Erich Eibl

Der Artikl is im Dialekt Weanarisch gschriem worn.

Erich Eibl (* 25. Meaz 1945 in Neikiachn bei Eger im heitign Tschechien) is a österreichischa Karikaturist und Grafika.

Lem

Sei Kindheit hot a in Göllersduaf im Weiviatl vabrocht, wora aa ind Voikschui gaungan is. S Realgymnasium hod a daun in Stockarau bsuacht. Scho 1961 hods in da „Kronen-Zeitung“ easchte Vaeffentlichungan gem vo seine Karikatuarn, des worn domois Porträäs vo de Ringa am Heimoakt. Danoch hods a bolidische Zeichnugan in divease Zeidungan gem, „Neues Österreich“, „Tageszeitung“, „Furche“, „Volksblatt“, „Stern“ und aa in da „Wochenpresse“. 1963 woa dann Bause, do wora ois Saniteta beim Bundeshea. Vo 1964 bis 1970 wora ois bolidischer Karikatuarist beim „Volksblatt“, in dera Zeit hodar aa via Semesta long Molarei aun da „Akademie der bildenden Künste“ studiat, do hod oba nix dabei aussegschaut. 1970 hots daun de easchtn Zeichnungan und Illustratiaunen im „Trend“ und im „Profil“ gem.

Seit 1971 isa beim Trend-Valog ois Grafika augstööt. Im 73ga Joa hoda si a hoibs Joa Ualaub gnumman und hod bei de Ami in Nu Joak ois Illustratoa und Schuibuachdeseiner gweakt. Nem seina Tätichkeit beim Valog mocht a no ois freia Mitoabeita Zeichnungan und Karikatuan fia Magazine, Zeidungan und Weabeagentuan.

Weake

• Erich Eibl: Eibl: Politik & Doof Cartoons. Verlag Orac, Wien 1985 ISBN 3-7015-0009-6
• Erich Eibl: Pinselstiche Verlag Orac, Wien 1988 ISBN 3-7015-0158-0
• Erich Eibl: Cartoons und andere Zeichnungen Verlag Orac, Wien 1992 ISBN 3-8536-8912-4

Literatua

• Erich Eibl: Eibl: Politik & Doof Cartoons. Verlag Orac, Wien 1985 ISBN 3-7015-0009-6

Im Netz

• Deitsche Nationäubibliotek DNB@1@2Vorlage:Toter Link/d-nb.info (Seite nicht mehr abrufbar; Suche in Webarchiven)