Etztolarisch

Aus Wikipedia

Etztolarisch oda Ötztalerisch is a tirola, siidboarischa Dialekt. Duach de Obgeschiedenheit vom Etztoi in Tirol is de Sproch do uatimle dahoidn worn und guit ois ane vo de ejtastn Sprochformen vom Siidboarischn.

Etztolarisch wead vo 8.000 bis 15.000 Sprechan gredd. Es is 2010 in de UNESCO-Listn Immaterielles Kulturerbe in Östareich aufgnumma worn.[1]

Dees aissare Etztoi steht a wengal untam Einfluss vom Obainntoi, dees innare unta dem vom Passeia- und Schnalstoi in Siidtirol, wearend im middlan Etztoi da Etztola Dialekt am unspringlichstn konsaviat worn is, eppa da Vokal- und Suibmreichtum vom Friah-Middlboarischn.

Lexik[Werkeln | Am Gwëntext werkeln]

nuicht → ned
wos ischt denn? → Wos isn los?
Nale → Oma
reasche → schnej
Gameza → Gams
Nene → Opa
Stangger → Heimandln (zan Heidrickan)
Foam → Schaum

Dila → Heibodn, Dochbodn
Friahaa → easchta Schnitt
Gruamat → zwoata Schnitt
Boufl → dritta Schnitt
Ebe → Weiwal-Schof
Drimle → Drimmal, Stickl
Omezn → Omoasn
Gröschenkliber → Geizhois, Pfennigfuxa

Textbeispui[Werkeln | Am Gwëntext werkeln]

gehüenooglt...
Gedicht vom Hans Haid[2]

gehüenooglt
orms maadele
gehüeschtet
schtrauka
orms maadele
olm sella
gehüeschte
eppan goor
a weag fiebr
grantenwossr
trinkn
oftr wöll
wearchte seahn
olm sella
güete granten
drhoamat
kimm decht
tüe a raschtle
hintrn ööfn
dinnan
margn ischt olles
güet
sall wöll
und nöa bussle
drau

'steif gfrorn...
(Ibasetzung)

'steif gfrorn
orms diandal
ghuascht hods
'schtrauka
orms diandal
imma so a
huaschtarei
eppa gor
a wengal fiaba
preislbeawossa
dringa
nacha woi
weast scho segn
imma soiche
guade preislbean
dahoam
kimm hea
rost di aus
hintan ofn
do
morgn is ois
guad
jo woi
und no a bussal
drauf

Heabeispui[Werkeln | Am Gwëntext werkeln]

Schau aa[Werkeln | Am Gwëntext werkeln]

Beleg[Werkeln | Am Gwëntext werkeln]

  1. Ötztaler Mundart, Nationalagentur für das Immaterielle Kulturerbe, Östareichische UNESCO-Kommission
  2. gehüenooglt... Gedicht vom Hans Haid

CD[Werkeln | Am Gwëntext werkeln]

  • Jung und Frisch: Die Earchte. Voiksmusi af Etztolarisch vo am Deandl-Trio. (Heaprobm)

Literatua[Werkeln | Am Gwëntext werkeln]

  • Hans Haid: töet vöer dr töet keemen ischt. Gedichtln im Etztola Dialekt, Buach plus CD. Skarabaeus Valog, Innschbruck 2006. ISBN 3708232054
  • Hans Haid et al.: ums darf umha droot. Lieder, Dokumente und Gedichte aus dem Ötztal, 1979 (nua vom Autorn sejm z kriagn)
  • Hans Haid: Pflüeg und Furcha. Gedichte in Tiroler Mundart (Ötztal), 1973 (nua vom Autorn sejm z kriagn)

Im Netz[Werkeln | Am Gwëntext werkeln]