Diandling

Aus Wikipedia
A Diandlbaam
De Bliah vo am Diandlbaam
A reifs Diandl
Cornus mas

Da Diandling, aa Diandl, Dirndl oda gejwa Hoatriegl (dt.: Kornelkirsche, latein: „Cornus mas“) is a Pflanznoart, wo za de Hoartriegln ghead und ned za de Keaschn. Diandling gibt's ois Diandlbaam, Diandlheckn und Diandlstroach. De Diandling wean bis eppa 6 - 8 Meta houch und iwa 100 Joar oid. De Pflanzn mog woarme, sunnige Platzln und an koichhoidign Bodn. De Frucht hoaßt aa Diandl.

Nutzung[Werkeln | Am Gwëntext werkeln]

Des Diandlhoiz is so hoart, doss de oidn Griacha domid Spea gmochd hom. Spoda hod ma Weakzeigstui draus heagstejt. Des Hoiz is so schwaa, doss im Wossa ned schwimmt, sundan untageht.

De Frucht is siass-saua, enthoid vui Vitamin-C und ko roh oda eihglegt gessn wean. Es wead owa a Soft, Schnops, Marmelad und meah draus gmochd.

Im Netz[Werkeln | Am Gwëntext werkeln]

 Commons: Diandling – Oibum mit Buidl, Videos und Audiodateien