen todten, den Nestroy, hergemacht, und diese haben thatsächlich mehr von Nestroy gefunden, als jüngst die Exhumierungs-Commission.“''

''Das Vaterland'' und de ''Oesterreichische Volks-Zeitung'' hau'm duachwegs kritisch bis negativ auf de Neuinszeniarung reagiat, de ''Extrapost'' und de ''Wiener Theaterzeitung'' woa'n dageg'n duachaus von da Leistung von de zwaa Beoawata ziemli beeidruckt.

Spekulateaunan von vaschiedane Zeidungan nåch da Easchtauffüahrung von dem üwaoawatat'n Stückl, un Nestroy sei Origenäu warat „nåchweislich“ im Juli und August 1849 g'schrieb'n wua'n, hau'm owa genau den Nåchweis net bringa kenna.

== Literatua ==
* Urs Helmensdorfer (Hrsg.): ''Johann Nestroy, Stücke 27/I.'' In: Jürgen Hein/Johann Hüttner/Walter Obermaier/W. Edgar Yates: ''Johann Nestroy, Sämtliche Werke, Historisch-kritische Ausgabe.'' Franz Deuticke Verlagsgesellschaft, Wien 1997, ISBN 3-216-30291-1.

== Beleg ==
<references/>

{{Navigationsleiste Theaterstücke von Johann Nepomuk Nestroy}}

{{SORTIERUNG:Fluchtling, Der}}
[[Kategorie:Johann Nestroy]]
[[Kategorie:Literarisches Werk]]
[[Kategorie:Drama]]
[[Kategorie:Literatur (19. Jahrhundert)]]
[[Kategorie:Alt-Wiener Volkstheater]]
[[Kategorie:Literatur (Deutsch)]]
[[Kategorie:Literatur (Österreich)]]
[[Kategorie:Artikel auf Wienerisch]]