Fürbeag

Da 880 Meta hohe Fürbeag ghert zu da kloanarn Berg im vordern Boarischn Woid in da Gmoa Kiaberg. Am Gipfe befindt se da Plattnstoa, a intaressande Felsformatin mit Gipfekreiz und Ausblick noch Südn zum heahan Brotjacklriegl. A Stück weida untn steht de Fürbeagkappelln, weache iba an Kreizweg vo Untamittadorf erreicht wern konn. Da Fürbeag lasst se auf mehrare Wandaweg in kurza Zeit besteing, Ausgangspunkte san die kloana Ortschaftn Roadorf, Untamittadorf oder Berneck.