Fatal Fury
As Fatal Fury (vom Publisher SNK) war da easchte Midleifa vo am Street Fighter II. Exakt as söibe Spuibrinzip, bloß a weng ondane Charakta hods midbrocht. Insofean funktioniats a grod genau a so wia as Street Fighter II: Hau am Gegna solang oane nei, bis a woas, wia da Bod'n riacht. Dazu hosd natüerlich divease Standat-Techniken sowia a boa Special Moves pro Charakta an da Hand. Und wennst wiaglich olle reguläan Charaktere ummabadscht hosd, dann deafst a no am Obermotz, des wo da Howard Geese is, oane vablettn, domidst die fortan da "King of Fighters" hoaßn deafst.
De, wo was teilnehma[Werkeln | Am Gwëntext werkeln]
De Kämpfa:
De Aufzählung beziagt se jetza bloß auf'an easchtn Teil vo dera Serien
Da Bogard Andy[Werkeln | Am Gwëntext werkeln]
Oane vo de zwoa Briada, de wo an Geese um'd Eck'n bringa woin, wei a eana Vodan umbrocht hod. Da Andy is da diszibliniatane von de zwoa, dea wo sie gombled am Kampfschboat vaschriem hod. Owendn duad a Techniken aus'm japanischa Karate.
Da Bogard Terry[Werkeln | Am Gwëntext werkeln]
An Terry hods im Gegensatz zu seim Bruada ned noch Japan, sondan in de Staatn vaschlong, wora a seine Fight-Skills hea hod. Sei Kampfschtil is deshoibatweng ned gloa zum definiean, da Terry hod auf da Stroß houid grod ois aufgschnappt, as so funkzioniad. Am nextn kummt sei Style woi no am Kickboxn. Und, logisch: A ea wui an Geese, an Meada vo seim Vodan, bluatn'd am Bod'n seng.
Da Higashi Joe[Werkeln | Am Gwëntext werkeln]
Da Higashi Joe is a Japana, dea wo as Muay Tahi-Boxn braktiziat. Da Joe is da beste Spezi vo de Bogard-Briada und huift eana deshoib im Kampg gegar'an Howard Geese.
Da Rue Tung Fu[Werkeln | Am Gwëntext werkeln]
Nocha'm Dod vom Vodan vo de Bogards hod se da Tung de Buam o'gnumma und eana eanene Grundkenntnisse im Kampschboat beibrocht. Dann hodas in'd Wöid aussagschickt, domids no grod gnua leana, domids am Howard Geese nachad iagndwann zur Rache as Leh'ms-Liachtl ausblos'n kenna.
Da Meyer Ritschie[Werkeln | Am Gwëntext werkeln]
A deitschstämmiger Unsimbath, dea wos se bei de Brasiliana as Capoeira, a trittlastige Kampfspoatoat obgschaut hod.
Da Max Michi[Werkeln | Am Gwëntext werkeln]
Da Michi is beim Balrog (Street FighterII) in de Lehre gonga, wias ausschaugt. Auf je'n Foi is a fast a exakte Kopie vo eam.
Duck King[Werkeln | Am Gwëntext werkeln]
Seine Hoa hod se dea duachdrahte Depp zu am Irokes'nschnitt auffagfehnt. Sein Btrötchen duad a se ois D.J. in ana Disco fadiena. Sei Kampfstil is ned näha zum definian.
Da Endboss:
Da Howard Geese[Werkeln | Am Gwëntext werkeln]
Da Gesse is a Gangsterboss in Southtown, da Heimadstod vo de Bogard-Briada. Und wei da Vodan vo de zwoa koa Schutzgöid hod zoin woin, hoda'n kuatzahand um'd Eck'n brocht. Koa besundas kluga Schachzug im Nachhinein betrachtet, wei a sie so in dene zwoa a boa eanstzumnehmande Totfeinde gschaffa hod.
Aufi und obi wias grod baßt[Werkeln | Am Gwëntext werkeln]
In de spädanen Foing vo Fatal Fury is no a ganz individuelle Bsundaheid dazuakemma, de wo ma a so kaum in am andan Beat 'em Up voafind'. So deaf ma bei de meist'n Fatal Furys mid seim Kämpfa zwischa mehrare (z'meist drei) verschiedene Ebenen wechseln, um gegnarische Attacken zum Ausweichen. Des steigat wzor die daktischen Meglichkeit'n, macht de Sach abara ned z'letzt a weng schwieriga.