Fly Geyser
| Fly Geyser
| |
|---|---|
| Lage | Nevada, USA |
| Koordinaten | 40° 52′ N, 119° 20′ W |
Koordinaten: 40° 51′ 33″ N, 119° 19′ 55″ W | |
Da Fly Geyser, ma kaunn aa sogn Fly Ranch Geyser, is a vo Menschn gschoffana Geysir in Nevada. Es is zirka 32,2 km nerdlich vo Gerlach in Washoe County.[1][2]
Entstehung
[Werkeln | Am Gwëntext werkeln]Da Geysir is wegn ana föhlahoft gmochtn Bohrung entstaundn. In dera Gegnd homs 1964, wias geothermaler Energie gsuacht hom, a boa Bohrungan gmocht. De Lecha homs oba ned urdnlich zuagmocht und odicht. Zwegn dem is der Wossa aufgstiegn und hod dabei Mineräulien mitgnumman, de wos si ouman beim Ausgaung oglogat hom. Des is a Wäu so weidagaungan, und so san de Staana uman Geysir umadum imma hecha wuan, z'letzt woans 1,5 m.[3] Und des Wossa, wos ogrunnan is und si auf aana Flechn vo 30 ha ausbraat hod, hod in de gaunzn Johre aa Terrassenlandschaft gfuamt.[1]
De vaschiedanan Foam san de Foige von de vüün Mineräulien. Mikroorganismen, äussa gaunz klaane Viecha, Oign und no aundare Kräudln ham es Wossa aa no eigfaabt. Inzwischen hod si um den Geysir umadum a gaunzes Ökosistem büüt.[1][4]
Da Geysir is aufm privatn Laund vom Burning Man Project[5] und is fia de Effentlichkeit zugänglich, waunn ma si davua bei dera Farm aumööt, de wos dodan dazuagheat. Ned weit san no meah Geysire, de wos owa ned so bekaunnt san.[6]
Im Netz
[Werkeln | Am Gwëntext werkeln]
Commons: Fly Geyser – Sammlung vo Buidl, Videos und AudiodateienBeleg
[Werkeln | Am Gwëntext werkeln]- ↑ 1,0 1,1 1,2 Daily Mail: There she blows: The incredible pictures of a man-made geyser in the middle of the Nevada Desert. Abgerufen am 21. September 2014.
- ↑ Weather.com: The World's Most Amazing Places: Fly Geyser. Archiviert vom Original [1] am 12. Septemba 2014; abgerufen am 21. September 2014.
- ↑ ourbreathingplanet: Fly Geyser. Abgerufen am 25. September 2014.
- ↑ Kuriositas: Fly Geyser – Not Quite of this World. Abgerufen am 25. September 2014.
- ↑ Burning Man: We Bought Fly Ranch. 10. Juni 2016, abgerufen am 12. Januar 2017 (englisch).
- ↑ Black Rock Desert: Wonder caused by humans, enhanced by nature. Archiviert vom Original [2] am 21. August 2012; abgerufen am 25. September 2014.