Flichtiga

Aus Wikipedia

A Flichtiga (dt.: Flüchtiger) is, voazuagsweis in da Sprochweis vo Polizei und Justiz, a Peason, de se de Strofvafoigungsbeheadn duach Flucht entziagd.

Vawendungsfäi van Begriff im Justizbreich[Werkeln | Am Gwëntext werkeln]

Es hondld se ba Flichtinge in da Regl um mutmoßliche oda aus da Hoft gflohne Strofteta. Da Begriff wead haifig aa im Zammhong mid da Unfoiflucht vawendd.

A scho eafoigde Flucht vo mutmoßlichn Stroftetan begrindd oftmois'n Hoftgrund vo da (eaneitn) Fluchtgfoah.

Obgrenzung van Begriff van Flichtling[Werkeln | Am Gwëntext werkeln]

De Obgrenzung zan Flichtling is ned imma kloar z'treffn. Da Begriff van Flichtling is in da Regl positiv konnotiad und mid ana Flucht aus gsejschoftli und/oda juristisch oeakenndn Grindn, wia z. B. da drohndn Gfoah foa Leib und Lem, vabundn, vgl. Asylrecht.

Ned ausgschlossn is jedoch, doss a in oam Land ois Flichtiga betrochdda Strofteta grod weng da mutmoßli oda tatsechli begongna Stroftot bzw. dea domi vabundna Rechtsfoige in oam ondan Land asyleahebliche Fluchtgrinde voabringa ko, de iahm z'mindesd subsidiean Schutz im Sinn van Flichtlingsrecht vaschoffn. Des is insbes. donn da Foi, wenn de bedroffne Peason im Heakunftsland vo da Todesstrof bedrohd is oda zan Tod vauateid worn is, vgl. § 4 Abs. 1 Nr. 1 Asylgsetz (AsylG).

Obocht, do steht a wichtiga Hiweis zu Rechtsthemen!