Foschingshouzoat

Der Artikl is im Dialekt Flochgauarisch gschriem worn.

A Foschingshouzoat is a mea oda weniga tradizionelle Vaonschdoitung, bei dea si d'Mona ois Woiba und Woiba ois Mona vaglaidn. Im Middlbungt städ d'Houzoat vo zwoa soichane vakheatn Leit. De hairatn natiali ned wiagli. Donn gibts as Laufn vo de Houzoatbuam. Do laufn d'Bua, de wos in Wiaglichkeid jo Medln han in da Untawesch um d'Wettn. Des is natiali ned gonz gsund, weil so a vakheate Houzoat um d'Foschingszeit stott find. Dea wos gwingd bei dem Lauf muas d'Braut entfian. Ma ko si denga, dass auf soichane Houzoatn lustig zua geed.